៤ ឧបសគ្គដែលមិនមែនគូស្នេហ៍ស្រលាញ់គ្នាឆ្ងាយក៏អាចឆ្លងផុតបាន

2019-10-13 01:00:00
ចំនួនមតិ 0 | ចំនួនចែករំលែក 0

Long distance relationship (ចំណងមនោសញ្ចេតនាដែលមិននៅជិតគ្នា) គឺជាប្រភេទស្នេហាដែលការលំបាកច្រើន ប្រសិនបើភាគីទាំងសងខាងមិនចេះជ្រោមជ្រែងគ្នា។ ថាស្នេហាធម្មតាទៅ ដែលមានរឿងច្រើន ស្នេហាប្រភេទនេះគឺកាន់តែមានភាពស្មុគស្មាញមិនតិចឡើយ។

១. ឃ្លាតកាយណាយចិត្ត

មិនថានៅសម័យណាទាំងអស់ មនុស្ស២នាក់ស្រលាញ់គ្នា បើមិនបាននៅក្បែរគ្នាទេ ប្រាកដជាមានការឃ្លាតឆ្ងាយបន្តិចហើយ។ មនុស្ស២នាក់នៅកន្លែងតែមួយ ពេលខ្លះមិនទាន់យល់ពីគ្នាអស់ផង ទម្រាំតែមនុស្ស២ នៅទីក្រុង២ទៀត គឺកាន់តែឆ្ងាយខ្លាំង។ នេះក៏ជាកត្តាមួយដែលធ្វើឲ្យគូស្នេហ៍ស្រលាញ់គ្នាឆ្ងាយជាច្រើន ត្រូវឈានដល់ផ្លូវបំបែក។

២. ការទុកចិត្ត

បើអ្នកស្រលាញ់ប៉ះមនុស្សដែលស្មោះត្រង់ មិនថាអីទេ តែបើអ្នកប៉ះចំមនុស្សដែលសាវា មិនចេះស្កប់ស្កល់ នោះអ្នកប្រហែលជាត្រូវឈឺក្បាលបន្តិចហើយ ព្រោះគ្រប់សកម្មភាពរបស់គេទាំងអស់ យើងមិនអាចក្ដាប់បានឡើយ មានតែបន់ឲ្យគេស្មោះមួយនឹងមួយប៉ុណ្ណោះ។

៣. គ្មានពេលបង្កើនមនោសញ្ចេតនា

សម្រាប់គូស្នេហ៍ដែលនៅក្បែរគ្នា អត្រានៃភាពផ្អែមល្ហែមរបស់ពួកគេ ពីមួយថ្ងៃទៅមួយថ្ងៃគឺមានតែកើនឡើយ ដ្បិតពួកគេមានពេលនៅជាមួយគ្នាច្រើន។ ផ្ទុយមកវិញ គូស្នេហ៍ដែលនៅឆ្ងាយពីគ្នា មានពេលតិចបំផុត ឬអត់មានតែម្ដង សម្រាប់បន្ថែមកម្ដៅមនោសញ្ចេតនា។ សម្រាប់មនុស្សឆាប់ធុញ ពួកគេនឹងមិនអាចទ្រាំនៅក្នុងមនោសញ្ចេតនានេះយូរបានឡើយ។

៤. មានអារម្មណ៍ថាមានសង្សារ ដូចអត់សង្សារ

មនុស្សជាច្រើននៅពេលរកគូស្នេហ៍ គឺតែងចង់មានពេលវេលា ក៏ដូចជារកបានមនុស្សម្នាក់ដើម្បីចែករំលែកពីរឿងប្រចាំថ្ងៃ ដើម្បីបានធូរស្រាលខ្លះ។ តែចំពោះអ្នកដែលមានចំណងមនោសញ្ចេតនាដែលនៅឆ្ងាយពីគ្នានោះ ពេលខ្លះធ្វើឲ្យពួកគេគិតថា មានសង្សារដូចជាអត់ដដែរ ដែលធ្វើឲ្យពួកគេអាប់អន់ស្រពន់ចិត្តមិនតិចដែរ៕

ចុចអាន៖ បើមិនស្រលាញ់ កុំធ្វើល្អដាក់អ្នកឯកាខ្លាំងពេក ព្រោះពួកគេងាយទន់ចិត្តណាស់

ប្រភព៖ Spiceee ប្រែសម្រួល៖ Caramel