រឿងពិតរបស់នារី២៥ឆ្នាំ គ្មានអ្នកណាអាចមើលពីខាងក្រៅដឹង
- 2019-11-21 12:30:00
- ចំនួនមតិ 0 | ចំនួនចែករំលែក 0
រឿងពិតរបស់នារី២៥ឆ្នាំ គ្មានអ្នកណាអាចមើលពីខាងក្រៅដឹង
វ័យ២៥ឆ្នាំរបស់មនុស្សស្រី គឺជាពេលវេលាដែលនាងតែងដេកស្រមៃថានឹងមានជីវិតស្នេហាដ៏ស្រស់បំព្រងមួយ និងបានដឹងពីវិធីឆ្លងកាត់ព្យុះភ្លៀងដែលនឹងត្រូវជួបប្រទះ។
វ័យ២៥ឆ្នាំ នាងតែងតែចង់ប្រើជីវិតនេះឱ្យបានសប្បាយរីករាយ ប៉ុន្តែជួនការរស់នៅជាក់ស្ដែងគឺមិនដូចអ្វីដែលនាងបានគិតនោះទេ។
នាងមិនមែនជាសិស្សវិទ្យាល័យដែលនៅមានការគិតបែបក្មេងវ័យទៀតទេ។ នាងក៏មិនមែនជាក្មេងស្រីដែលទើបតែចាប់ផ្ដើមដើរដាក់ពាក្យសុំធ្វើការដែរ។ មិនថាតិចឬច្រើន នារីវ័យ២៥ឆ្នាំ ពិតជាធ្លាប់ទទួលបានបទពិសោធន៍ក្នុងជីវិត បានស្គាល់សន្ដានមនុស្សច្រើន និងចេះស្វែងយល់ពីអ្វីដែលបានកើត ដើម្បីរៀបចំផែនការអនាគតសម្រាប់ថ្ងៃមុខ។
វ័យ២៥ឆ្នាំ នាងនៅតែជ្រើសរើសនៅម្នាក់ឯង មិនមែនបានន័យថាគ្មានអ្នកស្រលាញ់ ឬមិនទាន់អាចរកបានបុរសល្អម្នាក់ដែលមានស្មារឹងមាំសម្រាប់ឱ្យនាងពឹងផ្អែកនោះទេ តែគឺមកពីនាងយល់ថា ខ្លួនមិនទាន់ត្រៀមខ្លួនសម្រាប់ជីវិតអាពាហ៍ពិពាហ៍បាននៅឡើយ និងត្រូវការពេលវេលាស្វែងរកអ្វីថ្មីសម្រាប់ខ្លួនឯងសិនប៉ុណ្ណោះ។
វ័យ២៥ឆ្នាំ នាងចាប់ផ្ដើមផ្ដោតទៅលើការស្វែងរកមិត្តប្រាកដ ហើយតិចជាងកាលពីនៅក្មេង។ ទោះបីចំនួនមិត្តភ័ក្ដិចាប់ផ្ដើមថយចុះជាងពីមុន តែនាងពេលនេះមិនសំខាន់ផ្ដោតលើភាពហ៊ឹកហ៊ាក់ ឡូយឆាយ ឬភាពអ៊ូអរជាមួយមិត្តភ័ក្ដិឡើយ។ អ្វីដែលនាងខ្លាចនៅពេលនេះគឺ មិត្តភាពនិងស្នាមញញឹមក្លែងក្លាយ ដែលអាចបង្កគ្រោះថ្នាក់ និងប៉ះពាល់ទំនាក់ទំនងទៅពេលក្រោយ។
អាយុ២៥ឆ្នាំ មនុស្សស្រីចាប់ផ្ដើមស្រែកឃ្លានបទពិសោធន៍ផ្សេងៗក្នុងជីវិត និងចង់ធ្វើខ្លួនឱ្យក្លាយទៅជានារីពេញលក្ខណៈ មិនឡេះឡោះដូចពីមុនឡើយ៕
ចុចអាន៖ ពេលដល់អាយុ៣០ឆ្នាំ បែកបាក់ស្នេហា ឬឯកាក៏មិនគួរឲ្យខ្លាចដូចអត់លុយ