មនុស្សប្រុសនឹងបាត់បង់ការចាប់អារម្មណ៍ បើស្រីៗមានចំណុចទាំង ៦នេះ

2019-11-28 02:15:00
ចំនួនមតិ 0 | ចំនួនចែករំលែក 0

មនុស្សប្រុសពូកែសង្កេត និងសម្គាល់ណាស់ហើយ ហើយការចាប់អារម្មណ៍ពួកគេទៅលើមនុស្សស្រីគឺមិនមែនដូចអ្វីដែលយើងឃើញនោះទេ។ ពួកគេសម្លឹងមើលនារីបញ្ចេញសាច់សខ្ចីមែន តែមិនមែនមានន័យថាគេចាប់អារម្មណ៍លើឡើយ។ ដោយឡែកបើស្រីៗមានចំណុចទាំងនេះ ដឹងតែធ្វើឲ្យមនុស្សប្រុសបាត់បង់ការចាប់អារម្មណ៍ជាមិនខាន ៖

១. Make-up ខ្លាំងពេក

កុំគិតថា Make-up ខ្លាំងពេកអាចទាក់ចិត្តមនុស្សប្រុសនោះ គឺផ្ទុយស្រឡះតែតែម្ដង។ មនុស្សចូលចិត្តបែបធម្មជាតិ និងសាមញ្ញៗ មិនមែន Make-up ក្រាស់ៗ ឈូសនៅថ្មមិនដាច់នោះទេ។ ព្យាយាមកាត់បន្ថយការ Make-up ក្រាស់ៗ មកជាបែបស្រាលៗ ធម្មជាតិវិញទើបមនុស្សប្រុសចាប់អារម្មណ៍។

រូបតំណាង

**២. គ្មានអនាម័យ**

អនាម័យគឺជារឿងមួយសំខាន់បំផុត ដូចបើយើងជាមនុស្សស្រីឲ្យមិនសូវមានអនាម័យនោះ មនុស្សនឹងអស់អារម្មណ៍មកលើយើង។ត្រូវចេះថែរក្សាខ្លួនឲ្យបានស្អាត ទាំងដៃទាំងជើង ក្លិនខ្លួន សក់ និងសម្លៀកបំពាក់ជាដើម។

៣. លេងចរិតពេក ឬចរិតស្រីស្អាត

កុំទម្លាប់មានចរិតស្រីស្អាតចូលខ្លួនពេកព្រោះវាអាចឲ្យគេដកខ្លួនចេញ ហើយថែមទាំងជ្រេញទៀតផង។ ទោះស្អាត ឬមិនស្អាតក៏ដោយគួរតែប្រកាន់ចរិតល្អៗ បែបសាមញ្ញៗ មិនក្រអើតក្រទម ឬគិតថាគេមិនដល់ខ្លួន។

រូបតំណាង

៤. រញ៉េរញ៉ៃ ឬចូលចិត្តនិយាយ និងសើចឮៗ

វាបង្ហាញពីឥរិយាបថមិនល្អប៉ុន្មានទេ ការដែលសើច ឬនិយាយឮៗអាចធ្វើឲ្យបុរសមានអារម្មណ៍ថាខ្មាសគេពេលនៅជាមួយយើង។ ម្យ៉ាងទៀតចរិតបែបរញ៉េរញ៉ៃដូចក្មេងមិនទាន់ធំគឺមនុស្សប្រុសមិនសូវចូលចិត្តទេ ដូច្នេះបើអាចគួរតែកែចេញ។

៥. ពូកែតែរឿងដើរលេង ផឹកស៊ី

ការសប្បាយគ្មានអ្នកណាឃាត់ឡើយ តែបើយើងពូកែតែរឿងហ្នឹងពេកក៏មិនមែនជាចំណង់ចំណូលចិត្តមនុស្សប្រុសដែរ។ គួរតែប្រឹងប្រែងឲ្យខ្លួនមានសមត្ថភាពខាងចំណេះដឹង ពូកែរកស៊ី និងមានមុខមាត់ក្នុងសង្គមទើបល្អ។ បើគ្រាន់តែស្គាល់គ្នាភ្លាមអួតពីក្លឹបនេះ ក្លឹបនោះ ស្រានេះស្រានោះ កុំគិតថាមនុស្សប្រុសសរសើរឲ្យសោះ។

៦. ការរៀបចំខ្លួនមិនចុះភ្នែក

គួរតែមើលតាមកាលៈទេសៈថាខ្លួនគួរស្លៀកពាក់យ៉ាងម៉េចទើបសម មិនមែនមកទាំងខុសគេខុសឯងនោះទេ។ ម្យ៉ាងទៀតការលេងខ្លួនបែបសិចស៊ី ស៊ីវិល័យពេកក៏មិនមែនជាប្រភេទដែលមនុស្សចូលចិត្តដែរ។ មួយវិញទៀតកាស្លៀកពាក់បែបបែកស្លុយក៏មិនគួរឲ្យមានដែរព្រោះគ្រាន់តែឃើញក៏គេដឹង និងវាយតម្លៃយើងបែបណាបាត់ទៅហើយ។