រឿងទាំង ១០ មិនគួរធ្វើក្នុងប្រទេសទាំងនេះ

2019-09-04 03:10:00
ចំនួនមតិ 0 | ចំនួនចែករំលែក 0

ការធ្វើដំណើរទៅលេងក្រៅប្រទេសនរណាៗក៏ត្រូវដឹងពីរបៀបរបបទៅតាមតំបន់នីមួយៗដែរ។ វាពិតជាសំខាន់ក្នុងការដើរហើរ កាយវិការ ពាក្យសម្តី ពិសេសជាមួយមនុស្សនៅតាមតំបន់ផ្សេងពីអ្នក។ ដូច្នេះមានន័យថា អ្នកត្រូវចេះបត់បែនតាមកាលៈទេសៈឲ្យបានត្រឹមត្រូវចៀសវាងមានបញ្ហាដោយប្រការណាមួយ។ ចំណុចដែលអ្នកត្រូវដឹងរួមមាន៖

១. ចៀសវាងការសម្លឹងកែវភ្នែកចំនៅប្រទេសចិន

នៅក្នុងប្រទេសចិនការសម្លឹងកែវភ្នែកពេលនិយាយជាមូយគ្នាត្រូវបានចាត់ទុកជាការមិនគោរពចំពោះមនុស្សម្នាក់ទៀត។ ប្រជាជនចិនសម្លឹងភ្នែកតែនៅពេលពួកគេខឹងចំពោះនរណាម្នាក់តែប៉ុ ណ្ណោះ។

២. ហាមមើលងាយរាជវង្សនៅក្នុងប្រទេសថៃ

សូម្បីតែការនិយាយលេងសើចមិនសមទំនងក៏អាចនាំឲ្យអ្នកមានបញ្ហាដែរ។ អ្វីដែលគ្រោះថ្នាក់ជាងនេះទៅទៀតនោះ គឺការជាន់ជើងលើក្រដាសប្រាក់ អ្នកអាចខ្លាចទៅជាឧក្រិដ្ឋជន។

៣. ហាមពាក់ស្បែកជើងចូលទៅក្នុងព្រះវិហារឥណ្ឌា

នៅក្នុងប្រទេសឥណ្ឌា ពេលដែលអ្នកចូលទៅក្នុងព្រះវិហារឬផ្ទះរបស់នរណាម្នាក់ចូរដោះស្បែកជើងសិនសឹមចូល។

៤. ហាមជូនពរនរណាម្នាក់មុនថ្ងៃកំណើតរបស់ពួកគេមកដល់

ជនជាតិអាឡឺម៉ង់មានអបិយជំនឿលើរឿងនេះ ពីព្រោះពួកគេជឿជាក់ថាអ្វីៗនឹងបរាជ័យប្រសិនបើអ្នកនិយាយថាពួកគេនឹងមិនធ្វើទេ។ ដូច្នេះការជូនពរជនជាតិអាឡឺម៉ង់នូវថ្ងៃកំណើតដ៏រីករាយអាចធ្វើឱ្យពួកគេភ័យខ្លាចសំណាងអាក្រក់។

៥. ហាមថើបនៅអារ៉ាប់រួម

ការបង្ហាញក្តីស្រលាញ់នៅទីសាធារណមិនត្រឹមតែបានគេមិនពេញចិត្តប៉ុណ្ណោះទេ តែវាអាចនាំបញ្ហាមកដល់អ្នកថែមទៀតឯណោះ។

៦. ហាមដើរឆ្លងកាត់ផ្លូវចររាចរណ៍ផ្តេសផ្តាសនៅអាមេរិក

ទោះបីជាផ្លូវនោះគ្មានការធ្វើដំណើរឆ្លងកាត់ក៏ដោយក៏អ្នកមិនត្រូវដើរឆ្លងផ្លូវសម្រាប់អ្នកដំណើរផ្តេសផ្តាសដែរ ព្រោះវាជាទង្វើដ៏ខុសច្បាប់នៅអាមេរិក។

៧. ហាមកម្មង់ម្ហូបតែមួយមុខនៅក្នុងភោជនីយដ្ឋានបារាំង

ប្រជាជនបារាំងមានមោទនភាពចំពោះមុខម្ហូបរបស់ពួកគេ ដូច្នេះការកម្មង់ម្ហូបតែមួយមុខក្នុងភោជនីយដ្ឋានត្រូវបានគេចាត់ទុកថាជាទង្វើមិនគប្បីឡើយ។ លើសពីនេះទៅទៀត ការបន្សល់ទុកម្ហូបនៅក្នុងចានគឺជាការមិនឲ្យតម្លៃទៅលើចុងភៅ ដូច្នេះប្រសិនបើអ្នកបរិភោគមិនអស់គួរតែបញ្ចូនមកវិញទើបជាការប្រសើរ។

៨. ហាមជូនវត្ថុមុតស្រួចជាអំណោយនៅក្នុងប្រទេសស្វីស

ការផ្តល់វត្ថុមុតស្រួចជាអំណោយនៅក្នុងប្រទេសស្វីស (រួមជាមួយប្រទេសដទៃទៀតដូចជាអាឡឺម៉ង់ ប្រេស៊ីលនិង អេហ្ស៊ីប) ត្រូវបានគេចាត់ទុកថាជាឥរិយាបទអំណោយមិនល្អនិងជាចុងបញ្ចប់នៃទំនាក់ទំនងឬមិត្តភាព។

៩. កុំឈរខុសផ្លូវពេលជិះជណ្តើរយន្តនៅជប៉ុន

មានភាពខុសប្លែកគ្នានៅតំបន់នៃប្រទេសជប៉ុន ប្រសិនបើអ្នកមិនចង់រំខានដល់ប្រជាជនជប៉ុន។ ជាក់ស្តែងដូចជា នៅតំបន់អូសាកាអ្នកត្រូវជិះខាងស្តាំលើជណ្តើរយន្ត រីឯនៅតូក្យូវិញអ្នកត្រូវជិះនៅខាងឆ្វេង នេះជាអ្វីដែលអ្នកគួររៀនសូត្រ។

១០. ហាមធ្វើដៃអូខេនៅប្រទេសប្រស៊ីល

សម្រាប់កាយវិការអូខេបើធ្វើនៅអាមេរិកគឺមិនមានគ្រោះថ្នាក់អ្វីនោះទេ តែសម្រាប់ប្រទេសប្រេស៊ីលវិញ វាជាកាយវិការមិនសមទំនងគឺវាស្មើនឹងដៃកណ្តាល។ ដូច្នេះអាចធ្វើឲ្យមានការយល់ច្រឡំចំពោះប្រជាជននៅតំបន់នោះ។