ឆ្នាំទាំង ៣ មានសំណាងហូរហៀរ ក្នុងឆ្នាំ ២០២០ ខាងមុខឆាប់ៗនេះ

2019-11-22 06:30:00
ចំនួនមតិ 0 | ចំនួនចែករំលែក 0

នៅមិនយូរប៉ុន្មានទេ ឆ្នាំចាស់ ២០១៩ នឹងកន្លងផុតទៅ ដើម្បីត្រៀមខ្លួនផ្លាស់ប្តូរទទួលឆ្នាំថ្មីវិញម្តង។ តើអ្នកចង់ដឹងទេថា ក្នុងឆ្នាំ ២០២០ ខាងមុខឆាប់ៗនេះ មានឆ្នាំណាខ្លះ ដែលនឹងមានលាភសំណាងហូរហៀរ?

១. ឆ្នាំជូត

រូបតំណាង

អ្នកកើតឆ្នាំជូត ភាគច្រើនតែងដឹងពីរបៀបទុកដាក់រៀបចំរឿងអនាគត។ អ្នកជាមនុស្សដែលខិតខំធ្វើការរកស៊ី និងចេះគ្រប់គ្រងលុយកាក់បានល្អ ដូច្នេះកម្រជំពាក់លុយអ្នកដទៃណាស់។

អ្នកជាមនុស្សឆ្លាត ប៉ុន្តែមិនចូលចិត្តអួតឬបញ្ចេញឲ្យដឹង ជាហេតុធ្វើឲ្យគេឯងតែងគោរពសរសើរមិនដាច់ពីមាត់។ រាល់ពេលធ្វើអ្វីមួយ អ្នកចេះប្រុងប្រយ័ត្នបានល្អ ដូច្នេះអ្នកអាចមានសុវត្ថិភាពនិងពុំសូវប្រឈមនឹងហានិភ័យផ្សេងៗ។

ក្នុងឆ្នាំ ២០២០ ជាឱកាសដ៏ល្អសម្រាប់អ្នក ព្រោះលាភសំណាងនឹងហូរចូលមកដោយឯងៗ ជាពិសេសសម្រាប់អ្នកកើតពាក់កណ្តាលឆ្នាំដំបូង។ បើនិយាយពីកិច្ចការងារវិញ ទៅមុខដោយរលូន និងមិនចាំបាច់បារម្ភពីបញ្ហាលុយកាក់នោះទេ។ យ៉ាងណាមិញ អ្នកកើតឆ្នាំជូត គួរយកចិត្តទុកដាក់ចំពោះសុខភាពឲ្យបានល្អ កុំធ្វើការហួសកម្រិតខ្លាំងពេក។ ក្នុងឆ្នាំ ២០២០ មានរឿងវិជ្ជមានជាច្រើន នឹងកើតឡើងមកលើអ្នក។

២. ឆ្នាំកុរ

រូបតំណាង

អ្នកកើតឆ្នាំកុរ ក៏មានលាភសំណាងមិនតិចដែរ ក្នុងឆ្នាំ ២០២០ខាងមុខ។ បើនិយាយពី ឆ្នាំ២០១៩ ហាក់បីដូចជាមិនសូវល្អប៉ុន្មានទេ ប៉ុន្តែក្នុងឆ្នាំថ្មីអ្វីៗនឹងផ្លាស់ប្តូរ។ ពេលដើមឆ្នាំ អ្នកអាចនឹងពិបាកបន្តិច ប៉ុន្តែបើអ្នកចេះទ្រាំទ្រ ហ៊ានប្រឈម មិនបាក់កម្លាំងចិត្ត អ្នកនឹងទទួលបានលទ្ធផលល្អជាច្រើន។

ក្នុងឆ្នាំ ២០២០ អ្នកត្រូវតែមានភាពអត់ធ្មត់ និយាយស្តីដោយប្រុងប្រយ័ត្ន និងផ្តោតលើការងារ ជាជាងរឿងអត់ប្រយោជន៍។ ប្រសិនបើអ្នកចេះចាប់យកឱកាស និងជួបមនុស្សដែលអាចជួយគាំទ្រអ្នក គ្រប់កិច្ចការទាំងឡាយ នឹងរីកចម្រើនកាន់តែខ្លាំង។

៣. ឆ្នាំថោះ

រូបតំណាង

អ្នកកើតឆ្នាំថោះ ភាគច្រើនជាមនុស្សរម្យទមសុភាពរាបសារ ចេះចាត់ចែងលុយកាក់ និងចេះប្រុងប្រយ័ត្នពេលនិយាយស្តី។ អ្នកក៏ជាមនុស្សឆ្លាត មានភាពអត់ធ្មត់ រឹងមាំ និងតែងសម្លឹងឃើញពីអនាគតវែងឆ្ងាយ។

អ្នកមិនសូវចូលចិត្តនិយាយសាំញ៉ាំច្រើនប៉ុន្មានទេ ហេតុនេះហើយបានជាពេលខ្លះ អ្នកដទៃមិនអាចយល់ច្បាស់ពីគំនិតរបស់អ្នក មានតែមនុស្សជិតស្និទ្ធប៉ុណ្ណោះ ទើបអាចយល់ពីចិត្តរបស់អ្នក ដោយមិនពិបាកពន្យល់ច្រើន។

ក្នុងឆ្នាំ ២០២០ ខាងមុខ អ្នកពិតជាមានសំណាងខ្លាំងណាស់។ រាល់ការប្រកបធ្វើកិច្ចការផ្សេងៗ អាចទៅមុខដោយរលូន និងមានភាពចុះសម្រុងជាមួយអ្នកដទៃបានយ៉ាងល្អ។ ជីវិតអ្នកនឹងមានទ្រព្យសម្បត្តិ និងភាពរុងរឿង ដោយគ្មានក្តីបារម្ភ៕

ចុចអានបន្ត៖ រឿងពិតរបស់នារី២៥ឆ្នាំ គ្មានអ្នកណាអាចមើលពីខាងក្រៅដឹង

ប្រភព៖ Phunutoday ប្រែសម្រួល៖ ដេត ឈុនអ៉ី