មនុស្សស្រីមានទម្រង់មុខ ៤ បែបនេះ តែងតែជួបស្នេហាខកបំណង
- 2019-11-14 09:00:00
- ចំនួនមតិ 0 | ចំនួនចែករំលែក 0
មនុស្សស្រីមានទម្រង់មុខ ៤ បែបនេះ តែងតែជួបស្នេហាខកបំណង
មាននរណាអាចប្រាប់បានទេថា តើមនុស្សស្រីម្នាក់នេះ ឬម្នាក់នោះមានសំណាង ឬអភព្វ? យោងតាមការយល់ឃើញរបស់នរវិទ្យា មនុស្សស្រីភាគច្រើនដែលមានទម្រង់មុខ ៤ បែបនេះ ភាគច្រើនតែងតែឈឺចាប់ក្នុងរឿងស្នេហា និងមិនសូវមានសំណាងជាមួយរឿងគូជីវិត។
មនុស្សស្រីចិញ្ចើមក្រាស់
យោងតាមនរវិទ្យា មនុស្សស្រីដែលមានចិញ្ចើមបែបនេះ ជាមនុស្សដែលមិនសូវមានភាពទន់ភ្លន់ រាបសារ និងភាពជាស្ត្រីប៉ុន្មានទេ។ ទោះបីជាពួកគេ មានអត្តចរិតជាមនុស្សស្រីរឹងមាំក៏ដោយ ដោយឡែកព្រោះតែភាពរឹងមាំនេះហើយ ទើបធ្វើឱ្យពួកគេមិនបានបង្កើតភាពទាក់ទាញទៅមនុស្សភេទផ្ទុយ។ ក្រៅពីនេះ បើសិនជារស់នៅក្រោមដំបូលផ្ទះតែមួយទៀត កាន់តែងាយធ្វើឲ្យប្តីនិងប្រពន្ធបង្កជម្លោះនឹងគ្នាជាញឹកញាប់។ នៅពេលដែលមនុស្សពីរនាក់ មិនមានគំនិតស្របគ្នានៅក្នុងជីវិតគ្រួសារ ការរៀបការងាយនឹងដល់ផ្លូវបែកណាស់។
មានឆ្អឹងថ្ពាល់ខ្ពស់
តាមទ្រឹស្ដីរបស់នរវិទ្យា មនុស្សស្រីដែលមានឆ្អឹងថ្ពាល់ខ្ពស់ ជាមនុស្សដែលរឹងមាំ ពូកែទាំងរឿងស្នេហា និងការងារ ហើយគេក៏មិនងាយនឹងរកបានមនុស្សប្រុសដែលសមនឹងគេដែរ។ តែភាគច្រើនគេជាប្រពន្ធដែលមិននាំសំណាងល្អដល់ប្តីទេ ជាពិសេសក្នុងរឿងការងារជាដើម។ ដោយសារតែគេពូកែ និងរើសខ្លាំងពេក ទោះបីជាគូស្នេហ៍នឹងគ្នាមែន តែតែងតែឈ្លោះគ្នា នាំឱ្យភាពផ្អែមល្ហែមងាយនឹងបាត់បង់ ហើយឈានដល់ការបែកបាក់គ្នា។
មនុស្សស្រីច្រមុះខើច
ច្រមុះខើចមិនមែនជាទម្រង់ច្រមុះស្អាតទេ ក្រៅពីនេះមនុស្សស្រីប្រភេទនេះ ទុកខ្លួនឯងជាធំ អ៊ីចឹងហើយ គេពិបាកនឹងមានទំនាក់ទំនងល្អជាមួយមនុស្សជុំវិញខ្លួនណាស់ ជាពិសេសមនុស្សប្រុសតែម្តង។ ដោយសារតែអត្តចរិតមិនសូវល្អនេះហើយ ពួកគេមានការលំបាកក្នុងការយោគយល់ និងចែករំលែកក្តីស្រលាញ់ឱ្យអ្នកដទៃ។ ទោះបីជាគេមានស្នេហាក៏ដោយ តែទំនាក់ទំនងរបស់ពួកគេក៏មិនមានភាពចុះសម្រុងគ្នាដែរ ងាយនឹងជួបបញ្ហា ហើយក៏ឆាប់បែកគ្នាដែរ។
មនុស្សស្រីមាត់ធំ
តាមការយល់ឃើញរបស់នរវិទ្យា មនុស្សស្រីដែលមានមាត់ធំ ភាគច្រើនមិនមានសំណាងក្នុងរឿងស្នេហាឡើយ។ ទោះបីជាពួកគេមិនតឹងរឹងជាមួយប្តី ឬកូនៗក៏ដោយ ពួកគេជាមនុស្សស្រីដែលចេះចាយលុយ តែមិនចេះទុកដាក់លុយទេ។ ដោយសារតែការចាយខ្ជះខ្ជាយ ធ្វើឲ្យជីវិតគ្រួសារមិនមានភាពរលូន និងមានតែបញ្ហាជាមួយប្តី និងកូនៗ។ ក្នុងគ្រួសារនឹងមានតែបញ្ហាទាក់ទងនឹងរឿងលុយឥតឈប់ឈរ៕
ចុចអាន៖ អត្ថន័យនៃទម្រង់ប្រអប់ជើង ចំណុចមនុស្សគ្រប់គ្នាមិនសូវចាប់អារម្មណ៍