រូបមន្តសម្រកបាន ១៦ គីឡូដោយប្រើពេលតែ ២ទៅ ៣ខែ

2019-09-04 04:00:00
ចំនួនមតិ 0 | ចំនួនចែករំលែក 0

ពេលមាននរណាម្នាក់និយាយថាចង់ស្រកគីឡូលឿនត្រូវតែហាត់ប្រាណខ្លាំងៗ នោះមិនត្រឹមត្រូវទេ! ដោយសារតែនារីដ៏ស្រស់ស្អាតម្នាក់ឈ្មោះ Pia បានប្រាប់ថា ការញ៉ាំធម្មតាក៏អាចជួយឱ្យស្រកទម្ងន់បានលឿនដែរ។ នាងបានចែករំលែកបទពិសោធន៍នៃការសម្រកគីឡូដែលឥឡូវនេះនាងមានរាងស្អាត និងសាច់ដុំក្បាលពោះទៀតផង។ ចង់ដឹងថានាងសម្រកទម្ងន់ដោយរបៀបណា? តោះមើលទាំងអស់គ្នា។

Paipia ពីមុនមានទម្ងន់ ៥៨ គីឡូ តែឥឡូវសល់តែ ៤២គីឡូប៉ុណ្ណោះ ដូចនេះមានន័យថានាងស្រកអស់ ១៦ គីឡូ។ តិចនិកសម្រកនេះ Pia ញ៉ាំធម្មតាទេ គ្រាន់តែនាងផ្ដោតលើការញ៉ាំអាហារប្រូតេអ៊ីន និងកាត់បន្ថយខ្លាញ់ឱ្យនៅសល់តិចបំផុតក្នុងការចម្អិន ដោយការប្រើទឹកក្នុងការបំពងជំនួសវិញ។ ខាងក្រោមនេះជាអាហារបីពេល ជាមួយនឹងចំណីដែលនាងញ៉ាំរាល់ថ្ងៃ៖

ពេលព្រឹក: ទឹកដោះគោដែលសម្បូរប្រូតេអ៊ីន និងអាហារសុខភាព
ពេលថ្ងៃ: ក្រុមអាហារដែលមានជាតិ កាបូអ៊ីដ្រាត ប្រូតេអ៊ីន និងបន្លែ
ពេលល្ងាច: ញ៉ាំតែអាហារដែលមានប្រូតេអ៊ីន និងបន្លែ
ចំណី: ផ្លែឈើ យ៉ាអួ ការ៉េមធ្វើនៅផ្ទះខ្លួនឯង និងចំណីសុខភាព។

គ្រាន់តែប្រើវិធីនេះធ្វើឱ្យនាងស្រកបាន ១០ គីឡូ។ បន្ទាប់ពីនោះនាងចាប់ផ្តើមហាត់ប្រាណ។ បំណងរបស់នាងគឺចង់បានសាច់ដុំក្បាលពោះ។ នាងបានចាប់ផ្តើមហាត់ជាមួយនឹង លំហាត់ប្រាណបែប HIIT និង Body Weight តាមវីដេអូក្នុង YouTube អស់រយៈពេល ១ខែ។ នៅខែបន្ទាប់នាងបានចាប់ផ្តើមកីឡាបែបប្រដាល់ និងហាត់ទាំង Body Weight និង Weight Trinner ជាមួយនឹងគ្រូបង្វឹកនៅកន្លែងប្រដាល់។

រាងមិនមានដាក់លក់ទេ បើសិនជាចង់បានត្រូវតែព្យាយាមធ្វើឱ្យបាន ដោយ ៨០% ផ្ដោតលើការរក្សារបបអាហារ និង ២០% ទៀតភ្ជាប់មកជាមួយការហាត់ប្រាណ។ វាអាចចំណាយពេលត្រឹម ២ ទៅ ៣ខែ នឹងធ្វើឱ្យយើងមើលទៅប្លែក។ ស្រីៗគ្រប់គ្នាអាចស្រកគីឡូបាន ឲ្យតែព្យាយាម គង់តែបានសម្រេច៕