ឆ្នាំចំនួន៣ ត្រូវប្រុងប្រយ័ត្នឲ្យខ្លាំងមែនទែន ពេលឈានចូល២០២០
- 2019-12-20 09:40:00
- ចំនួនមតិ 0 | ចំនួនចែករំលែក 0
ឆ្នាំចំនួន៣ ត្រូវប្រុងប្រយ័ត្នឲ្យខ្លាំងមែនទែន ពេលឈានចូល២០២០
ក្នុងឆ្នាំ ២០២០ ដែលនៅសល់មិនយូរប៉ុន្មាន តាមក្បួនទស្សន៍ទាយមានឆ្នាំខ្លះជួបលាភសំណាងក្នុងជីវិតការងាររបស់ពួកគេ។ តែក៏មានឆ្នាំខ្លះ ត្រូវប្រុងប្រយ័ត្ន ដើម្បីចៀសវាងបញ្ហាផ្សេងៗផងដែរ។ ខាងក្រោមនេះ មានឆ្នាំដូចជា៖
**១. ឆ្នាំមមី**
យោងតាមក្បួនហោរាសាស្ត្រឆ្នាំ២០២០ ការងារនិងរបររកស៊ីរបស់បុគ្គលកើតឆ្នាំសេះមានការលំបាក ជួបប្រទះការភាពរញ៉េរញ៉ៃច្រើន ហើយប្រាក់ចំណូលវិញក៏មិនសមប្រកបប៉ុន្មានដែរ។ អ្នកអាចប្រឈមនឹងរឿងឈ្លោះទាស់ទែង ដែលបន្ថែមសម្ពាធផ្លូវចិត្តឲ្យកាន់តែពិបាក។ ក្នុងមុខជំនួញវិញ ងាយប្រឈមក្ស័យធន បង្កការស្មុគស្មាញកាន់តែខ្លាំង។ ការជួបឧបសគ្គច្រើន ធ្វើឲ្យអ្នកដែលកើតឆ្នាំមមីបាត់បង់ជំនឿចិត្តលើខ្លួនឯង និងប្រឈមនឹងជំងឺស្រ្តេស។ គុណវិបត្តិទាំងនេះនឹងដាក់សម្ពាធដល់ឆ្នាំមមី ឲ្យជួបភាពមិនសប្បាយចិត្តច្រើន។
ទោះជាយ៉ាងណាក្តី អ្នកត្រូវតែមានការតាំងចិត្តមុះមុតប្រឹងប្រែងធ្វើការ។ ការអត់ធ្មត់ ចិត្តធ្ងន់ មិនតបត អាចកាត់បន្ថយភាពមួម៉ៅក្នុងឆ្នាំ២០២០ បាន។ អ្នកត្រូវចាំថា ចាត់ទុកឆ្នាំ២០២០ ជាពេលវេលាត្រៀមរៀបចំសម្រាប់ភាពជោគជ័យនៅឆ្នាំបន្ទាប់ ដូច្នេះត្រូវធ្វើចិត្តឲ្យត្រជាក់ដូចទឹក។
២. ឆ្នាំម្សាញ់
ចូលដល់ឆ្នាំ ២០២០ មនុស្សកើតឆ្នាំម្សាញ់នឹងជួបផ្កាយគ្រោះដែលធ្វើឲ្យជីវិត និងការងារមិនសូវសមដូចចិត្ត។ គម្រោងផ្សេងៗហាក់មិនដំណើរការរលូន ដោយហេតុផលមិនសមទំនងដែលធ្វើឲ្យនៅទ្រឹង។ រីឯអ្នករកស៊ីជួញដូរវិញ ត្រូវប្រយ័ត្នអតិថិជនភូតភរបោកកុហក ហើយចំពោះអ្នកធ្វើការវិញអាចប្រឈមនឹងភាពស្រ្តេស ហត់នឿយនឹងសម្ពាធការងារ។ ឱកាសផ្សេងៗក៏ហាក់មិនសូវទទួលបានច្រើនដែរ គឺមានដែនកំណត់។
យ៉ាងណាក្តី អ្នកកើតឆ្នាំពស់ ច្រើនជាមនុស្សឆ្លាតនិងមានសមត្ថភាព ម្ល៉ោះហើយអាចពន្លាតទេពកោសល្យរបស់ពួកគេដោះស្រាយបញ្ហាបាន។ បើទោះលាភសំណាងប្រចាំឆ្នាំខាងមុខហាក់មិនសូវល្អ តែមិនអាចរាំងស្ទះដំណើរនៃទេពកោសល្យរបស់គេនោះទេ។ អ្នកនៅតែអាចរកប្រាក់ចំណូលបាន ដើម្បីផ្គត់ផ្គង់ក្នុងជីវិតរស់នៅ។
ដើម្បីកាត់បន្ថយគ្រោះ មនុស្សឆ្នាំម្សាញ់ដាច់ខាតកុំក្រៀមក្រំទុក្ខសោកយូរ អនុញ្ញាតឲ្យខ្លួនឯងសម្រាកលំហែឲ្យបានច្រើន ។ មិនត្រូវខ្ជិលច្រអូស តែត្រូវប្រុងប្រយ័ត្នលើការបណ្ដាក់ទុនរកស៊ី ប្រយ័ត្នចាញ់បោកមិត្តភក្កិ។ ត្រូវចាត់ទុកឆ្នាំ២០២០ ជាឆ្នាំដែលមិនគួរប្រថុយប្រថាន។
៣. ឆ្នាំមមែ
ក្នុងឆ្នាំខាងមុខ អ្នកកើតឆ្នាំពពែនឹងប្រឈមអស្ថិរភាពការងារ មានការបង្កាច់បង្ខូចពីមនុស្សមួយក្រុមតូច បណ្ដាលឲ្យមួម៉ៅ ចិត្តក្ដៅដូចភ្លើង។
ថ្វីដ្បិតមិនសូវជួបភាពរុងរឿងច្រើនក្នុងឆ្នាំ ២០២០ តែបើយោងតាមក្បួនទស្សន៍ទាយ មនុស្សកើតឆ្នាំមមែគឺជាមនុស្សក្លាហាន សុទិដ្ឋិនិយម និងចិត្តល្អ។ អ្នកតែងវាយតម្លៃអ្វីមួយដោយស្មារតីម៉ត់ចត់ ដូច្នេះទោះជាជួបរឿងអត់សប្បាយចិត្តក្តី ក៏អ្នកនូវតែដោះស្រាយបញ្ហាបានលឿនរហ័ស។
ដូច្នេះការលំបាកក្នុងឆ្នាំ២០២០ សម្រាប់អ្នក គ្រាន់តែចាត់ទុកថាវាជាការតស៊ូនឹងភាពស្មុគស្មាញទៅគឺបានហើយ។ ជឿជាក់លើខ្លួនឯងថាអាចស្វែងរកដំណោះស្រាយ ដើម្បីបន្តអភិវឌ្ឍការងាររបស់អ្នកទៅមុខ។ ជាដំបូន្មានសម្រាប់អ្នកកើតឆ្នាំមមែ ត្រូវប្រុងប្រយ័ត្នពេលនិយាយស្តីម្ដងៗ គិតមុននឹងធ្វើអ្វីមួយ មិនត្រូវឲ្យលុយទៅគេខ្ចី នោះ ទេ៕
អានបន្ត៖ រងសម្ពាធការងារខ្លាំង គន្លឹះ៣យ៉ាងនេះ កាត់បន្ថយយ៉ាងមានប្រសិទ្ធភាព