មនុស្សប្រុសចាប់ចំណុចខ្សោយមនុស្សស្រីបានព្រោះដឹងថាចូលចិត្តពាក្យសន្យា ស្បថ

2019-08-22 07:00:00
ចំនួនមតិ 0 | ចំនួនចែករំលែក 0

កើតមកមនុស្សស្រីគឺតែងមានកម្លាំងកាយ ក៏ដូចជាកម្លាំងចិត្តរៀងខ្សោយជាងមនុស្សប្រុសបន្តិចហើយ ដូចនេះនៅពេលឮពាក្យថាគេនឹងការពារថែរក្សាយើងអស់មួយជីវិត អ្នកណាក៏សប្បាយចិត្តដែរ ។ នេះជាហេតុដែលធ្វើឲ្យពីមួយថ្ងៃទៅមួយថ្ងៃ ចំនួនអ្នកសន្យា ក៏ដូចជាអ្នកក្បត់ពាក្យសន្យាមានកាន់តែច្រើនឡើងៗ។

មុននេះបន្តិច អតីតគូស្នេហ៍តារាសម្ដែងល្បីឈ្មោះកូរ៉េ Koo Hye Sun និង Ahn Jae Hyun បានធ្វើឲ្យអ្នកគាំទ្រស្លុតអារម្មណ៍យ៉ាងខ្លាំង នៅពេលទម្លាយថាខាងប្រុសចង់ទារលែងលះក្រោយរៀបការបាន៣ឆ្នាំ។ គូស្នេហ៍ជួបបែកជារឿងធម្មតាទៅហើយ នៅពេលនេះ តែអ្វីដែលគេនឹកស្មានមិនដល់នោះគឺ នៅពេលជិតរៀបការ គឺតារាប្រុសស្អាតនេះ បានទៅជួបម្ដាយខាងស្រីផ្ទាល់ ហើយសន្យាថានឹងមើលថែកូនស្រីរបស់គាត់មួយជីវិត ដោយមិនទុកឲ្យនាងលំបាកឡើយ។

យ៉ាងណាក្ដី នៅពេលសុំលែងលះ Koo Hye Sun បានសុំឲ្យអតីតប្ដីរបស់ខ្លួនទៅជួបម្ដាយនាងជាលើកចុងក្រោយ តែបានត្រឹមតែលេបទឹកភ្នែកចូលក្នុងនៅពេលប្ដីប្រុសស្អាតរបស់នាងយកលេសថា ខ្លួនរវល់ណាស់ គ្មានពេលទៅជួបឡើយ។

យោងតាមរឿងខាងលើ យើងអាចឃើញជាក់ស្ដែងថា ពាក្យសម្បថ ពាក្យសន្យា តាមការពិតមិនមែននិយាយឲ្យតែរួចពីមាត់ឡើយ ដ្បិតនៅពេលដែលនិយាយនោះ គឺវាស្ដែងចេញពីអារម្មណ៍ពិតប្រាកដនៅពេលនោះមែន ទាស់ត្រង់ថា រក្សាបានយូរប៉ុណ្ណាគឺជារឿងមិនទៀងប៉ុណ្ណោះ។

ជាក់ស្ដែង ក្នុងកំឡុងពេល៣ឆ្នាំនេះ Koo Hye Sun ចូលកម្មវិធីណាក៏សម្ដែងពីសុភមង្គលរបស់ខ្លួនឲ្យគេឃើញ ហើយខាងប្រុសវិញ ទោះបីជាទៅណាក៏តែងនឹកដល់បាយរបស់ប្រពន្ធជានិច្ច។ គ្រាន់តែពេលវេលាឃោឃៅ អាចប្រែសទៅជាខ្មៅ ចិត្តមនុស្សមើលមិនទៀង។

ទន្ទឹមនឹងអារម្មណ៍ដែលស្រលាញ់ និងចង់មើលថែទាំគេរហូតពេលទើបស្រលាញ់គ្នា ទើបធ្វើឲ្យមនុស្សប្រុសស្បថស្បែនោះ។ កត្តាដែលធំជាងគេនោះគឺ គេដឹងច្បាស់ថាមនុស្សស្រីក៏ចង់បានបែបនេះដែរ។ មនុស្សស្រីយើងកើតមក មិនបានរឹងមាំដូចមនុស្សប្រុសទៅហើយ បើមានអ្នកស្រលាញ់យើង សន្យាមើលថែយើង ប្រាកដជាសប្បាយចិត្តខ្លាំងណាស់។ ទើបពេលចូលចែចូវដំបូង មនុស្សប្រុសនឹងប្រើក្បាច់មួយនេះដើម្បីយកបេះដូងមនុស្សស្រី បើយើងមិនលង់នឹងក្បាច់នេះទេ គេប្រើក៏គ្មានប្រសិទ្ធិភាពដែរ៕

ចុចអាន៖ បណ្តុំរូបភាពបែប sweet sweet ទុកថតពេលដើរលេងជាមួយសំណប់ចិត្ត

ប្រភព៖ Guu ប្រែសម្រួល៖ Caramel