អត្ថប្រយោជន៍ច្រើនស្មានមិនដល់ ចំពោះសុខភាពនិងសម្រស់របស់ផ្លែទទឹម

2019-08-23 04:10:00
ចំនួនមតិ 0 | ចំនួនចែករំលែក 0

កាន់តែញ៉ាំផ្លែទទឹម អ្នកនឹងទទួលបានអត្ថប្រយោជន៍ច្រើន ដោយសារវាត្រូវបានគេចាត់ទុកថាជាផ្លែឈើសុខភាព សម្បូរវីវីតាមីន និងសារជាតិខនិជល្អចំពោះរាងកាយ។ ក្រៅពីនេះជួយការពាររាងកាយពីជំងឺដង្កាត់ ជួយស្បែកស្អាតបានទៀត។ អ្នកអាចញ៉ាំផ្លែនេះតែម្ដងក៏បាន ឬអាចកិនជាទឹកផ្លែឈើក៏បាន។

១. សម្បូរសារជាតិសម្រាប់រាងកាយ

ផ្លែទទឹមផ្ទុកដោយសារធាតុខនិជ ប្រូតេអ៊ីន Fiber វីតាមីន C វីតាមីន K និងប៉ូតាស្បូម។

២. ជួយឲ្យក្មេងជាងអាយុ

បើអ្នកផឹកទឹកផ្លែទទឹមទៀងទាត់ នឹងទប់ស្កាត់ភាពចាស់មុនអាយុ ដោយសារវាមាន Antioxidants ខ្ពស់ ដែលច្រើនជាងភេសជ្ជៈប្លូបឺរី ទឹកម្នាស់ ទឹកទំពាំងបាយជូ ។ សម្រាប់អ្នកចង់បានស្បែកស្អាតមិនគួរមើលរំលងទឹកផ្លែទទឹមឡើយ ព្រោះមានវីតាមីន A វិតាមីន E ផងដែរ។

៣. ការពារនិងកាត់បន្ថយការរលាក អាចការពារអ្នកពីការរលាកពោះវៀន ជំងឺទឹកនោមផ្អែម រលាកសន្លាក់ឆ្អឹងដៃនិងជើង រួមទាំងលក្ខខណ្ឌផ្សេងៗដែលបណ្ដាលឲ្យរលាកផងដែរ។

៤. ប្រឆាំងមេរោគពេលមានអាកាសធាតុត្រជាក់

ប្រសិទ្ធភាពរបស់វា ជួយការពារពីមេរោគផ្សេងៗដែលច្រើនកើតឡើងពេលអាកាសធាតុត្រជាក់ដូចជាផ្ដាសាយជាដើម។ លើសពីនេះ ក៏ធ្វើឲ្យរាងកាយមានភាពស៊ាំ ថែមទៀត។

៥. សម្រួលអ័រម៉ូនពេលស្ត្រីមករដូវ

ជួយឲ្យស្ត្រីពេលមករដូវមិនសូវចុកពោះ ជួយសម្រួលអ័រម៉ូន និងគេងលក់ស្រួលផងដែរនៅក្នុងអំឡុងពេលមករដូវ។

៦. បង្កើនភាពស្រស់ស្រាយ

ផ្លែទទឹមអាចឲ្យអ្នកមានអារម្មណ៍ល្អ និងដោះស្រាយពេលអ្នកស្រេកទឹកបានយ៉ាងប្រសើរ។

៧. បង្កើនការចងចាំ

ទប់ស្កាត់ការរលាកកោសិកាខួរក្បាល ដែលច្រើនកើតឡើងពីជំងឺ Alzheimer។ បើអ្នកបានញ៉ាំផ្លែទទឹមរាល់ថ្ងៃ អ្នកនឹងទទួលបានការអង្គចងចាំល្អ ស្មារតីស្វាហាប់ និងរហ័សរហូន។

៨. កាត់បន្ថយគ្រោះថ្នាក់មហារីក

ផ្លែទទឹមក្រហមមានប្រសិទ្ធភាពកាត់បន្ថយជំងឺមហារីកបាន ព្រមទាំងកាត់បន្ថយការរលាកនៃជាលិកា ដែលបណ្ដាលឲ្យកើតជាកោសិកាមហារីកនៅក្នុងរាងកាយ។

ដើម្បីបានសុខភាពល្អ អ្នកគួរទទួលផ្លែទទឹមមួយថ្ងៃមួយផ្លែ ឬកិនជាទឹកផ្លែឈើក៏បាន។ ផឹកយ៉ាងទៀងទាត់នឹងទទួលបានអត្ថប្រយោជន៍ខាងលើ ព្រមទាំងស្បែកស្អាតពីខាងក្នុងតែម្ដង៕

ចុចអាន៖ ភ្ញាក់ផ្អើលពេលដឹងអត្ថប្រយោជន៍នៃការញ៉ាំផ្លែស្រកានាគ ជាពិសេសសម្រាប់នារីៗ

ប្រភព៖ akerufeed ប្រែសម្រួល៖ លឹម សុនា