បើមិនចង់ឆាប់ចាស់ ត្រូវចៀសវាងទម្លាប់ទាំងនេះឲ្យបាន

2019-08-24 03:00:00
ចំនួនមតិ 0 | ចំនួនចែករំលែក 0

សុភាពនារីទាំងឡាយគួរយល់ដឹងពីទម្លាប់ក្នុងការរស់នៅប្រចំាថ្ងៃថាវាផ្តល់ផលល្អមកលើអ្នកឫអត់? ទម្លាប់ល្អផ្តល់ឲ្យសុខភាពអ្នកល្អក៏ដូចជាសម្រស់ផងដែរ អញ្ចឹងតើមានទម្លាប់អ្វីខ្លះដែលសុភាពនារីគ្រប់រូបមិនគួរធ្វើអ្វីខ្លះ?

១ ចូលចិត្តញុំារបស់ផ្អែមៗ

អាហាររសជាតិផ្អែមធ្វើឲ្យអ្នកជក់ចិត្ត។ កាលណាអ្នកកាន់តែញុំាផ្អែម ជាតិស្ករកាន់តែកើនហើយជាតិស្ករនឹងរំខានទៅដល់ការជួសជុលសារពាង្គកាយនិងកាត់បន្ថយបរិមាណឡាជេននៅក្នុងកោសិការបស់អ្នក។ ហើយកត្តាទាំងនោះនឹងធ្វើឲ្យអ្នកមានស្នាមជ្រីវជ្រួញនិងរង្វង់ខ្មៅជាដើម។ លើសពីនេះអ្នកក៏អាចប្រឈមមុខនឹងការកើតជំងឺទឹកនោមផ្អែមក៏ថាបាន។

២ ការគេងមិនគ្រប់គ្រាន់និងយឺត

វាពិតជាមិនល្អឡើយសម្រាប់អ្នកគេងមិនគ្រប់គ្រាន់ពិសេសអ្នកគេងតិចជាង ៥ ម៉ោង ក្នុងមួយថ្ងៃលទ្ធផលនោះគឺភ្នែកខ្មៅពេលក្រោកពីគេង។ ដូចនេះហើយ សូមអ្នកចូលគេងឲ្យលឿននិងទៀងពេលវេលាជារៀងរាល់ថ្ងៃដើម្បីឲ្យរាងកាយរបស់អ្នកបានសម្រាកក៏ដូចជាដំណើរការល្អ។

៣ អង្គុយយូរៗក្នុងមួយថ្ងៃៗ

ជាមួយនឹងជីវិតការងារប្រចាំថ្ងៃ នរណាៗក៏រវល់ជាមួយការសិក្សា ការសិក្សាដោយអង្គុយនៅមុខកុំព្យូទ័រ មើលសៀវភៅជាដើម។ ការអង្គុយយូរៗដោយមិនមានការធ្វើចលនាមិនមានផលល្អសម្រាប់រាងកាយរបស់អ្នកឡើយ ព្រោះវាប្រឈមមុខនឹងជំងឺបេះដូង ក្រលៀន និងមហារីក ។ ដើម្បីចៀសវាង ចូរអ្នកក្រោកឈរជារៀងមួយម៉ោងម្តងដើម្បីឲ្យបានស្រួលខ្លួន។

៤ ធ្វើរឿងច្រើនក្នុងពេលតែមួយ

មនុស្សមួយចំនួនគិតថាធ្វើរឿងច្រើនក្នុងពេលតែមួយគឺមើលមកអស្ចារ្យ។ អ្នកគិតបែបនេះគឺយល់ច្រឡំហើយ ធ្វើរឿងច្រើនក្នុងពេលតែមួយគឺមិនផ្តល់ផលល្អដល់រាងកាយឡើយ ផ្ទុយទៅវិញវាកាន់តែផ្តល់ភាពស្មុគស្មាញមកដល់អ្នក។ សម្រាប់អ្នកដែលមានទម្លាប់បែបនេះ គួរតែធ្វើអ្វីមួយៗកុំប្រញេបប្រញាប់។

៥ នៅម្នាក់ឯងច្រើនពេក

ការទម្លាប់នៅម្នាក់ឯងធ្វើឲ្យមានផលប៉ះពាល់មកលើចិត្តរបស់អ្នក ព្រោះប្រសិនបើនរណាម្នាក់ស្ថិតនៅភាពឯកាយូរពេកធ្វើឲ្យអ្នកនោះមានអារម្មណ៍មិនល្អបាក់ទឹកចិត្ត។ ដូច្នេះសូមកុំចូលចិត្តនៅម្នាក់ឯងច្រើនពេក។