ភ្ញាក់ផ្អើលនឹងគុណប្រយោជន៍ទឹកខ្ពុលមាត់ច្រើនសន្ធឹក សូម្បីធ្វើជាទឹកជូតកុំព្យូទ័រក៏បាន
- 2019-10-28 09:05:00
- ចំនួនមតិ 0 | ចំនួនចែករំលែក 0
ភ្ញាក់ផ្អើលនឹងគុណប្រយោជន៍ទឹកខ្ពុលមាត់ច្រើនសន្ធឹក សូម្បីធ្វើជាទឹកជូតកុំព្យូទ័រក៏បាន
ទិញទឹកខ្ពុលមាត់មួយដប តែអ្នកអាចប្រើបានច្រើនមុខមិនមែនសម្រាប់តែខ្ពុលមាត់ក្រោយដុសធ្មេញនោះឡើយ។ លើសពីអ្វីដែលអ្នកធ្លាប់គិតកន្លងមក ទឺកខ្ពុលមាត់មានផ្ទុកសារធាតុច្រើនប្រភេទជួយកម្ចាត់បាក់តេរី និងប្រើផ្សេងៗទៀត។ ទាំងនេះពិតជាជួយសន្សំសំចៃលុយកាក់បានយ៉ាងច្រើនមែន។
១. លាងសម្អាតបង្គន់
គ្រាន់តែចាក់ទឹកខ្ពុលមាត់ចូលក្នុងចានបង្គន់ នោះវាមានប្រសិទ្ធភាពកម្ចាត់ក្លិនមិនល្អបានយ៉ាងភ្ញាក់ផ្អើល។
២. លាងសម្អាតមុខរបួស
ពេលមានរបួស អ្នកអាចប្រើទឹកខ្ពុលមាត់ដើម្បីសម្អាតមេរោគបាន។ អ្នកគ្រាន់តែបន្តក់ទឹកខ្ពុលមាត់លើសំឡីរួចជូតលើមុខរបួស នោះអាចជួយសម្លាប់មេរោគបានយ៉ាងងាយ។
៣. កម្ចាត់អង្គែ
យកទឹកខ្ពុលមាត់មកឈ្លីឲ្យពេញសក់រួចរកថង់មករុំសក់ឲ្យជិត នោះអ្នកនឹងភ្ញាក់ផ្អើលជាមួយលទ្ធផលជាទីគាប់ចិត្តមិនខាន។
៤. កម្ចាត់ចៃ
បើសត្វឆ្កែជាទីស្រលាញ់របស់អ្នក មានចៃច្រើនធ្វើឲ្យអ្នកឈឺក្បាល ពេលនេះល្មមដល់ពេលសប្បាយចិត្តវិញហើយ។ អ្នកអាចប្រើទឹកខ្ពុលមាត់ចាក់លើរោមវា ញីឲ្យសព្វពេលងួតទឹកឲ្យសត្វចិញ្ចឹមរបស់អ្នក។ ទឹកខ្ពុលមាត់ផ្ដល់ប្រសិទ្ធភាពល្អជាងផលិតផលផ្សេងៗ ដែលអ្នកអាចទុកចិត្តបាន។
៥. ប្រើជាទឹកជូតមុខ
ជំនួសឲ្យការបារម្ភរឿងកើតមុនពេញមុខ អ្នកអាចប្រើទឹកខ្ពុលមាត់ជូតមុខនៅពេលព្រឹកនិងល្ងាច ដោយវាមានឥទ្ធិពលជួយកុំឲ្យកើតមុនផងដែរ។
៦. ត្រាំច្រាសដុសធ្មេញ
នៅលើច្រាសដុសធ្មេញមានបាក់តេរីច្រើនណាស់ ដូច្នេះអ្នកអាចយកទឹកខ្ពុលមាត់ត្រាំច្រាសដុសធ្មេញបាន។
៧ ប្រើដើម្បីជូតកញ្ចក់កុំព្យូទ័រ
ស្នាមប្រឡាក់លើកញ្ចក់កុំព្យូទ័ររបស់អ្នក អាចប្រើត្រឹមតែទឹកខ្ពុលមាត់ជូតបាន ដើម្បីសម្អាតស្នាមកខ្វក់លើកញ្ចក់។
៨. បំបាត់ក្លិនក្នុងធុងសំរាម
គ្រាន់តែចាក់ទឹកខ្ពុលមាត់ ២ -៣ ដំណក់លើក្រដាសជូតមាត់ រួចដាក់ក្នុងធុងសំរាម នោះក្លិនអាក្រក់ទាំងប៉ុន្មាននឹងសាយភាយចេញបាត់អស់រលីងតែម្ដង៕
ចុចអាន៖ កុំឲ្យក្រញាញ់ខួរពេលចេញវិក័យបត្រភ្លើងអស់លុយច្រើន គួរដឹងល្បិចសំចៃប្រើកំសៀវអគ្គីសនី