អស់កង្វល់រឿងជង្គង់ និង កែងដៃខ្មៅ ដោយរូបមន្តធម្មជាតិងាយៗទាំង១០

2019-11-22 04:40:00
ចំនួនមតិ 0 | ចំនួនចែករំលែក 0

ក្បាលជង្គង់ និង កែងដៃខ្មៅ ពិតជារំខានណាស់ដល់ការស្លៀកពាក់របស់នារី។ ពេលដែលផ្នែកមួយចំនួននៃរាងកាយមានសភាពខ្មៅ ស្រអាប់ ខុសពីផ្នែកផ្សេង វាក៏ជាកង្វល់មួយរបស់អ្នកផងដែរ ព្រោះមើលទៅមិនសូវស្អាត។ ដូចនេះ អ្នកគប្បីអនុត្តនូវវិធីដែលងាយស្រួល ហើយមិនប៉ះពាល់ដល់ស្បែក ដូចរៀបរាប់ខាងក្រោម៖

វិធីទី១៖ ចិតផ្លែត្រសក់ជាចំណិតស្តើងល្មម រួចយកមកដុសលើផ្នែកដែលមានសភាពខ្មៅនោះរយៈពេល១៥ នាទី រួចទុកចោល ៥នាទី សិមលាងទឹកចោល។

រូបតំណាង

**វិធីទី២៖** ចិតក្រូចឆ្មារជាពីរកំណាត់ រួចដាក់ម្សៅសូដាពីលើក្រូចឆ្មារនោះ មួយស្លាបព្រាកាហ្វេ ក្នុងមួយកំណាត់ រួចយកមកដុស ១នាទី ហើយទុកវាចោលប្រហែល ១៥នាទី រួចលាងចេញជាមួយទឹកក្តៅអ៊ុនៗ។ អ្នកអាចធ្វើវា ២ថ្ងៃម្តង ដើម្បីឆាប់ឃើញប្រសិទ្ធភាព។

រូបតំណាង

វិធីទី៣៖ យកផ្នែកខាងក្នុងរបស់បន្ទាលកន្ទុយក្រពើ ដែលមានសភាពទន់ៗដូចចាហួយ យកមកបិទជាបន្ទះៗនៅលើផ្នែកដែលខ្មៅ រួចទុកចោលប្រមាណ ២០នាទី ទើបលាងចេញជាមួយទឹកក្តៅអ៊ុនៗ។ វិធីម្យ៉ាងទៀត អ្នកអាចយកវា ទៅលាយជាមួយទឹកដោះគោ រួចលាបលើបរិវេណដែលខ្មៅ ស្រអាប់ ហើយទុកវាចោលមួយយប់ និងលាងចោលពេលព្រលឹម។

រូបតំណាង

វិធីទី៤៖ ចិតដំឡូងបារាំងជាបន្ទះស្តើងៗ ឬ ឈូសវាឱ្យម៉ត់ រួចយកមកបិទលើជង្គង់ ឬ កែងដៃរបស់អ្នក បន្ទាប់មកទុកវាចោលប្រមាណ ១៥នាទី ទើបលាងចេញជាមួយទឹក។

រូបតំណាង

វិធីទី៥៖ លាយម្សៅល្មៀតជាមួយទឹកដោះគោឱ្យទៅជាល្បាយខាប់ៗ រួចបិទវាមួយភ្លែតឱ្យវាស្ងួត រួចលាងចេញជាមួយទឹកក្តៅអ៊ុនៗ។

រូបតំណាង

វិធីទី៦៖ ក្រោយពីងូតទឹករួច ម៉ាស្សាប្រេងដូងនៅលើជង្គង់ឬកែងដៃប្រមាណ ២ទៅ៣នាទី រហូតដល់វាជ្រាបចូលស្បែកតែម្តង។

រូបតំណាង

វិធីទី៧៖ លាយទឹកឃ្មុំ ២ស្លាបព្រាកាហ្វេ ជាមួយក្រូចឆ្មារមួយកំណាត់ ច្របាច់យកតែទឹក និង ម្សៅសូដា១ស្លាបព្រា ឱ្យទៅជាល្បាយខាប់ៗ រួចយកមកលាបលើផ្នែកដែលខ្មៅស្រអាប់នោះ ហើយទុកចោលប្រមាណពី ២០ទៅ៣០នាទី សិមលាងទឹកចេញ។

រូបតំណាង

វិធីទី៨៖ លាយប្រេងអូលីវ ជាមួយស្ករសឱ្យទៅជាល្បាយខាប់ រួចយកវាមកម៉ាស្សាលើជង្គង់ឬកែងដៃប្រមាណ ៥នាទី រួចលាងទឹកចេញ។ អ្នកគួរអនុវត្តវិធីនេះ មួយសប្តាហ៍ម្តង។

រូបតំណាង

វិធីទី៩៖ លាយស្រូវសាឡីកន្លះស្លាបព្រាបាយ អំបិលមួយចិប និង ក្រូចឆ្មារមួយកំណាត់ ច្របាច់យកតែទឹក កូរឱ្យសព្វ រួចយកមកដុសលើក្បាលជង្គង់ឬកែងដៃ ប្រមាណ១០ទៅ១៥នាទី បន្ទាប់មកលាងទឹកចេញ។ វិធីនេះ អ្នកអាចព្យាយាមធ្វើ ៣ទៅ៤ដង ក្នុងមួយសប្តាហ៍។

រូបតំណាង

វិធីទី១០៖ លាយយ៉ាអួ ជាមួយទឹកខ្មេះចំនួនមួយស្លាបព្រាបាយដូចគ្នា រួចលាបល្បាយនោះនៅលើជង្គង់ ឬ កែងដៃរបស់អ្នក ហើយទុកវាចោលប្រមាណ ១៥នាទី សិមលាងទឹកចេញ។ វិធីនេះ អ្នកអាចធ្វើ ៣ទៅ៤ដង ក្នុងមួយសប្តាហ៍ផងដែរ៕