ចេះតែ ៣ ក្បាច់នេះនៅផ្ទះ ក្បាលពោះនឹងរាបស្មើស្អាតដូចចិត្ត
- 2019-09-17 12:00:00
- ចំនួនមតិ 0 | ចំនួនចែករំលែក 0
ចេះតែ ៣ ក្បាច់នេះនៅផ្ទះ ក្បាលពោះនឹងរាបស្មើស្អាតដូចចិត្ត
មនុស្សស្រីតែងជួបបញ្ហាទល់លាមកច្រើនជាងមនុស្សប្រុស។ ដោយសារតែអ័រម៉ូនប្រែប្រួល ញ៉ាំទឹកមិនបានគ្រប់គ្រាន់ គ្មានពេលធ្វើលំហាត់ប្រាណ ទើបបង្កឲ្យកើតមានបញ្ហាទល់លាមក ក្បាលពោះមិនរាបស្មើ។ អស់បារម្ភទៀតហើយ ៣ ក្បាច់ងាយៗខាងក្រោមនេះ អាចជួយអ្នកបាន។ ដោយគ្រាន់តែចំណាយពេលបន្តិចបន្តួច ហាត់លើគ្រែក៏បាន បន្ទាប់ពីភ្ញាក់ឡើងនៅពេលព្រឹក នោះអ្នកនឹងទទួលបានក្បាលពោះរាបស្មើស្អាតជាក់ជាមិនខាន។
ក្បាច់ទី១៖
ដំបូងត្រូវដេកដាក់ខ្នងឲ្យត្រង់ បន្ទាប់មកលើកជើងទាំងពីរ បន្ទន់ជង្គង់ហើយយកដៃទាញដាក់ផ្អឹបឲ្យជាប់ក្បាលពោះ ទប់ឲ្យជាប់ ៥នាទី។
អត្ថប្រយោជន៍៖ ជួយសម្រួលដល់ដំណើរការនៃក្រពះនិងប្រព័ន្ធរំលាយអាហារ។ ជាពិសេសវាជួយកាត់បន្ថយអាការៈទល់លាមក និងការផោមញឹក។
ក្បាច់ទី២៖
ត្រូវដេកដាក់ខ្លួនឲ្យត្រង់ ហើយដាក់ដៃទាំងពីរឲ្យត្រង់ស្របនឹងដងខ្លួន។ បន្ទាប់មកបញ្ឈរជង្គង់ឡើង ហើយព្យាយាមលើកដងខ្លួនឡើងលើ និងធ្វើចុះឡើងឲ្យបានពី ១៥-២០ដង។
អត្ថប្រយោជន៍៖ នេះជាក្បាច់ពេញនិយមខ្លាំងណាស់ ព្រោះវាអាចជួយឲ្យពោះវៀននិងក្រពះមានតុល្យភាព ហើយវាស័ក្តិសមបំផុតសម្រាប់អ្នកធ្វើការដែលមិនសូវមានពេលហាត់ប្រាណ។ វាថែមទាំងអាចជួយដុតបំផ្លាញជាតិខ្លាញ់អាក្រក់ៗ ធ្វើឲ្យក្បាលពោះរាបស្មើ។
ក្បាច់ទី៣៖
ម៉ាស្សានៅត្រង់បរិវេណក្បាលពោះថ្នមៗជារង្វង់ អូសពីឆ្វេងទៅស្តាំ ដោយប្រើជាមួយឡេលាបស្បែកប្រចាំថ្ងៃរបស់អ្នក។ ធ្វើបែបនេះឲ្យបានប្រហែល ២-៣នាទី ហើយកុំភ្លេចផឹកទឹកបន្តិចផង។
អត្ថប្រយោជន៍៖ អាចជួយឲ្យក្រពះកិនរំលាយអាហារបានល្អ និងជួយឲ្យពោះវៀនស្រូបយកជីវជាតិល្អៗពីអាហារបានលឿនជាងមុនទៀតផង។
មិនថាអ្នកព្យាយាមសម្រកគីឡូ ដោយការតមអាហារឬវិធីណាក៏ដោយ បើបានបន្ថែម៣ក្បាច់នេះ ទុកអនុវត្តរាល់ថ្ងៃទៀត ទើបឆាប់ឃើញលទ្ធផល៕
ចុចអានបន្ត៖ ដឹងអត់ថាអាហារ ៦ មុខនេះសម្បូរជាតិសរសៃខ្ពស់ជួយសម្រកទម្ងន់បាន