នៅពេលអ្នកធ្វើល្អដាក់នរណាម្នាក់ខ្លាំងពេក រឿងអាក្រក់ទាំងនេះនឹងធ្លាក់លើខ្លួនអ្នកដោយខ្លួនឯង
- 2019-09-14 02:00:00
- ចំនួនមតិ 0 | ចំនួនចែករំលែក 0
នៅពេលអ្នកធ្វើល្អដាក់នរណាម្នាក់ខ្លាំងពេក រឿងអាក្រក់ទាំងនេះនឹងធ្លាក់លើខ្លួនអ្នកដោយខ្លួនឯង
អ្នកមានដែលឮពាក្យថា ធ្វើបុណ្យរន្ទះបាញ់ ដែរឬទេ? នៅក្នុងសម័យកាលនេះ រឿងនេះពីមួយថ្ងៃទៅមួយថ្ងៃកាន់តែមានកើតឡើងជាញឹកញាប់ ធ្វើឲ្យអ្នកនឹកស្មានមិនដល់។ នៅពេលដែលអ្នកធ្វើអំពើល្អដាក់នរណាម្នាក់ច្រើនពេក រឿងទាំងនេះនឹងធ្លាក់លើអ្នកវិញ។
១. បើអ្នកចេះតែឲ្យគេ គេនឹងគិតថាវាជារឿងធម្មតាដែលទទួលបានរឿងដូចនេះ
នៅពេលដែលមានផលប្រយោជន៍អ្វីមួយ ហើយតែងតែឲ្យទៅកាន់នរណាម្នាក់ នោះគេនឹងគិតថា ការដែលគេទទួលបានផលប្រយោជន៍ពីយើងរាល់ដងនេះ គឺជារឿងសាមញ្ញទៅហើយ គ្មានអ្វីគួរឲ្យចម្លែកផង ហើយក៏គេមិនបានឲ្យតម្លៃនៃការដែលទទួលបានផលពីអ្នកដែរ អ្នកចាំតែមើលចុះ។ ហើយបើអ្នកគិតថា គេនឹងគោរពស្រលាញ់អ្នកដោយសារតែអ្នកមានអ្វីឲ្យគេនោះ គឺអ្នកគិតខុសហើយ។
២. អ្នករំពឹងថា អ្នកនឹងទទួលបានផលដូចគ្នា
មនុស្សជាច្រើន តែងរំពឹងថា រាល់ទង្វើដែលខ្លួនធ្វើចេញនឹងត្រូវបានគេតបស្នងដូចគ្នាវិញ។ រឿងនេះប្រហែលជាអាចនឹងត្រូវនៅសម័យមុន នៅពេលដែលចិត្តមនុស្សនៅជ្រះថ្លាជាងពេលនេះ។ តែគួរឲ្យស្ដាយ ភាគច្រើននៅពេលនេះឃើញតែប្រយោជន៍នៅនឹងមុខ ហើយទោះបីជាទទួលបានការជួយយកអសាររបស់គេក្ដី ក៏មិនបានតបស្នងវិញដែរ។
៣. អ្នកនឹងត្រូវបានគេរកតែពេលគេត្រូវការប៉ុណ្ណោះ
នៅពេលអ្នកធ្វើល្អដាក់អ្នកណាម្នាក់លើសលប់ គេនឹងគិតថាអ្នកគ្រាន់តែជាឧបករណ៍ដើម្បីពឹងពាក់មួយប៉ុណ្ណោះ គ្មានអ្វីលើសពីនេះឡើយ។ មនុស្សប្រភេទនេះនៅពេលមិនទទួលបានអ្វីដែលគេធ្លាប់បានពីយើងនោះ គេនឹងអាចដើរហួសកំណត់ ដូចជាតិះដៀល ឬរិះគន់យើងជាដើម។ ដោយលើកឡើងថា មនុស្សយើងនៅពេលនេះបានផ្លាស់ប្ដូរហើយ លែងដូចមុនហើយ យកជាការលែងបាន ឬពឹងពាក់លែងបានជាដើម។ ដូចនេះចំពោះមនុស្សប្រភេទនេះ អ្នកត្រូវដាក់កំហិតជាមុន មុនពេលចង់ជួយគេ៕
ចុចអាន៖ ៩ យ៉ាង មនុស្សឆ្លាតតែងធ្វើរាលថ្ងៃ ភ្លេចមិនបានទេ