ក្រោយពេលសារភាពស្នេហ៍បរាជ័យ មនុស្សស្រីគួរធ្វើអ្វីខ្លះ?

2019-10-24 02:55:00
ចំនួនមតិ 0 | ចំនួនចែករំលែក 0

មនុស្សគ្រប់រូបតែងមានវាសនាខុសគ្នា ខណៈអ្នកខ្លះទើបមានស្នេហាលើកទី១ក៏ស្រលាញ់ប៉ះចំមនុស្សដែលស្រលាញ់ខ្លួនវីញតែម្ដង។ ឯខ្លះទៀត ស្រលាញ់ប៉ះចំតែមនុស្សគ្មានចិត្តលើយើង សារភាពស្នេហ៍ក៏ត្រូវបដិសេធ។ ដើម្បីបំបាត់ភាពខូចចិត្តពេលត្រូវគេបដិសេធនេះ មនុស្សស្រីគួរធ្វើយ៉ាងណា?

១. ញញឹមនឹងគេ

ក្រោយពេលសារភាពស្នេហ៍បរាជ័យ មិនត្រឹមតែមនុស្សស្រីទេ តែមនុស្សប្រុសក៏ដូចគ្នា ជៀសមិនផុតឡើយថាមិនដឹងគួរប្រឈមមុខនឹងគេយ៉ាងណា។ យើងមិនដឹងឡើយថា យើងគួរបន្តស្រលាញ់គេ ឬត្រូវកាត់ចិត្តត្រឹមនេះ។ ទោះបីជាភ្ញាក់ផ្អើលយ៉ាងណា ក៏អ្នកគួរញញឹមដាក់គេបន្តិចដែរ។ ហើយត្រូវដើរចេញភ្លាម ដើម្បីកុំឲ្យអារម្មណ៍ឈឺចាប់ឈ្លានពានខ្លួនប្រាណយើងទាន់។

២. ចែករំលែកនឹងមិត្តជិតស្និទ្ធិ

នៅពេលត្រូវមនុស្សដែលខ្លួនលួចស្រលាញ់យូរបដិសេធ មនុស្សស្រីពិតជាឈឺចាប់ខ្លាំងជាងមនុស្សប្រុស ដ្បិតខ្លួនបើកចិត្តមុនហើយ តែនៅបរាជ័យទៀត។ ប្រសិនបើអ្នកលាក់អារម្មណ៍តែឯង អ្នកអាចស្ទះ។ ដូចនេះ អ្នកគួរស្វែងរកមិត្តភ័ក្ដិជិតស្និទ្ធិប៉ុន្មាននាក់ មកចែករំលែកចេញឲ្យអស់ ហើយនៅក្នុងពេលនោះដែរ អ្នកក៏អាចយំចេញឲ្យអស់ដូចគ្នា ដើម្បីឲ្យស្រាលចិត្ត។

៣. ផ្អាកប្រើបណ្ដាញសង្គមមួយរយៈសិន

នៅពេលត្រូវគេបដិសេធ ចិត្តយើងគឺពិបាកទទួលយកបានខ្លាំងណាស់។ នៅពេលនេះ សូមកុំរករូបភាព ក៏ដូចជាអ្វីដែលពាក់ព័ន្ធនឹងគេលើបណ្ដាញសង្គមឲ្យសោះ ព្រោះវាគ្រាន់តែរឹតធ្វើឲ្យអ្នកនឹកគេលើសដើមប៉ុណ្ណោះ។ អ្នកកុំគិតថា status ពិបាកចិត្តរបស់អ្នកនឹងធ្វើឲ្យគេទន់ចិត្តឲ្យសោះ វានឹងធ្វើឲ្យគេចង់ឃ្លាតឆ្ងាយពីអ្នកលើសដើមប៉ុណ្ណោះ។ ល្អបំផុត ក្នុងរយៈពេលនេះ អ្នកកុំចែករំលែកអ្វីលើបណ្ដាញសង្គមឲ្យសោះ ព្រោះពេលនោះអារម្មណ៍យើងមិននឹងន អាចស្ដាយនៅពេលក្រោយ។

៤. លុបគ្រប់អនុស្សាវរីយ៍រវាងអ្នក និងគេ

អ្វីដែលធ្វើឲ្យអ្នកស្រលាញ់គេនោះគឺ អនុស្សាវរីយ៍ដែលបានកើតឡើងរវាងអ្នក នឹងគេ។ ដូចនេះនៅពេលត្រូវបដិសេធហើយ មានន័យថាយើង និងគេមិនអាចក្លាយជាគូឡើយ។ ដូចនេះ វិធីដែលអាចឆាប់បំភ្លេចគេបានបំផុតគឺព្យាយាមបំភ្លេចគ្រប់ពេលវេលាដែលអ្នកធ្លាប់មាននឹងគេ។ វិធីនេះ អាចធ្វើឲ្យអ្នកឆាប់ដកគេចេញពីចិត្តបាន៕

ចុចអាន៖ សង្សារចាស់ស្រាប់តែបង្ហាញខ្លួន មិត្តស្រីឆ្លាតនឹងប្រើវិធីនេះដើម្បីទប់ទល់

ប្រភព៖ Guu ប្រែសម្រួល៖ Caramel