៤យ៉ាងជួយឲ្យគេងលក់ស្រួល ថែមទាំងបានស្បែកស្រស់ថ្លាពេលភ្ញាក់ពីដំណេក

2019-10-21 07:45:00
ចំនួនមតិ 0 | ចំនួនចែករំលែក 0

តាមរយៈការគេង ក៏អាចជួយនារីឲ្យស្រស់ស្អាតដោយគ្មានការព្រួយបារម្ភច្រើន។ អ្នកដឹងទេ បើអ្នកគេងលក់ស្កប់ស្កល់ ច្បាស់ណាស់អំឡុងពេលនោះស្បែករបស់អ្នករស់ឡើងវិញ ដែលជួយឲ្យមើលទៅស្រស់ថ្លា។

រូបតំណាង

ម្ល៉ោះហើយ គុណសម្បត្តិនៃការគេងលឿននិងលក់ស្រួលពិតជាអស្ចារ្យណាស់។ នេះជាតិចនិកខ្លះៗ ជួយឲ្យដំណេកអ្នកលង់លក់ព្រមទាំងទទួលបានសម្រស់ផូរផង់ថែមទៀត។

១. ងួតទឹកក្តៅ មុនចូលគេង

ងូតទឹកក្តៅនឹងជួយរំលាយភាពស្រេ្តសក៏ដូចជាការហត់នឿយពេញមួយថ្ងៃ ដែលធ្វើឲ្យអ្នកតានតឹង។ មិនត្រឹមជួយឲ្យរាងកាយបានធូរស្រាល តែក៏ជួយជំរុញអ្នកចូលគេងបានលក់ស្កប់ស្កល់យ៉ាងមានប្រសិទ្ធភាព។ តែបន្ទាប់ពីងួតទឹកក្តៅរួច កុំភ្លេចលាបឡេបំប៉នស្បែកផង ដើម្បីឲ្យស្បែកមានសំណើម។

រូបតំណាង

២. ចាប់ផ្ដើមចូលគេង ដើម្បីសម្រស់

អ្នកដឹងទេ អំឡុងពេលគេងលក់ស្កប់ស្កល់ អ័រម៉ូនសំខាន់ៗលូតលាស់ហើយមេឡាតូនីនកើនឡើង ។រីឯអ័រម៉ូនប្រភេទ Cortisol នឹងកាត់បន្ថយកម្រិតស្រ្តេសបានថែមទៀត។ លើសពីនេះ វាអាចជួយស្តារនិងជួសជុលស្បែកកុំឲ្យលេចស្នាមជ្រីវជ្រួញផងដែរ។ ម្ល៉ោះហើយ បើចង់បានភាពស្រស់ស្អាតគួរចូលគេងកុំឲ្យយឺតជាងម៉ោង ១០យប់។ ឆាប់ចូលគេងកាន់តែលឿន រាងកាយនឹងមានពេលវេលាកាន់តែច្រើនជួសជុលផ្នែកសំខាន់ៗ។ ដូច្នេះ ត្រូវគេងឲ្យបានយ៉ាងហោច ៧ -៨ ម៉ោងក្នុងមួយថ្ងៃ។

៣. កុំចុចទូរសព្ទមុនចូលគេង

ដោយសារតែរវល់ចុចទូរសព្ទពេក ធ្វើឲ្យយើងមិនសូវចង់ចូលគេងឲ្យបានលឿន។ ជួនកាលឆ្លងចូលម៉ោង ១ ឬ ២ យប់ជាដើម។ ពន្លឺពណ៌ខៀវចាំងពីទូរសព្ទធ្វើឲ្យខួរក្បាលយល់ច្រលំថាជាពេលថ្ងៃនៅឡើយ ដែលធ្វើឲ្យអ្នកពិបាកគ្រប់គ្រងការចូលគេង។

រូបតំណាង

៤. ព្យាយាមគេងដោយសណ្ដូកខ្លួនត្រង់

គេងដោយដាក់ខ្នងលើគ្រែឲ្យត្រង់ ជាទីតាំងល្អបំផុត។ ម្យ៉ាងទៀត ក៏ជួយការពារមិនឲ្យស្បែកមុខយារធ្លាក់ ព្រមទាំងកាត់បន្ថយស្នាមជ្រួញបានទៀត។ ការគេងមិនប៉ះខ្លាំងផ្ទៃមុខពីខ្នើយ ក៏ជួយមិនឲ្យកើតមុនផងដែរ៕