អាហារ ៥ យ៉ាងដែលងាយធ្វើឱ្យមុខឡើងមុន

2019-11-01 03:25:00
ចំនួនមតិ 0 | ចំនួនចែករំលែក 0

មាននារីៗជាច្រើនដែលកំពុងជួបប្រទះនូវបញ្ហាស្បែកមុខ ជាពិសេសគឺការកើតមុននៅលើមុខ ដែលធ្វើឱ្យសម្រស់ត្រូវបានកាត់បន្ថយ ហើយថែមទាំងពិបាកស្វែងរកផលិតផលជួយព្យាបាលទៀតផង។ ដើម្បីជួយកាត់បន្ថយបញ្ហានេះ អ្នកគួរយកចិត្តទុកដាក់ជាមួយរបបអាហារផងដែរ ក្នុងនោះអ្នកគួរតែលះបង់នូវអាហារមួយចំនួយដែលត្រូវមានរៀបរាប់ខាងក្រោម។

១. ធញ្ញជាតិ និង ស្ករដែលត្រូវបានចម្រាញ់

រូបតំណាង

អ្នកដែលផ្ទៃមុខមានបញ្ហាមុន ភាគច្រើនតែងបរិភោគអាហារដែលមានជាតិកាបូអ៊ីដ្រាត។ អាហារដែលសម្បូរទៅដោយជាតិកាបូអ៊ីដ្រាតរួមមាន៖នំបុ័ង នំស្រួយ បាយស ភេសជ្ជៈកំប៉ុង ទឹកអំពៅ ទឹកស៊ីរ៉ូ និង ទឹកឃ្មុំ ជាដើម។

២. ទឹកដោះគោ

រូបតំណាង

ទឹកដោះគោមានសារជាតិដែលអាចធ្វើឱ្យមុនងាយនឹងកកើតឡើង ប៉ុន្តែក៏គ្មានការស្រាវជ្រាវ មួយណាដែលអះអាងថាប្រភេទទឹកដោះគោបែបណាដែលបង្កឱ្យឡើងមុននោះទេ។

៣. អាហារសម្រន់

រូបតំណាង

អាហារដែលមានជាតិកាឡូរីច្រើនមានដូចជា៖ បឺហ្គឺ ហតដក ដំឡូងបំពង សូដា ឬ ទឹកដោះគោក្រឡុកជាដើម។

៤. អាហារដែលសម្បូរជាតិ អូមេហ្គា ៦

រូបតំណាង

អាហារទាំងនេះអាចមានដូចជា៖ ពោតនិង ប្រេងសណ្តែក ជាដើម។ អូមេហ្គា ៦ និង អូមេហ្គា ៣ មានផ្ទុកជាតិអាស៊ីតខ្លាញ់ ដែលអាចប៉ះពាល់ដល់ស្បែក បើសិនបរិភោគក្នុងបរិមាណច្រើន។

៥. សូកូឡា

រូបតំណាង

នរណាក៏បានដឹងដែរថាការបរិភោគ សូកូឡាច្រើនធ្វើឱ្យឡើងទម្ងន់ តែនិយាយពីការឡើងមុនក៏ដូចគ្នា។ ថ្វីត្បិតតែគ្មានអំនះអំនាងច្បាស់លាស់ថា សូកូឡាធ្វើឱ្យកើតមុន ប៉ុន្តែតាមការសាកល្បងញុំាវា ២៥ក្រាម ជារៀងរាល់ថ្ងៃរបស់បុរសមួយក្រុម បានធ្វើឱ្យពួកគាត់ឡើងមុនក្នុងរយៈពេលតិចជាងពីរសបា្តហ៍៕

អានបន្ត៖ អាហារ ៥ ពណ៌ នារីកូរ៉េចូលចិត្តញ៉ាំមិនដែលខាន ដើម្បីជួយឲ្យស្បែកភ្លឺរលោងពីខាងក្នុង

ប្រភព៖ healthline ប្រែសម្រួល៖ Siyou Tang