សុដន់តឹងណែនមូលក្លំស្អាតដោយមិនបាច់វះកាត់ គួរចេះក្បាច់ម៉ាស្សាងាយៗនៅផ្ទះ

2019-10-14 04:15:00
ចំនួនមតិ 0 | ចំនួនចែករំលែក 0

ទម្រង់និងទំហំនៃសុដន់ ជាចំណុចមួយដែលអាចបង្កើនទំនុកចិត្តសម្រាប់មនុស្សស្រី ជាពិសេសនៅពេលស្លៀកសម្លៀកបំពាក់ផ្សេងៗ។ ដើម្បីទទួលបានសុដន់តឹងណែនមូលក្លំស្អាត ពុំចាំបាច់ត្រូវចំណាយលុយទៅវះកាត់ដោយប្រថុយប្រថាននោះទេ។ អ្នកអាចអនុវត្តក្បាច់ម៉ាស្សានៅផ្ទះងាយៗរាល់ថ្ងៃ ថ្វីដ្បិតត្រូវមានភាពអត់ធ្មត់បន្តិចមែន ប៉ុន្តែអ្នកនឹងឃើញលទ្ធផលជាទីគាប់ចិត្ត ដោយគ្មានហានិភ័យទៅថ្ងៃអនាគត។

អត្ថប្រយោជន៍នៃការម៉ាស្សា

នេះគឺជាវិធីធម្មជាតិ ដែលត្រូវប្រើដៃទាំងសងខាង។ វាមិនត្រឹមតែធ្វើឲ្យទម្រង់សុដន់ស្អាតប៉ុណ្ណោះទេ ថែមទាំងអាចជួយសម្រួលដល់ចលនាឈាមនៅបរិវេណដើមទ្រូងនិងក្រពេញសុដន់ ឲ្យមានដំណើរការល្អ។

វិធីម៉ាស្សា៖

មុនពេលម៉ាស្សាត្រូវលាងដៃសម្លាប់មេរោគឲ្យបានស្អាតល្អ បន្ទាប់មកត្រូវប្រើដៃកណ្តាលឬដៃនាង នៅពេលលាបឡេ ប្រេងឬគ្រីមសម្រាប់សុដន់ ដើម្បីធ្វើការម៉ាស្សា ហើយមិនចាំបាច់លាបនៅលើចុងសុដន់នោះទេ។ អាចត្រដុសម្រាមដៃឲ្យរាងក្តៅបនិ្តចមុនពេលចាប់ផ្តើមម៉ាស្សា។ក្នុងក្បាច់និមួយៗ អាចធ្វើពី ១៥-២០ដង។

ក្បាច់ម៉ាស្សាទី១៖

ដំណាក់កាលដំបូង ត្រូវប្រើដៃស្តាំសម្រាប់សុដន់ខាងឆ្វេង និងប្រើដៃឆ្វេងសម្រាប់សុដន់ខាងស្តាំ។ ម៉ាស្សាថ្នមៗនៅផ្នែកខាងក្រោមសុដន់ ដោយអូសពីក្រៅចូលមកក្នុង។ បន្ទាប់មក ត្រូវទាញពីក្រោមឡើងទៅលើ ដើម្បីការពារកុំឲ្យសុដន់ឆាប់យារធ្លាក់។

ក្បាច់ម៉ាស្សាទី២៖

ប្រើដៃទាំងសងខាង ដើម្បីធ្វើការម៉ាស្សា នៅពេលអូសទៅលើចុះឡើងៗ ត្រូវប្រើម្ខាងសម្រាប់ទ្រសុដន់។ ត្រូវធ្វើនៅលើសុដន់ទាំងសងខាង ហើយដាច់ខាតកុំភ្លេចពើងទ្រូងឡើងបន្តិច មិនកោងខ្នងឬឈ្ងោកចុះ ក្នុងអំឡុងពេលម៉ាស្សា។

ក្បាច់ម៉ាស្សាទី៣៖

ដាក់ដៃឆ្វេងលើសុដន់ខាងស្តាំ ត្រង់បរិវេណចុងសុដន់ ដោយម៉ាស្សាថ្នមៗ អូសពីក្រោមឡើងលើ។ បន្ទាប់មក ផ្លាស់ប្តូរទៅម្ខាងទៀត ដើម្បីធ្វើឲ្យសុដន់ទាំងសងខាង មានទំហំនិងទម្រង់ស្អាតស្មើគ្នា៕