សម្គាល់យ៉ាងម៉េច ទើបដឹងថាមនុស្សប្រុសពិតជាស្រលាញ់អ្នក
- 2019-10-14 05:15:00
- ចំនួនមតិ 0 | ចំនួនចែករំលែក 0
សម្គាល់យ៉ាងម៉េច ទើបដឹងថាមនុស្សប្រុសពិតជាស្រលាញ់អ្នក
វាគ្មានអ្វីប្លែកនោះទេគ្រាន់តែចង់ដឹងថាមនុស្សអ្នកកំពុងទាក់ទងជាមួយមានចិត្តស្រលាញ់ស្មោះនឹងអ្នកឬក៏អត់នោះ។ បើអ្នកសង្កេតឃើញមានប៉ុន្មានចំណុចនេះ អ្នកក៏អាចធ្វើការសន្និដ្ឋានបានហើយថាគេស្រលាញ់និងចង់ចំណាយពេលដែលនៅសល់ទាំងប៉ុន្មានក្នុងជីវិតគេរស់នៅជាមួយអ្នក។
១. អ្នកជាអាទិភាពទី១របស់គេ
មិនថាមានការងាររវល់រាប់រយជំពូកយ៉ាងណាក៏ដោយ គេពិតជាមានពេលមួយឲ្យអ្នក។ ព្រោះបើគេពិតជាស្រលាញ់អ្នក គេប្រាកដជាចង់ក្បែរអ្នក ចង់និយាយជាមួយអ្នកមុនគេ ឬចង់ជួបមុខជាដើម។ អ្នកជាមនុស្សដែលគេចង់ចែករំលែកបទពិសោធន៍ជីវិតទាំងអាក្រក់និងល្អជាមួយ ជាពិសេសគេតែងគិតដល់អ្នកជានិច្ច ហើយអ្នកនឹងដឹងតាមការបង្ហាញជាក់ស្ដែងរបស់គេ។
២. គេយល់ពីអ្នកគ្រប់យ៉ាង
គេជាមនុស្សដែលយល់គ្រប់យ៉ាងពីអ្នក មិនថាអ្នកចូលចិត្តឬមិនចូលចិត្តអ្វីមួយនោះទេ គេដឹងចិត្តអ្នកពីរឿងទាំងនោះ ហើយជាមនុស្សដែលយល់ចិត្តបំផុត។
៣. ហ៊ានយំចំពោះមុខអ្នក
មនុស្សប្រុសមិនចង់បង្ហាញភាពទន់ជ្រាយខ្លួនឲ្យនរណាមានឃើញឡើយ ជាពិសេសមនុស្សស្រី។ ប៉ុន្តែបើគេហ៊ានយំនៅចំពោះមុខអ្នក នោះមានន័យថាគេមិនខ្លាចឲ្យអ្នកដឹងពីចំណុចខ្សោយគេនោះទេ។ អ្នកជាមនុស្សម្នាក់សំខាន់ចំពោះគេ ជាមនុស្សម្នាក់ដែលគេជឿជាក់និងទុកចិត្ត ជាមនុស្សដែលអាចយល់ពីភាពទន់ខ្យោយគេ ដែលធ្វើឲ្យគេហ៊ានបើកចិត្តក្នុងការនិយាយពីអារម្មណ៍ស្រលាញ់គេទៅកាន់អ្នក។
៤. តែងមានវត្តមានគេពេលអ្នកត្រូវការ
គ្រប់ពេលអ្នកត្រូវការគេ គេតែងមានវត្តមានសម្រាប់អ្នក។ ទោះជាអ្នកចង់ទៅណា ចង់ធ្វើអ្វី ពិបាកចិត្ត ចង់មានអ្នកនិយាយជាមួយ គេនឹងចេញមុខមកជាក់ជាពុំខាន។
៥. និយាយតិច ធ្វើច្រើន
ពេលគេស្រលាញ់អ្នកពិតប្រាកដ ជារឿយៗគេមិនសូវនិយាយពាក្យទន់ភ្លន់ពេកនោះទេ ប៉ុន្តែគេឱបអ្នកជំនូស ផ្ដល់ស្នាមញញឹមដល់អ្នក សម្លឹងកែវភ្នែកអ្នកដោយក្ដីស្រលាញ់និងក្ដីបារម្ភ។
៦. មិនចង់ចាញ់ឈ្នះជាមួយអ្នក
នៅពេលអ្នកទាំងពីរទាស់ចិត្តគ្នា គេត្រៀមចិត្តហើយរួចរាល់សម្រាប់ការ សម្រុះសម្រួលឬសុខចិត្តចាញ់អ្នក ហើយនៅតែនៅក្បែរអ្នកដោយឥតលក្ខខណ្ឌ។
៧. មិនលែងដៃអ្នក
ទៅណាមកណា គេពេញចិត្តនឹងកាន់ដៃអ្នក ដើម្បីបញ្ជាក់ថាអ្នកជារបស់គេ និងផ្ដល់ភាពកក់ក្ដៅដល់អ្នក។
៨. គិតគូរគម្រោងអនាគតជាមួយអ្នក
គេនឹងរៀបចំផែនអនាគតគេជាមួយអ្នក បង្កើតគ្រួសារតូចមួយមានអ្នកជាម្ដាយរបស់កូនៗនិងប្រពន្ធដ៏ល្អ ដោយសារតែអ្នកនិងកូនជាកម្លាំងលើកទឹកចិត្តយ៉ាងសំខាន់សម្រាប់ជីវិតដែលនៅសល់របស់គេ។
ចុចអានបន្ត៖
ចង់ដឹងថា Crush មានចិត្តលើយើងឬក៏អត់ សង្កេតមើលចំណុចទាំងនេះ