អាយុក្មេងតែមុខឆាប់ចាស់ ដោយសារអ្នកមានទម្លាប់អាក្រក់ទាំងនេះ
- 2019-10-02 08:10:00
- ចំនួនមតិ 0 | ចំនួនចែករំលែក 0
អាយុក្មេងតែមុខឆាប់ចាស់ ដោយសារអ្នកមានទម្លាប់អាក្រក់ទាំងនេះ
រឿងតូចតាចដែលអ្នកតែងទម្លាប់ធ្វើជាប្រចាំ ដោយមិនបានចាប់អារម្មណ៍ថាវាមានផលប៉ះពាល់ខ្លាំងចំពោះសម្រស់របស់អ្នក។ ប្រសិនបើអ្នកមិនចោលនូវទម្លាប់ទាំងអស់នេះទេ ស្នាមអុជខ្មៅ ស្នាមជ្រួញ នឹងធ្វើឲ្យអ្នកចាស់ជាងវ័យ ទោះអាយុក្មេងប៉ុនណាក៏ដោយ។
១. ញ៉ាំអាហារដែលមានជាតិផ្អែមខ្លាំងពេក
អាហារឬបង្អែមផ្សេងៗ ដែលផ្អែមខ្លាំងគឺមានជាតិស្ករច្រើនហួសកម្រិត ហើយអាចចូលទៅបំផ្លាញស្រទាប់ស្បែក និងជាតិខូឡាជែននៅក្នុងស្បែក ធ្វើឲ្យស្បែកឆាប់លេចចេញស្នាមជ្រីវជ្រួញ និងកើតមុនទៀតផង។ អ្នកគួរកាត់បន្ថយការញ៉ាំអាហារដែលមានជាតិស្ករច្រើន ហើយអាចប្រើទឹកឃ្មុំជំនួសវិញទើបមិនប៉ះពាល់ដល់សម្រស់។
២. យកដៃច្រតចង្កា
អ្នកខ្លះពេលទំនេរឬពេលគិតស្មុគស្មាញច្រើនតែងយកដៃទៅច្រតចង្កា ប៉ុន្តែអ្នកដឹងអត់ថា ការធ្វើបែបនេះ បណ្តាលឲ្យស្បែកឆាប់ចាស់ដោយមិនដឹងខ្លួន ហើយបាក់តេរីដែលមាននៅលើដៃ នឹងបង្កឲ្យអ្នកកើតមុនផងដែរ។
៣. ឧស្សាហ៍ញេចមុន
ត្រូវហើយពេលឃើញមុខកើតមុនម្តងៗ ទ្រាំមិនបានទេចង់តែញេចចេញឲ្យបាត់។ យ៉ាងណាការញេចមិនបានត្រឹមត្រូវ ធ្វើឲ្យខូចស្បែកមុខ និងបន្សល់ស្លាកស្នាមពិបាកព្យាបាល។ ហេតុនេះហើយ អ្នកគួរចេះជ្រើសរើសផលិតផល ព្យាបាលមុនណាដែលមានគុណភាពនិងប្រសិទ្ធភាពខ្ពស់។
៤. គេងផ្កាប់ទៅលើខ្នើយ
មានមនុស្សជាច្រើនតែងធ្វើបែបនេះ ទាំងមិនបានដឹងថា ការគេងផ្កាប់លើខ្នើយ ហាក់បីដូចជាអ្នកយករបស់ធ្ងន់មកសង្កត់លើស្បែក ធ្វើឲ្យស្បែកជ្រួញយ៉ាងឆាប់រហ័ស។
៥. ចូលគេងយប់ជ្រៅ
កាចូលគេងយប់ជ្រៅមិនត្រឹមតែប៉ះពាល់ដល់សុខភាពធ្ងន់ធ្ងរនោះទេ ថែមទាំងអាចបំផ្លាញស្បែកបានយ៉ាងងាយ ដូចជាធ្វើស្បែកស្រអាប់មិនស្រស់ថ្លា ឬក៏មានស្នាមស្លក់ខ្មៅនៅក្រោមភ្នែកជាដើម។ លើសពីនេះទៅទៀត នៅដល់យប់ជ្រៅពេក ពេលដែលអ្នកឧស្សាហ៍ស្ងាបញឹកញាប់ ក៏អាចបង្កឲ្យមានស្នាមជ្រួញកាន់តែច្រើននៅលើមុខបានដែរ។
៦. មិនប្រើកឡេការពារកម្តៅថ្ងៃ
ប្រសិនបើអ្នកដើរចេញទៅខាងក្រៅ ដោយមិនបានលាបឡេការពារកម្តៅថ្ងៃជាមុនសិន ពន្លឺព្រះអាទិត្យជាសត្រូវដ៏ធំ ដែលធ្វើឲ្យស្បែកមានស្នាមអុជខ្មៅ ស្នាមជាំជាដើម។ ដូច្នេះមិនត្រូវភ្លេចលាបឡេការពារកម្តៅថ្ងៃឲ្យបាន៣០នាទី មុនពេលចេញទៅខាងក្រៅទើបទទួលបានប្រសិទ្ធភាពខ្ពស់។
ចុចអានបន្ត៖