ស្គាល់គ្នាតាមអនឡាញ ស្រីម្នាក់ត្រូវគេសម្លាប់ ហើយញាត់សពចូលក្នុងវ៉ាលីបំបាត់ភស្តុតាង

2019-11-18 03:15:00
ចំនួនមតិ 0 | ចំនួនចែករំលែក 0

នៅក្នុងវីដេអូដែលគេទើបតែបញ្ចេញនាងពេលថ្មីៗនេះ នៅក្នុងសណ្ឋាគារ Citylife ប្រទេស New Zealand បានបង្ហាញឲ្យថាបុរសម្នាក់បានរុញវ៉ាលីដែលមានផ្ទុកសាកសពជនរងគ្រោះចេញទៅក្រៅ។

ហេតុការណ៍ខាងលើបានកើតឡើងនៅសណ្ឋាគារមួយនៅទីក្រុង Auckland ប្រទេស New Zealand កាលពីខែធ្នូឆ្នាំ២០១៨ ពោលគឺមុនថ្ងៃកំណើតលើកទី២២របស់ជនរងគ្រោះ នាង Grace Millane ១ថ្ងៃ។ រហូតមកដល់ថ្ងៃទី១១ ខែវិច្ឆិកាមុននេះ តុលាការបានបើកសាវនាការ ដើម្បីកាត់ទោសឧក្រិដ្ឋជនវ័យ២៧ឆ្នាំ ក៏ដូចជាបង្ហាញភស្តុតាងសាហាវឃោឃៅដែលជននេះបានបង្ករឡើង។

យោងតាមវីដេអូឃ្លីប ដែលប៉ូលិសបញ្ចេញនោះបានបង្ហាញឲ្យឃើញថា ឧក្រិដ្ឋជនបានរុញវ៉ាលីផ្ទុកសពចូលក្នុងជណ្ដើរយន្តដើម្បីចេញក្រៅបំបាត់ភស្តុតាង។ បណ្ដាញព័ត៌មាន BBC បានឲ្យដឹងថា អ្នកទាំង២ខាងលើបានស្គាល់គ្នាតាមបណ្ដាញសង្គម Tinder ហើយក៏បានណាត់គ្នានៅសណ្ឋាគារខាងលើដើម្បីរួមរ័ក្ស។ ដល់ព្រឹកថ្ងៃបន្ទាប់ ជនបង្ករហេតុបានឃើញថា នាង Grace Miller បានស្លាប់បាត់បង់ជីវិតទៅហើយ ដោយមានហូរឈាមតាមច្រមុះផងដែរ។

ដោយសារតែភិតភ័យពេក លោកបានញាត់នាងចូលវ៉ាលីហើយយកទៅកប់ក្នុងព្រៃមួយ។ ក្នុងការកាត់ក្ដីនេះ ឧក្រិដ្ឋជនពីដំបូងបានបដិសេធចំពោះការចោទប្រកាន់ខាងលើ យ៉ាងណាក្ដី ចុងក្រោយលោកបានសារភាព ដោយបានឲ្យដឹងថា នៅពេលរួមភេទ ជនរងគ្រោះបានសំណូមពរឲ្យលោកច្របាច់កនាង។ ដល់ពេលព្រឹកឡើង លោកបានឃើញថា ដៃគូរបស់លោកបានដាច់ខ្យល់បាត់ទៅហើយ។

ក្រោយពេលកប់សពជនរងគ្រោះរួច លោកក៏ធ្លាប់គិតដល់ការបញ្ចប់ជីវិតខ្លួនឯងដែរ ដោយការលេបថ្នាំ តែមិនបានសម្រេច។ នៅពេលនេះ រឿងក្ដីនេះនៅតែកំពុងបានបន្តស្រាវជ្រាវនៅឡើយ៕