រាជិនីសម្រស់ Yoona និង Suzy ប៉ះគ្នាក្នុងថ្ងៃមួយ ទោះឡើងគីឡូនៅតែស្អាតឥតទាស់

2019-12-18 02:45:00
ចំនួនមតិ 0 | ចំនួនចែករំលែក 0

ទោះបីជាចូលរួមក្នុងកម្មវិធី២ផ្សេងគ្នាក៏ដោយ តែសម្រស់របស់កំពូលតារាចម្រៀង និងសម្ដែងស្រីកូរ៉េ Yoona និង Suzy នៅតែត្រូវបានគេយកមកប្រៀបធៀប ដោយសារកម្មវិធីកើតឡើងក្នុងថ្ងៃតែមួយ។

កាលពីយប់ថ្ងៃទី១៧ ខែធ្នូមុននេះ កម្មវិធីសិល្បៈធំ២បានទទួលចំណាប់អារម្មណ៍ជាខ្លាំង នៅពេលកម្មវិធីទាំងនេះមានវត្តមានចូលរួមពីសំណាក់កំពូលតារាពហុជំនាញ២រូបគឺ Yoona និង Suzy។ តាមនោះដែរ ក្នុងកម្មវិធីចាក់បញ្ចាំងភាពយន្តរឿង Baekdusan អតីតសមាជិកក្រុមចម្រៀង Suzy បានបង្ហាញខ្លួនយ៉ាងស្រស់បំព្រងទោះបីជាស្រីស្អាតវ័យ២៤ឆ្នាំស្លៀកពាក់សាមញ្ញក៏ដោយ។ ព្រមជាមួយគ្នានេះដែរ មតិជាច្រើនបានលើកឡើងថា ទោះបីជាមើលទៅឡើងគីឡូជាងមុនមែនពិត តែតួរឿង Dream High នៅតែមានសម្រស់ទាក់ទាញដូចធម្មតា។

នៅយប់ថ្ងៃដដែលនេះដែរ កំពូលតារាចម្រៀង និងសម្ដែងស្រី Yoona បានចូលរួមក្នុងកម្មវិធីប្រគល់រង្វាន់ភាពយន្ត Women Film Festival។ ដូចគ្នានឹងស្រីស្អាតខាងលើដែរ សមាជិកក្រុម SNSD ស្លៀកពាក់សាមញ្ញ តែនៅតែធ្វើឲ្យគេសម្លឹងឡើងភ្លឹកជាមួយសម្រស់របស់ខ្លួន។ ទោះបីជាចូលរួមកម្មវធីផ្សេងគ្នាក៏ដោយ តែអ្នកសិល្បការិនី២រូបនេះនៅតែបានគេប្រដូចថា ជារាជិនីសម្រស់ពិបាករកចាញ់ឈ្នះដដែល៕