មេរៀនមានតម្លៃ២យ៉ាងពីដើមឬស្សី បង្រៀនគ្រប់គ្នាដឹងថាជោគជ័យទាមទារពេលវេលា

2019-10-01 07:40:00
ចំនួនមតិ 0 | ចំនួនចែករំលែក 0

១. ចង់ជោគជ័យ មិនត្រូវលេងតាមផ្លូវកាត់

ដើម្បីលូតបាន ៣ cm ឫស្សីត្រូវចំណាយពេលជាង៤ឆ្នាំ ។ ប៉ុន្តែនៅឆ្នាំបន្ទាប់ វាអាចលូតបានដល់ទៅជាង៣០ cm ហើយជាង៦ សប្ដាហ៍ក្រោយមក វាអាចលូតខ្ពស់ដល់ទៅ១៥ម៉ែត្រ ដែលធម្មជាតិដ៏អស្ចារ្យនេះពិតជាគួរឲ្យស្ងប់ស្ងែង។

មានមនុស្សជាច្រើនចង់ជោគជ័យ ប្រញាប់ចង់បានលទ្ធផលភ្លាមៗ ដោយលេងតាមផ្លូវកាត់។ ជោគជ័យ មិនខុសពីឡើងភ្នំរដិបរដុបប្រកបដោយឧបសគ្គជាច្រើននោះឡើយ។ ថ្វីដ្បិតមានរឿងខ្លះ ទោះខំអស់ពីសមត្ថភាពក៏ដោយ ក៏យើងមិនអាចទទួលបានច្រើនមកវិញ ក៏មិនត្រូវខកចិត្ត ហើយបោះបង់ចោលនោះទេ។ តាមពិតទៅ អ្នកត្រូវតែក្រោកឈរហើយប្រឹងប្រមែប្រមូលរឿងមានតម្លៃក្នុងជីវិតដូចជា បទពិសោធន៍ ភាពខ្លាំង ការប្រឹងប្រែងបន្តនិងពង្រឹងបន្ថែម។

ពេលក្រឡេកឃើញដើមឫស្សីដែលមិនទាន់ដុះខ្ពស់ កុំយល់ច្រឡំថាវាជាដើមគ្មានប្រយោជន៍។ ដូចគ្នាដែរ នៅពេលអ្នកបរាជ័យ កុំគិតថាខ្លួនឯងអត់តម្លៃ។ ត្រូវតែបន្តក្ដីសង្ឃឹមឥតឈប់ឈរ ដោះស្រាយភាពភ័យខ្លាច ហើយហ៊ានឆ្ពោះទៅកាន់គោលដៅដែលអ្នកប៉ង។

២. តែងតែរៀបចំរួចជាស្រេច

តើអ្នកដឹងទេថា ដើម្បីបានកម្ពស់លើសពី១៥ម៉ែត្រ ឫស្សីបានចំណាយពេលអស់ជាង៤ឆ្នាំយ៉ាងស្ងៀមស្ងាត់រៀបចំខ្លួនដើម្បីលូតលាស់។ អំឡុងពេលនោះ ឬសធំរបស់ដើមឫស្សីកំពុងចាក់គ្រឹះយ៉ាងជ្រៅក្នុងដីជម្រៅរាប់ពាន់ម៉ែត្រ ដើម្បីធានាថាមានកម្លាំងគ្រប់គ្រាន់ទ្រទ្រង់និងរក្សាកម្ពស់របស់វាបាន។

ចំពោះមនុស្សវិញក៏ដូចគ្នា ដើម្បីសម្រេចជោគជ័យគឺត្រូវចំណាយពេលវេលារៀបចំ រៀនសូត្រ និងស្វែងយល់។ មានរឿងខ្លះមិនមែនគ្រាន់តែលឺគឺអាចយល់បានឡើយ ប៉ុន្តែទាមទារការក្រឡេកមើលស្ថានការណ៍ដែរ។ បើអ្នកឆ្លងកាត់គ្រាន់តែស្ដាប់គេនិយាយ ហើយមិនធ្វើ លទ្ធផលដែលទទួលបានគឺប៉ុនគ្រាប់ធញ្ញជាតិប៉ុណ្ណោះ។ តែបើអ្នកបានស្រាវជ្រាវ ហ៊ានសាកល្បងជីកឬសគល់នៃបញ្ហា នោះអ្នកនឹងក្លាយជាម្ចាស់ និងវិស័យនោះយ៉ាងពេញដៃ។