គុណធម៌ ៥ របស់ភរិយា ជួយឲ្យស្វាមីជោគជ័យ និងចម្រើនទ្រព្យ
- 2019-11-25 04:30:00
- ចំនួនមតិ 0 | ចំនួនចែករំលែក 0
គុណធម៌ ៥ របស់ភរិយា ជួយឲ្យស្វាមីជោគជ័យ និងចម្រើនទ្រព្យ
បុរសក៏មិនខុសគ្នាពីនារីដែរ គឺតែងតែប្រាថ្នាចង់បានភរិយា ដែលមានក្តីស្រលាញ់ ចេះយកចិត្តទុកដាក់ និងស្មោះត្រង់ចំពោះគាត់។ ក្រៅពីនេះ នៅពេលឈានចូលដល់ជីវិតជាប្តីប្រពន្ធពេញលេញ ការស្រលាញ់តែមួយមុខនៅមិនទាន់គ្រប់គ្រាន់នៅឡើយទេ។ ត្រូវបន្ថែមរបស់សំខាន់ៗមួយចំនួនទៀតដូចជា ការទុកចិត្ត យល់ពីគ្នា រួមទាំង គុណធម៌ចម្បង ទាំង ៥ ដែលនារីជាប្រពន្ធគួរមានជាប់ខ្លួន ដើម្បីជួយយឹតយោងស្វាមី ឲ្យទទួលបានជោគជ័យ គ្រួសារជួបតែភាពរុងរឿង។
**១. មានវិធីធ្វើឲ្យស្វាមីចិត្តត្រជាក់ នៅពេលដែលគាត់ខឹង**
ជាទូទៅមនុស្សប្រុស ងាយនឹងឆាប់ខឹង ពិបាកចិត្តស្មុគស្មាញ ដូច្នេះក្នុងនាមជាភរិយាឆ្លាតមួយរូប អ្នកត្រូវតែចេះរកវិធីដើម្បីជួយលួងលោម ឲ្យគាត់បានធូរស្រាលឡើងវិញ។ កុំព្យាយាមឲ្យគាត់ តម្រូវចិត្តធ្វើតាមអ្នក គ្រប់ពេលវេលាខ្លាំងពេក។ ជីវិតគ្រួសារមិនមែនជាការឈ្នះចាញ់ ហើយបើទោះជាចង់តឹងរ៉ឹងដាក់ប្តី ក៏ត្រូវមានកាលមានវេលាជាក់លាក់ដែរ ទើបចំណងស្នេហ៍អាចនឹងនបាន។
២. ចេះគិតគូរពិចារណាវែងឆ្ងាយ
មនុស្សប្រុសមិនមែនសុទ្ធតែត្រូវការ ប្រពន្ធស្អាតឬល្អឥតខ្ចោះនោះទេ។ ជាក់ស្តែង គាត់ប្រាថ្នាចង់បាននារី ដែលចេះគិតគូរពិចារណាវែងឆ្ងាយ មានហេតុផល មិនរញ៉េរញ៉ៃសូញសាញនាំឲ្យសាំចិត្ត។ គាត់ចង់បានប្រពន្ធ ដែលដឹងពីតម្រូវការរបស់ប្តី និងយល់ចិត្តសូម្បីតែរឿងតូចតាច។ នារីដែលចេះបង្កបរិយាកាសស្រស់ស្រាយក្នុងគ្រួសារ ទោះហត់នឿយយ៉ាងណា ក៏រសាត់ទៅអស់។
៣. ចេះចាត់ចែងទុកដាក់កិច្ចការក្នុងផ្ទះ
ចំណុចនេះសំខាន់បំផុត ដែលបុរសគ្រប់រូប ចង់ឲ្យភរិយាមានជាប់ខ្លួន។ ក្រៅពីកិច្ចការក្រៅផ្ទះ និងចែករំលែកទំនួលខុសត្រូវទៅវិញទៅមក គាត់តែងចង់បានភរិយា ដែលអាចចាត់ចែងទុកដាក់ កូនចៅ ផ្ទះសម្បែង និងយល់ពីសាច់ញាតិក្រុមគ្រួសារទាំងសងខាង។ នេះហើយជាឫសគល់រឹងមាំ នាំឲ្យគ្រួសារកាន់តែមានសុភមង្គលមិនសាបសូន្យ។
៤. ស្រលាញ់មិនប្រែប្រួល
រៀបការយូរៗទៅ ភាពផ្អែមល្ហែម ប្រាកដជាអន់ថយ ជាងកាលចាប់ផ្តើមដំបូងៗ ប៉ុន្តែវារឿងសាមញ្ញទៅហើយ។ សំខាន់អ្នកនៅតែអាចបន្តក្តីស្រលាញ់ មានចិត្តបរិសុទ្ធឲ្យគ្នាទៅវិញទៅមក។ ជាពិសេស ស្វាមីចង់ឲ្យភរិយា នៅតែបន្តទំនុកចិត្ត មិនសង្ស័យរករឿងផ្តេសផ្តាស និងអាចកសាងគ្រួសារមួយ ប្រកបដោយចំណេះដឹង ក្តីគោរពនិងស្រលាញ់។
៥. ចេះធ្វើម្ហូប
មនុស្សស្រីសម័យទំនើបភាគច្រើនគ្មានជំនាញឬមិនចូលចិត្តរឿងធ្វើម្ហូបនេះទេ។ យ៉ាងណាមិញ អ្នកគួរតែរៀនចាប់ពីពេលនេះតទៅ ព្រោះអាហារក្តៅៗ ចម្អិនដោយអ្នកផ្ទាល់ មិនត្រឹមតែជួយសន្សំថវិការ បានទាំងសុខភាពល្អប៉ុណ្ណោះទេ ថែមទាំងអាចធ្វើឲ្យកូនៗ ព្រមទាំងស្វាមី នឹកគិតដល់រសជាតិនិងស្នាដៃរបស់អ្នក ចង់ត្រលប់មកផ្ទះ ដោយសារគ្មានកន្លែងណាផ្សេងអាចប្រៀបផ្ទឹមបាន៕
ចុចអានបន្ត៖ ស្រីៗត្រូវប្រុងប្រយ័ត្ន នូវទង្វើ ៥ យ៉ាង ដែលមាននៅក្នុងខ្លួនប្រុសព្រាន