អ្នកជំនាញបង្ហាញកំហុស៣ ដែលអ្នកអាយុ២០ និង៣០ត្រូវកែ បើមិនចង់ចាស់ទៅឯកានិងក្រ
- 2019-09-03 03:10:00
- ចំនួនមតិ 0 | ចំនួនចែករំលែក 0
អ្នកជំនាញបង្ហាញកំហុស៣ ដែលអ្នកអាយុ២០ និង៣០ត្រូវកែ បើមិនចង់ចាស់ទៅឯកានិងក្រ
យោងតាមអ្នកជំនាញចិត្តវិទ្យា Tess Brigham ប្រសិនបើមនុស្សវ័យក្មេងមិនចង់ថ្ងៃក្រោយត្រូវរស់នៅដោយភាពឯកា សោកស្ដាយជីវិតពីក្មេងនិងក្រខ្សត់ទេនោះ អ្វីដែលគេត្រូវចាប់ផ្ដើមភ្លាមនៅពេលនេះគឺសន្សំសំចៃ។
ក្នុងរយៈពេលស្រាវជ្រាវ១០ឆ្នាំ និងធ្វើការពិគ្រោះយោបល់ជាមួយអតិថិជនរាប់ពាន់នាក់នោះ ចិត្តវិទូជនជាតិអាមេរិក Tess Brigham ដកបានបទពិសោធន៍ជាច្រើនពីមនុស្សវ័យក្មេង និងកំហុសរបស់ពួកគេ។ ខាងក្រោមនេះគឺជាកំហុសដែលលោកស្រីគិតថាមនុស្សគ្រប់គ្នាគួរកែ បើមិនចង់ថ្ងៃក្រោយឯកា និងពិបាករឿងលុយកាក់ទេនោះ។
១. សន្សំសំចៃ ត្រូវធ្វើកាន់តែឆាប់កាន់តែល្អ
អ្នកជំនាញរូបនេះ បានសង្កត់យ៉ាងច្បាស់ថា កំហុសធំជាងគេរបស់យុវវ័យនោះគឺមិនចេះសន្សំសំចៃសម្រាប់ប្រើប្រាស់នៅពេលចូលនិវត្តន៍។ តាមនោះដែរ មានដល់ទៅ៦០%មនុស្សទទួលស្គាល់ថា ពួកគេមិនខ្វល់ពីថ្ងៃក្រោយ ដោយចង់ចាយសប្បាយនៅពេលបច្ចុប្បន្នសិន ហើយនេះគឺជាកំហុសដែលពួកគេស្ដាយជាងគេពេលចាស់ទៅ។
២. កសាងអាជីពឲ្យរឹងមាំ
សព្វថ្ងៃយើងសង្កេតឃើញថា យុវវ័យមានការលោតផ្លោះការងារច្រើន ដោយនឹងមិននៅជាប់នៅកន្លែងណាមួយជាប់លាប់ឡើយ។ នេះតាមការពិតទៅក៏មែនជាបញ្ហាដែរ ដ្បិតផ្លោះច្រើន ទើបដឹងថាមួយណាសមនឹងយើងពិតប្រាកដ។ យ៉ាងណាក្ដី នៅពេលរកឃើញការងារដែលត្រូវចិត្តហើយ សូមអ្នកទាំងអស់គ្នាតស៊ូឲ្យដល់ទីបំផុត ដោយកុំជួបឧបសគ្គបន្តិចបន្តួចហើយបោះបង់ឲ្យសោះ ព្រោះអ្នកនឹងស្ដាយក្រោយពេលរកការងារក្រោយមិនត្រូវចិត្ត។
៣. ដឹងគុណអ្នកដែលនៅជុំវិញខ្លួន
អ្នកជំនាញខាងលើបានបន្ថែមថា ចំណុចដែលមនុស្សជាច្រើនស្ដាយក្រោយមិនស្ទើរនោះគឺ មិនបានឲ្យតម្លៃទៅលើមនុស្សនៅជុំវិញខ្លួនយើង ដល់ពេលចាស់ទៅ នៅម្នាក់ឯង ទើបស្ដាយក្រោយថា គ្មានអ្នកណានៅក្បែរខ្លួនហើយឯកាជាទីបំផុត។ ដូចនេះ ចំពោះមនុស្សដែលជិតស្និទ្ធិនឹងអ្នកនៅពេលបច្ចុប្បន្ន សូមធ្វើល្អ និងទាក់ទងជាមួយពួកគេជាប្រចាំកុំឲ្យដាច់ទំនាក់ទំនងគ្នា៕
ចុចអាន៖ បើចិត្តហត់នឿយហើយសម្រាកទៅ បើបេះដូងកំពុងឈឺខ្លាំងក៏ត្រូវដោះលែងទៅ