ចង់បំភ្លេចមនុស្សម្នាក់ត្រូវយកមនុស្សម្នាក់ទៀតមកជំនួស?
- 2019-11-05 11:00:00
- ចំនួនមតិ 0 | ចំនួនចែករំលែក 0
ចង់បំភ្លេចមនុស្សម្នាក់ត្រូវយកមនុស្សម្នាក់ទៀតមកជំនួស?
ពិតណាស់ គ្មានការស្រាវជ្រាវណាអាចមកបញ្ចាក់ថា វិធីសាស្រ្តអ្វីដែលធ្វើឱ្យមនុស្សម្នាក់បំភ្លេចមនុស្សម្នាក់ទៀតបាន ងាយស្រួលឬលឿននោះទេ។ វាមិនខុសគ្នាទេទៅលើពាក្យមួយឃ្លាដែលគេតែងតែនិយាយនោះគឺ "ការបើអ្នកចង់បំភ្លេចអ្នកណាម្នាក់ អ្នកគួរយកមនុស្សម្នាក់ទៀតមកជំនួស" គឺគ្មាននរណាម្នាក់បញ្ចាក់ថាវា ខុសឬក៏ត្រូវឡើយ។ មានមនុស្សមួយចំនួនបាននិយាយថា ពាក្យមួយឃ្លានេះគឺ ត្រូវពិតមែន តែក៏មានមនុស្សមួយចំនួនទៀតដែលថាវាមិនពិតនោះទេ។
ហេតុដូចម្តេចបានជាមានអ្នកខ្លះថាពិត និង អ្នកខ្លះថាមិនពិត?
ពិត ៖ សម្រាប់អ្នកដែលគិតថា "ទាល់តែមានអ្នកថ្មី ទើបអាចបំភ្លេចអ្នកចាស់ ឬ ចង់បំភ្លេចមនុស្សម្នាក់ត្រូវយកមនុស្សម្នាក់ទៀតមកជំនួស" ពិតជាត្រឹមត្រូវនោះព្រោះថា ជាក់ស្តែង នារីមួយចំនួនទម្លាប់មានគេនៅក្បែរ មិនចេះនូវម្នាក់ឯងឡើយ ហើយសម្រាប់ពួកគាត់ ស្នេហាគឺជារឿងដែលចាំបាច់។ មិនថែមតែប៉ុណ្ណោះ មាននារីមួយប្រភេទទៀតដែលជាមនុស្សដែលងាយស្រឡាញ់ ហើយក៏ងាយនឹងបំភ្លេចវិញដែរ។ សម្រាប់អ្នកដែលត្រូវបានរៀបរាប់ខាងលើ ការជ្រើសរើសអ្នកថ្មីដើម្បីបំភ្លេចអ្នកចាស់អាចជា វិធីសាស្រ្តដែលមានប្រសិទ្ធភាពសម្រាប់គាត់។
មិនពិត ៖ ផ្ទុយទៅវិញ មាននារីមួយភាគដែលគាត់មិនងាយស្រឡាញ់អ្នកណា តែបើស្រឡាញ់ហើយគឺស្មោះស្ម័គ្រតែម្តង និងនារីមួយប្រភេទទៀតដែល ទោះជាគាត់ពិបាកចិត្តបែបណា ក៏មិនត្រូវការ ការកំដរ ឬ ស្នេហាថ្មីអ្វីនោះឡើយ។ ដូចនេះ វិធីសាស្រ្តដែលត្រូវយកមនុស្សម្នាក់ដើម្បីបំភ្លេចមនុស្សម្នាក់ទៀតនោះ គឺគ្មានប្រសិទ្ធភាពទេសម្រាប់ពួកគាត់ ពីព្រោះពួកគាត់អាចរៀនធ្វើអ្វីផ្សេងៗ ក្រៅពីប្រើវិធីនេះ៕