អ្នកមានស្បែកស្ងួតមិនគួរហូបអាហារ ៦មុខនេះទេ

2019-09-03 09:10:00
ចំនួនមតិ 0 | ចំនួនចែករំលែក 0

ស្បែកស្ងួត អាចមកពីកត្តាច្រើនយ៉ាង ដែលធ្វើឲ្យសម្រស់អ្នកបាត់បង់ទៅតាមនោះដែរ។ ដូច្នេះក្រៅពីផឹកទឹកឲ្យបានច្រើន ក៏ត្រូវយកចិត្តទុកដាក់លើរបបអាហារដែរ ព្រោះអាហារខ្លះអាចប៉ះពាល់ ធ្វើឲ្យស្បែកឆាប់ស្ងួតបាន។

១. គ្រឿងស្រវឹង

ផឹកគ្រឿងស្រវឹងច្រើនពេក ពិសេសមុនចូលគេងនឹងធ្វើឲ្យស្បែកអ្នកឆាប់ស្ងួតជាអតិបរមា ដោយសារវាធ្វើឲ្យរាងកាយអ្នកខ្វះជាតិទឹក និងឆាប់ចាស់មុនអាយុផងដែរ។

២. កាហ្វេ និងសូដា

ផឹកកាហ្វេច្រើនជាងពីរពែង ក្នុងមួយថ្ងៃអាចធ្វើឲ្យស្បែកអ្នកស្រអាប់ ស្ងួតនិងមើលទៅចាស់ជាងវ័យ។ ដោយសារតែជាតិកាហ្វេអ៊ីននឹងធ្វើឲ្យអ្នកឧស្សាហ៍ទៅបន្ទប់ទឹកញឹកញាប់ ម្ល៉ោះហើយវាធ្វើឲ្យរាងកាយអ្នកខ្សោះជាតិទឹក។

៣. អាហារប្រៃ

តាមការសិក្សាបង្ហាញថា អំបិលជាកត្តាធ្វើឲ្យស្បែកងាយអាឡែហ្ស៊ី និងរលាកស្បែកយ៉ាងខ្លាំង។ ដូច្នេះ នៅពេលអ្នកចង់បន្ថែមអំបិលច្រើនពេកពេលចម្អិនអាហារគួរគិតឲ្យបានច្បាស់ម្ដងទៀត។ ស្បែករបស់អ្នកនឹងឆាប់ស្ងួត បើអ្នកទទួលទានអាហារប្រៃពេក។

៤. អាហារដែលផ្ទុកវីតាមីន A លើសលប់

ថ្វីដ្បិតវីតាមីន A ល្អសម្រាប់ការព្យាបាលមុន ប៉ុន្តែបើទទួលទានច្រើនលើសលុបពេកវាទៅជាផ្ដល់ផលអាក្រក់ដល់ស្បែកវិញ ដោយបណ្ដាលឲ្យស្បែកស្ងួត។

៥. អាហារមានជាតិផ្អែម

យោងតាមការបកស្រាយរបស់អ្នកជំនាញ អាហារផ្អែមអាចធ្វើឲ្យស្បែកស្ងួតបាន។ ម្យ៉ាងទៀត ជាតិស្ករអាចបំបែកធាតុខូឡាជែនដែលជួយចិញ្ចឹមស្បែក និងធ្វើឲ្យស្ទះរន្ធញើសផងដែរ។

៦. អាហារផ្សំពីម្សៅ

នំប៉័ងសាច់ស អង្ករ Pasta ជាដើម ផ្ទុកជាតិ Glycemic index ដែលបណ្ដាលឲ្យស្បែកស្ងួត។ អ្នកអាចផ្លាស់ប្ដូរមកញ៉ាំអង្ករសម្រូប ជំនួសឲ្យអង្ករធម្មតា និងន៉ប៉័ងសាច់ស ដោយការញ៉ាំនំប៉័ងសាច់រាងក្រអៅ ដើម្បីកាត់បន្ថយស្បែកស្ងួត។