មេរៀនទាំង ៩ គ្មាននៅសាលា មានតែជីវិតពិតប្រចាំថ្ងៃប៉ុណ្ណោះទើបជួបប្រទះ

2020-01-08 03:10:00
ចំនួនមតិ 0 | ចំនួនចែករំលែក 0

ក្នុងជីវិតរស់នៅរបស់មនុស្សម្នាក់ៗ បានជួបប្រទះរឿងរ៉ាវសំខាន់ៗជាច្រើនទាំងល្អ និងអាក្រក់ ហើយនោះអាចចាត់ទុកជាមេរៀនដែលគួរតែចងចាំ។ អ្នកត្រូវដឹងថា មេរៀនអស់ទាំងនោះគ្មានឡើយក្នុងសាលា មានតែជីវិតប្រចាំថ្ងៃប៉ុណ្ណោះ។ ខាងក្រោមនេះ កញ្ញា នឹងបង្ហាញរឿងរ៉ាវ ៩ យ៉ាងមនុស្សគ្រប់គ្នាមិនអាចរស់នៅដោយគ្មានវាឡើយ៖

រូបតំណាង

**១.កុំតម្រូវអ្វីតាមចិត្តអ្នក**៖ គ្មាននរណាម្នាក់ដែលអាចផ្គាប់ចិត្តអ្នកដទៃបានល្អឥតទាស់ឡើយ ដូចនេះមិនត្រូវទាមទារឲ្យគេធ្វើអ្វីតាមចិត្តអ្នករហូតឡើយ។

២.រៀនធ្វើ៖ អ្វីដែលអ្នកមិនចេះ មិនគួរបោះបង់វាឡើយ តែគួរតែរៀនធ្វើ ដើម្បីសន្សំចំណេះដឹងមួយថែមទៀតទុកប្រើការនៅថ្ងៃមុខ។

៣.បោះចោលរឿងមិនបានការ៖ ប្រសិនបើអ្នកជួបរឿងដែលធ្វើឲ្យស្មុគស្មាញក្នុងជីវិត គួររំលងវាចោលទៅ។

៤.កុំខ្លាចបរាជ័យ ឬធ្វើខុស៖ ទាល់តែអ្នកធ្លាប់ខុស ទើបអាចរកត្រូវបាន ដូចនេះមិនបាច់ខ្លាចធ្វើអ្វីមិនទទួលបានជោគជ័យ ព្រោះបើមិនជោគជ័យពេលនេះ ពេលក្រោយអ្នកនឹងជោគជ័យវិញជាក់ជាមិនខាន។

រូបតំណាង

៥.កុំចេះកាត់ក្ដី៖ មានរឿងរ៉ាវជាច្រើនដែលគ្រាន់តែឮ ឬឃើញមួយភ្លែត មនុស្សចាប់ផ្ដើមកាត់សេចក្ដីថាអ្នកនេះខុស អ្នកនោះត្រូវ។

៦.រៀនទទួលយកការពិត៖ ក្នុងជីវិតរស់នៅរាល់ថ្ងៃ គ្មាននរណាចង់ឲ្យការខិតខំប្រឹងប្រែងខ្លួន ទទួលបានលទ្ធផលមិនល្អឡើយ តែអ្នកត្រូវចេះបើកចិត្តឲ្យទូលាយទទួលយកការពិតមកគិតពិចារណា ទោះជាលទ្ធផលនោះអាក្រក់ក៏ដោយ។

៧.រៀនពីអ្វីដែលបរាជ័យ៖ ទាល់តែអ្នកដឹងពីចំណុចដែលធ្វើឲ្យខ្លួនបរាជ័យ ទើបអ្នកអាចស្ដារ និងវិវត្តន៍ស្ថានភាពមករកភាពប្រសើរវិញបាន។

៨.កុំមើលក្រោយ៖ ទម្រាំឈានជើងមកដល់ចំណុចណាមួយ ម្នាក់ៗបានខិតខំប្រឹងប្រែងអស់ពីលទ្ធភាពហើយ ដូចនេះផ្លូវទៅមុខទៀតរឹតតែជួបបញ្ហាទ្វេដង។ កុំចុះចាញ់ និងចង់ត្រឡប់ក្រោយអី អ្នកអាចសម្រាក ឬដើរយឺតៗបាន។

៩.ការឈ្នះមិនមែនជាអ្វីគ្រប់យ៉ាងទេ៖ ជ័យជម្នះខ្លះមិនប្រាកដថាធ្វើឲ្យអ្នកថ្កុំថ្កើង ឬប្រសើរឡើងទេ មានតែធ្វើឲ្យអ្នកថមថយទៅវិញ ដូចនេះរឿងខ្លះមិនបាច់ចង់ឈ្នះចាញ់ពេកឡើយ៕

ចុចអាន៖បើស្រីៗនៅតែរក្សាគំនិតទាំងនេះ កុំបន្ទោសហេតុអីជីវិតនេះអភ័ព្វ

ប្រភព៖ Rd ប្រែសម្រួល៖ ទ្រី រ៉ាវី