៣ កំហុសដាច់ខាតត្រូវជៀសវាងពេលងូតទឹកក្នុងរដូវរងារ បើមិនចង់គ្រោះថ្នាក់

2019-11-18 06:00:00
ចំនួនមតិ 0 | ចំនួនចែករំលែក 0

មានកំហុសឆ្គងមួយចំនួននៅពេលងូតទឹកក្នុងរដូវរងារដែលអាចធ្វើឲ្យអ្នកដាច់សរសៃឈាម ឬឡើងតុងស្យុងស្លាប់មួយរំពេចក៏ថាបាន។ ដូចនេះដើម្បីបង្ការបញ្ហាទាំងនេះ អ្នកគួរគប្បីជៀសវាងរឿងទាំងនេះពេលងូតទឹកក្នុងរដូវរងារ។

១. ងូតទឹកក្ដៅខ្លាំងពេក

ដោយសារតែអាកាសធាតុត្រជាក់ ភាគច្រើនមនុស្សតែងមានទំនោរដាំទឹកក្ដៅ ឬប្រើម៉ាស៊ីនទឹកក្ដៅដើម្បីងូតទឹក។ យ៉ាងណាក្ដី បើមិនប្រយ័ត្នហើយងូតទឹកក្ដៅខ្លាំងពេក វាអាចធ្វើឲ្យស្បែករបស់អ្នកបាត់បង់ប្រេងធម្មជាតិដែលវាមាន បណ្ដាលឲ្យស្បែកស្ងួត ប្រេះស្រការ។ ដូចនេះទោះបីជាត្រជាក់យ៉ាងណាក៏ដោយ ក៏អ្នកគួរតែប្រើទឹកក្ដៅអ៊ុនៗដើម្បីងូតបានហើយ។

២. ងូតទឹកយូរពេក

នៅក្នុងខែរងារ អ្នកមិនត្រូវងូតទឹកយូរខ្លាំងពេកនោះទេ ដោយរយៈពេលអតិបរិមាណដែលអ្នកគួរងូតទឹកម្ដងៗនោះមិនគួរលើសពី១០នាទីនោះទេ ត្បិតប្រសិនបើងូតទឹកក្ដៅហើយងូតយូរទៀតនោះ ទឹកនឹងជ្រាបចូលសួត អាចបណ្ដាលឲ្យគ្រោះថ្នាក់ភ្លាមៗតែម្ដង។

៣. ងូតទឹកយប់ជ្រៅ

នៅពេលយប់ជ្រៅ ដំណើរឈាមនឹងធ្លាក់ចុះ បើងូតទឹកនៅពេលនេះ រាងកាយងាយត្រូវគ្រុន បណ្ដាលឲ្យខ្លួនខ្វះឈាមក្នុងខួរក្បាលច្រើនលើសលប់។ ប្រសិនបើអ្នកកំពុងស្រវឹងហើយងូតទឹកយប់ទៀត គឺងាយបណ្ដាលឲ្យស្លាប់ជាទីបំផុត។

៤. ចាក់ទឹកពីលើក្បាលចុះ

អ្នកមិនគួរចាក់ទឹកពីលើក្បាលចុះមកខ្លួនភ្លាមពេលងូតទឹកនោះឡើយ ត្បិតវាងាយធ្វើឲ្យដាច់សរសៃឈាមបំផុត ជាពិសេសគឺសម្រាប់ទឹកត្រជាក់។ អ្នកគួរសម្របខ្លួនដោយចាក់ទឹកលើដៃជើងជាមុនសិន មុនពេលចាក់ទឹកលើក្បាល៕

ចុចអានបន្ត៖ ៥ សញ្ញានៅលើអណ្តាតជួយប្រាប់ពីសុខភាពរបស់អ្នក

ប្រភព៖ Phunutoday ប្រែសម្រួល៖ Caramel