មិនចង់ចេញក្រៅថ្ងៃឆ្លងឆ្នាំអាចធ្វើរឿង ៤យ៉ាងនេះនៅផ្ទះបានយ៉ាងសប្បាយ
- 2019-12-31 01:35:00
- ចំនួនមតិ 0 | ចំនួនចែករំលែក 0
មិនចង់ចេញក្រៅថ្ងៃឆ្លងឆ្នាំអាចធ្វើរឿង ៤យ៉ាងនេះនៅផ្ទះបានយ៉ាងសប្បាយ
ថ្ងៃស្អែកជាថ្ងៃឆ្លងឆ្នាំហើយ តើអ្នកមានគម្រោងទៅណាដែរ? បើអ្នកមិនចង់ចេញក្រៅផ្ទះនៅថ្ងៃឆ្លងឆ្នាំនោះ អ្នកអាចធ្វើរៀង ៤យ៉ាងនេះបានយ៉ាងសប្បាយនៅផ្ទះ។ ជឿជាក់ថាប្រាកដជាមានអ្នកមួយចំនួនមិនចង់ចេញក្រៅផ្ទះទេ ហើយមួយចំនួនទៀតប្រាកដជាចេញក្រៅផ្ទះដើម្បីអបអរសាទរថ្ងៃឆ្លងឆ្នាំ។ ខាងក្រោមនេះ ជារឿង ៤យ៉ាងដែលអ្នកអាចធ្វើនៅផ្ទះបានយ៉ាងសប្បាយនៅថ្ងៃឆ្លងឆ្នាំរួមមាន៖
**១. ធ្វើម្ហូបញុំាឆ្ងាញ់ៗ**
ប្រសិនបើមួយថ្ងៃៗរវល់ដូចឃ្មុំរកពេលសម្រាកគ្មាន អ្នកគួរតែចំណាយពេលសម្រាប់ខ្លួនឯងដោយចម្អិនម្ហូបឆ្ងាញ់ដែលខ្លួនចូលចិត្ត។ ក្រៅពីនេះ អ្នកក៏អាចជួបជុំជាមួយក្រុមគ្រួសារពិសេសលោកឪពុកអ្នកម្តាយ និងបងប្អូនសាច់ញាតិដើម្បីអបអរសាទរថ្ងៃឆ្លងឆ្នាំទាំងអស់គ្នា។
២. ច្រៀង រាំ និងមើលរឿងភាគ
ក្រោយពីអ្នកសម្រាកពីការសិក្សានិងធ្វើការពេញមួយថ្ងៃ អ្នកអាចចំណាយពេលបង្កើតការលំហែកាយនិងអារម្មណ៍ដ៏ខ្លួនឯងតាមរយៈការច្រៀងចម្រៀង រាំ និងមើលរឿងភាគកំប្លែងសើចសប្បាយយ៉ាងសប្បាយ។
៣. សម្អាតផ្ទះ
មុនថ្ងៃឆ្លងឆ្នាំចូលមកដល់ កុំភ្លេចសម្អាតផ្ទះរបស់អ្នកឲ្យបានរៀបរយណា៎ ពិសេសបន្ទប់គេងផ្ទាល់។ ផ្ទះរបស់អ្នកត្រូវការភាពស្អាត មានសណ្តាប់ធ្នាប់ និងរបៀបរៀបរយ ហេតុដូចនេះអ្នកគប្បីបោសជូតផ្ទះនិងទុកដាក់របស់របរឲ្យត្រឹមត្រូវនិងមានសោភ័ណភាពល្អ។
៤ .គេងឲ្យបានស្កប់ស្កល់
នៅថ្ងៃឆ្លងឆ្នាំ បើអ្នកមិនចង់នៅចំណាយពេលអស់ងងុយនោះទេ ការគេងជារឿងដ៏ល្អបំផុតសម្រាប់អ្នក។ អ្នកអាចនឹងអស់កម្លាំងពីការសិក្សាឬធ្វើការពេញមួយថ្ងៃ ដូចនេះបើអ្នកចង់គេងលក់ឲ្យបានស្កប់ស្កល់នោះគឺមិនចាំបាច់នៅដល់ពេលយប់ជ្រៅក៏បាន ចូលគេងក្បាលព្រលប់គឺល្អហើយ៕
រូបភាព៖ Pinterest
ចុចអានបន្ត៖
សម្រាប់អ្នក single អាចធ្វើរឿង ៥ យ៉ាងនេះបាននៅថ្ងៃឆ្លងឆ្នាំខាងមុខនេះ