៣វិធីសាមញ្ញ បំបាត់ការធុញទ្រាន់ដោយសារក្បាលជង្គង់ខ្មៅ ពិបាកស្លៀកពាក់
- 2019-10-01 04:50:00
- ចំនួនមតិ 0 | ចំនួនចែករំលែក 0
៣វិធីសាមញ្ញ បំបាត់ការធុញទ្រាន់ដោយសារក្បាលជង្គង់ខ្មៅ ពិបាកស្លៀកពាក់
ពេលឃើញក្បាលជង្គង់ខ្មៅ មានតែនារីប៉ុណ្ណោះដែលយល់អារម្មណ៍នេះខ្លាំងជាងគេ ព្រោះពិបាកស្លៀកខ្លីជាទីបំផុត។ ម៉ូដមួយចំនួនក្រោមក្បាលជង្គង់ពេកមិនសូវឃើញរាងស្អាតទេ ជាហេតុធ្វើឲ្យនារីជាច្រើនមានបញ្ហាក្បាលជង្គង់ខ្មៅ ងងឹតមុខម្ដងៗ ។ តែឈប់បារម្ភទៅ អ្នកអាចអនុវត្តតាមវិធីសាមញ្ញខាងក្រោមបាន។
១. លាបម្សៅ Baking Soda
ប្រសិទ្ធភាពនៃការលាប Baking Soda អាចធ្វើឲ្យក្បាលជង្គង់របស់អ្នកប្រែពីខ្មៅស្រអាប់ មកជាសភ្លឺរលោងបាន។ យកម្សៅ Baking Soda លាយជាមួយទឹកឲ្យក្លាយជាល្បាយមួយ បន្ទាប់មកយកមកលាបលើរង្វង់ក្បាលជង្គង់ដែលខ្មៅនោះ។ ទុកចោលប្រហែល ៣ -៥ នាទី បន្ទាប់មកលាងចេញដោយទឹកធម្មតា។ ប្រការសំខាន់ អ្នកមិនត្រូវទុកវាយូរពេកទេ ព្រោះនឹងធ្វើឲ្យក្បាលជង្គង់អ្នកទៅជាប្រេះបែកស្រកាបាន។
២. ខាត់ក្បាលជង្គង់ដោយស្រា្កប់រាល់ថ្ងៃ
វិធីដ៏សាមញ្ញមួយទៀត សុភាពនារីទាំងឡាយគួរខាត់ស្បែកដោយប្រើស្រ្កាប់លើក្បាលជង្គង់រាល់ថ្ងៃក្រោយងូតទឹករួច។ ស្រា្កប់នោះគឺ អាចលាបស្ក្រាប់អំបិល ឬអំពិលលាយជាមួយស្ករសកូរឲ្យសព្វជាមួយទឹក។ ម្យ៉ាងទៀត អ្នកអាចប្រើស្រ្កាប់ទឹកដោះគោ ឬ ទឹកដោះគោជូក៏បាន ដុសខាត់ស្បែករាល់ងូតទឹកពេលល្ងាចឲ្យបានទៀងទាត់ នោះស្បែកក្បាលជង្គង់អ្នកនឹងប្ដូរជាទន់ ហើយរបកស្នាមអុជខ្មៅចេញតែម្ដង។
៣. លាបគ្រីមនិងប្រើថង់រុំ
អ្នកមិនត្រូវភ្លេចចំណុចទី៣នេះទេ បើចង់បានក្បាលជង្គង់ភ្លឺរលោងទាន់ចិត្ត។ គួរលាបគ្រីមដែលផ្ដល់សំណើម ព្រមទាំងអាចយកថង់មករុំពីលើក្បាលជង្គង់យ៉ាងតិច ៥ -១០ នាទី។ ធ្វើបែបនេះដើម្បីឲ្យសារជាតិគ្រីមរត់ចូលស្បែកបាន១០០%។ កុំភ្លេចធ្វើជារៀងរាល់ថ្ងៃ នោះក្បាលជង្គង់ដែលធ្លាប់តែខ្មៅស្រអាប់នឹងលែងកើតមាន៕
ចុចអាន៖ នៅផ្ទះអត់ដឹងទៅណា មកធ្វើម៉ាស់បឺរបិទមុខឲ្យស្អាតតាមប្រភេទស្បែក