រាងកាយសម្បូរជាតិពុលខ្លាំងណាស់ បើអ្នកមានសញ្ញា ១០ យ៉ាងនេះ គួររកវិធីសង្គ្រោះឲ្យហើយ
- 2019-10-18 07:00:00
- ចំនួនមតិ 0 | ចំនួនចែករំលែក 0
រាងកាយសម្បូរជាតិពុលខ្លាំងណាស់ បើអ្នកមានសញ្ញា ១០ យ៉ាងនេះ គួររកវិធីសង្គ្រោះឲ្យហើយ
ជាតិពុលមាននៅគ្រប់ទីកន្លែងជុំវិញខ្លួនអ្នក ទាំងក្នុងខ្យល់ដែលអ្នកដកដង្ហើម ទាំងក្នុងទឹកដែលអ្នកផឹក ឬអាហារដែលអ្នកញ៉ាំ។ សូម្បីតែនៅលើទូរសព្ទ ដែលអ្នកប្រើរាល់ថ្ងៃ ក៏ពោរពេញទៅដោយបាក់តេរី អាចចម្លងជំងឺចូលទៅរាងកាយយ៉ាងងាយ។ ខាងក្រោមនេះជាសញ្ញាបញ្ជាក់ថា រាងកាយរបស់អ្នកមានជាតិពុលលើសលប់ពេកហើយ ត្រូវយកចិត្តទុកដាក់ និងចេះពីវិធីបណ្តេញវាចេញ ឲ្យទាន់ពេលវេលា។
១. ឧស្សាហ៍ទល់លាមក
នៅពេលដែលអ្នកញ៉ាំអាហារមិនល្អមួយចំនួនដូចជា អាហារវេចខ្ចប់ទុកបានយូរ អាហារបន្ថែមពណ៌ ឬរសជាតិ វាមានផ្ទុកសារធាតុគីមីជាច្រើន។ ហេតុនេះហើយ ទើបបានជាធ្វើឲ្យពោះវៀនពិបាកធ្វើការជាមួយអាហារទាំងនោះ។ ជាតិពុលក្នុងអាហារ នាំឲ្យក្រពះដំណើរការមិនល្អ បណ្តាលទៅជាជំងឺទល់លាមក។ ដំណោះស្រាយដ៏ល្អគឺ ត្រូវញ៉ាំអាហារធម្មជាតិឲ្យបានច្រើនតាមដែលអាចធ្វើទៅបាន កាត់បន្ថយជាតិអាល់កុល និងផឹកទឹកឲ្យបានច្រើន។
២. ស្ពឹកក្បាលគិតអីមិនចេញ
បើអ្នកមានអារម្មណ៍ថាវិលមុខ វិលវល់ មិនអាចផ្តោតចិត្តពេលធ្វើកិច្ចការផ្សេងៗ នៅពេលព្រឹក ទោះបីជាពេលយប់គេងលក់ស្កប់ស្កល់ក៏ដោយ។ នេះមានន័យថា ជាតិពុលកំពុងតែយាយីអ្នកហើយ។ វាបានស្រូបយកវីតាមីននិងជាតិរ៉ែសំខាន់ ដែលរាងកាយត្រូវការ ប្រៀបដូចជាអ្នកប្រើប្រេងម៉ាស៊ីនកខ្វក់នៅក្នុងឡានអីចឹងដែរ។
៣. បែកញើសក្លៀកខ្លាំង ទោះខំប្រើផលិតផលក៏ទប់មិនជាប់
បន្ទាប់ពីងូតទឹករួច អ្នកប្រើផលិតផលថ្លៃយ៉ាងណា ក៏នៅទប់មិនជាប់ដដែល ហើយអាចធុំក្លិនមិនល្អលើអ្នកដទៃទៀត។ ដោយសារតែជាតិពុលក្នុងខ្លួនធ្វើឲ្យ អ្នកបែកញើសមិនឈប់។
៤. ឈឺសាច់ដុំចង្កេះ
បើអ្នកមិនបានហាត់ប្រាណ ឬធ្វើការអ្វីធ្ងន់ៗទេ ប៉ុន្តែបែរជាឈឺត្រង់សាច់ដុំចង្កេះ ឬសន្លាក់ ច្បាស់ណាស់ជាតិពុលកំពុងតែកើនឡើង ដូច្នេះត្រូវតែរកវិធីបណ្តេញចេញឲ្យហើយ។
៥. មានស្នាមឬរបកនៅលើស្បែក
ស្បែកគឺជាស្បែកធំបំផុតលើរាងកាយ ហើយតែងតែទទួលរងជាមួយនឹងសារធាតុពុល។ ផលិតផលមួយចំនួនដូចជា សាប៊ូកក់សក់ សាប៊ូបន្ទន់សក់ សាប៊ូដុំ និងឡេលាបស្បែក ដែលអ្នកប្រើ អាចមានផ្ទុកជាតិគីមីគ្រោះថ្នាក់ច្រើនយ៉ាង។ វាក៏អាចបណ្តាលឲ្យអ្នកចេញមុន រោលក្រហម និងកើតជំងឺត្រអកជាដើម។
៦. ពិបាកក្នុងការគេង
ពេលជាតិពុលកើនឡើង អ្នកមានអារម្មណ៍ថានឿយហត់អស់កម្លាំងរួមទាំងជួបបញ្ហាផ្សេងៗ ដែលរំខានដល់ដំណេក។ ជាតិពុលច្រើន ធ្វើឲ្យអ័រម៉ូនក័រទីស៊ុល (Cortisol) កើនឡើង បណ្តាលឲ្យអ្នកពិបាកក្នុងការគេង និងប៉ះពាល់ដល់សុខភាពធ្ងន់ធ្ងរ។
៧. ឡើងទម្ងន់មិនឈប់
មិនថាអ្នកខំហាត់ប្រាណខ្លាំងយ៉ាងណាក៏ដោយ ទម្ងន់នៅតែកើនឡើងមិនស្រកសោះ ដោយសារតែអ័រម៉ូនមានបញ្ហា។ ជាតិពុលបានបង្កផលអវិជ្ជមានដល់កម្រិតអ័រម៉ូនក្នុងរាងកាយ ធ្វើអ្នកពិបាកក្នុងការគ្រប់គ្រងទម្ងន់។ បើចង់ឃើញប្រសិទ្ធភាពលុះត្រាតែអ្នកតមឲ្យបានត្រឹមត្រូវ ញ៉ាំតែអាហារសរីរាង្គ និងរកវិធីបណ្តេញជាតិពុល។
៨. មានក្លិនមាត់មិនល្អ
បញ្ហាក្លិនមាត់ តែងបណ្តាលមកពីប្រព័ន្ធរំលាយអាហារមិនប្រក្រតី។ ប្រព័ន្ធរំលាយអាហារដំណើរការមិនល្អ ក៏អាចមកពីថ្លើមរបស់អ្នកត្រូវតតាំងជាមួយជាតិពុលខ្លាំងពេក។
៩. ក្រចកជើងមានសភាពផុយឆាប់បាក់ឬអាក្រក់មើល
ពេលរាងកាយសម្បូរជាតិពុលច្រើន ក្រចកជើងជាផ្នែកមួយដែលងាយរងគ្រោះ។ វាជាកន្លែងមួយដែលមេរោគផ្សិតចូលចិត្តទុំនៅបំផុត មិនថាពេលដើរ ពេលពាក់ស្រោម ឬពាក់ស្បែកជើងក៏ដោយ។ ដំណោះស្រាយគឺត្រូវប្រើទាំងថ្នាំពេទ្យដើម្បីព្យាបាល និងត្រូវបណ្តេញជាតិពុលចេញពីក្នុងកាន់តែល្អ។
១០. ជ្រុះសក់ច្រើនគួរឲ្យកត់សម្គាល់
បញ្ហាសក់ជ្រុះ មិនមែនបណ្តាលមកពីជាតិពុលដែលអ្នកស្រូបចូលខ្លួនរាល់ថ្ងៃនោះទេ។ វាអាចមកពីជាតិពុលអាក្រក់មានឈ្មោះថា arsenic thallium (មានក្នុងផ្សែងបារី) ដែលអាចបង្កគ្រោះថ្នាក់ធ្ងន់ធ្ងរដល់សុខភាព។ បើអ្នកមានបញ្ហាសក់ជ្រុះខ្លាំងគ្មានវិធីតប់ស្កាត់បាន គួរទៅរកវេជ្ជបណ្ឌិតជំនាញដើម្បីជជែកពិភាក្សារកដំណោះស្រាយ។
វិធីបណ្តេញជាតិពុលចេញពីក្នុងខ្លួន
បើអ្នកបានជួយប្រទះបញ្ហាណាមួយ ក្នុងចំណោមចំណុចដែលបានលើកឡើងខាងលើក គួរបណ្តេញជាតិពុលចេញពីក្នុងខ្លួន តាមវិធីងាយៗដូចខាងក្រោម៖
ផឹកទឹកឲ្យបានច្រើន ដើម្បីកម្ចាត់ជាតិពុលចេញពីរាងកាយតាមរយៈទឹកនោម។
ដើម្បីជួយឲ្យថ្លើមរឹងមាំ អាចប្រឆាំងនឹងជាតិពុលបានល្អ គួរផឹកទឹកតែចម្រាញ់ពីផ្កាចន្ទន៍ ឬបន្ថែមជីវ៉ាន់ស៊ុយពីលើ។
ហាត់យូហ្កា ដើម្បីជួយឲ្យរាងកាយមានចលនា អាចបណ្តេញជាតិពុលបាន។
ដុសធ្មេញរាល់យប់មុនពេលចូលគេង ហើយកុំភ្លេចដុសអណ្តាតផង។
ញ៉ាំអាហារដែលមានអនាម័យ និងជារបស់សរីរាង្គ មិនប្រើជាតិគីមី។
ប្រើប្រាស់តែផលិតផលគ្រឿងសម្អាងធម្មជាតិ គ្មានក្លិននិងសារធាតុពុលផ្សេងៗ៕
ចុចអានបន្ត៖ មិនគួរប្រហែស បើឃើញសញ្ញា១០យ៉ាងនេះ ប្រែប្រួលលើរាងកាយរបស់អ្នក