មកដឹងតារានិករទាំង៣ដែលអ្នកដទៃមិនអាចទាយចិត្តដឹងបានងាយៗ

2019-09-04 06:00:00
ចំនួនមតិ 0 | ចំនួនចែករំលែក 0

មនុស្សមួយចំនួនមិនសូវពូកែលាក់អារម្មណ៍របស់ខ្លួន ហើយមនុស្សមួយចំនួនទៀតក៏ពូកែទាយដឹងចិត្តអ្នកដទៃណាស់ គ្រាន់តែមើលកាយវិការ ពាក្យសម្ដីជាដើម។ ប៉ុន្តែមានមនុស្សមួយចំនួនទៀតដែលមិនងាយឱ្យអ្នកណាមើលចិត្តដឹងដោយងាយឡើយ មិនថាអ្នកនោះពូកែមើលមនុស្សកម្រិតណាក៏ដោយ។

ចង់ដឹងណាស់មែនទេថា មនុស្សណាខ្លះដែលពូកែលាក់អារម្មណ៍បែបនេះ? ថ្ងៃនេះយើងនឹងមកមើលអ្នកកើតក្នុងតារានិករទាំង៤ដែលអាចគ្រប់គ្រងអារម្មណ៍ខ្លួនឯងបានយ៉ាងល្អ។ មើលមើល៍មានត្រូវខ្លួនឯងដែរអត់?

១. Taurus (ថ្ងៃទី២០ មេសា- ថ្ងៃទី២០ ឧសភា)

អ្នកកើតចន្លោះថ្ងៃនេះច្រើនតែរឹងរូស និងចចេសបន្តិច។ អ្វីដែលអ្នកនិយាយទៅកាន់អ្នកដទៃ អាចមិនមែនសុទ្ធតែដូចអ្វីដែលអ្នកកំពុងគិតឡើយ។ និយាយទៅ ត្រូវការពេលយូរបន្តិចទើបអាចកាត់ន័យបានថាអ្នកកំពុងគិតពីអ្វី ព្រោះមនុស្សបែបនេះមិនសូវបង្ហាញកាយវិការចំៗឱ្យអ្នកដទៃបានឃើញឡើយ។

មួយវិញទៀត មនុស្សនេះឃើញពីខាងក្រៅដូចជាមាត់រឹង ចចេស មិនស្ដាប់អ្នកណាងាយៗ តែក្នុងចិត្តវិញមានបេះដូងទន់ភ្លន់ ផ្អែមល្ហែមមិនអន់ទេ។ គ្រាន់តែពីខាងក្រៅ ច្រើនតែធ្វើក្លាហាន រឹងមាំ រហូតធ្វើឱ្យគេឯងពិបាកទាយថាគេនេះជាមនុស្សបែបណាឱ្យប្រាកដ។

២. Leo (ថ្ងៃទី២៣ កក្កដា- ថ្ងៃទី២២ សីហា)

មនុស្សកើតចំតារានិករនេះគឺពិបាកទាយចិត្តជាងគេបំផុតក្នុងចំណោមតារានិករទាំងអស់។ តារានិករមួយនេះត្រូវត្រួតត្រាដោយព្រះអាទិត្យ ដែលអាចនិយាយថាពួកគេជាមនុស្សងាយចុះសម្រុងជាមួយអ្នកដទៃ ចូលចិត្តកន្លែងសប្បាយៗ រាំច្រៀងជាដើម។ ប៉ុន្តែទោះជាយ៉ាងណា មនុស្សនេះតាមពិតក៏មានភាពអៀនខ្មាស និងពេលខ្លះចង់នៅម្នាក់ឯង គឺនៅឱ្យឆ្ងាយពីអ្នកដទៃដែរ។

ពេលណាមានអារម្មណ៍ធុញថប់ ពួកគេចូលចិត្តនៅម្នាក់ឯងដាច់ពីគេឯង ដើម្បីរម្ងាប់អារម្មណ៍ ឬបង្កើតភាពច្នៃប្រឌិតដល់ខ្លួន។ កត្តានេះហើយទើបមនុស្សឯទៀតមិនអាចទាយដឹងចិត្តរបស់តារានិករមួយនេះបាន ព្រោះតែមើលទៅដូចជាមនុស្សពីរខុសគ្នាឆ្ងាយតែម្ដង។

៣. Aquarius (ថ្ងៃទី២០ មករា -ថ្ងៃទី១៨ កុម្ភៈ)

អ្នកកើតចំតារានិករនេះច្រើនជាមនុស្សចូលចិត្តលេងច្រើន ប៉ុន្តែក៏ចូលចិត្តវិភាគអ្វីៗឱ្យអស់ពីកម្លាំងកាយចិត្តដើម្បីធ្វើឱ្យរបស់ឬការងារនោះល្អប្រសើរឡើងដែរ។ និយាយពីទំនាក់ទំនងស្នេហាវិញ មនុស្សនេះមិនសូវចូលចិត្តផ្ដេកផ្ដិត បបោសអង្អែលអីប៉ុន្មានទេ តែចូលចិត្តផ្ដោតលើខ្លួនឯងច្រើនជាង ទើបធ្វើឱ្យមនុស្សផ្ទុយភេទពិបាកនៅក្បែរបានយូរបន្តិច។

និយាយរួម អ្នកកើតចំតារានិករនេះចូលចិត្តបង្ហាញក្ដីស្រលាញ់ដល់អ្នកដទៃ ប៉ុន្តែក៏ត្រូវការពេលវេលាដើម្បីខ្លួនឯងឱ្យច្រើនផងដែរ ពោលគឺចេះស្រលាញ់ខ្លួនឯងច្រើនជាងឱ្យគេមកស្រលាញ់ជំនួស។

បែបនេះទើបពេលខ្លះ អ្នកនៅជុំវិញខ្លួនពិបាកស្មានដឹងថា អ្នកកំពុងផ្ដល់ក្ដីស្រលាញ់ឱ្យគេក្នុងន័យជាស្នេហា ឬគ្រាន់តែអ្នករាប់អានធម្មតានោះ៕

ប្រភព៖ bustle ប្រែសម្រួល៖ សរ សុគន្ធី