ទម្លាប់អាក្រក់មុនចូលដំណេកដែលធ្វើឲ្យអ្នកនៅបើកភ្នែកទល់ភ្លឺ
- 2019-08-22 04:25:00
- ចំនួនមតិ 0 | ចំនួនចែករំលែក 0
ទម្លាប់អាក្រក់មុនចូលដំណេកដែលធ្វើឲ្យអ្នកនៅបើកភ្នែកទល់ភ្លឺ
ទម្លាប់ទាំងប៉ុន្មានដែលអ្នកនឹកស្មានថាគ្មានប៉ះពាល់ដល់សុខភាពសោះ ការពិតប៉ះពាល់ដល់ដំណេករបស់អ្នកយ៉ាងខ្លាំង រហូតដល់អាចធ្វើឲ្យអ្នកគេងមិនលក់ពេញមួយយប់។
១. ញ៉ាំច្រើន
ចំណីយប់ជ្រៅគឺជាអាហារដែលជៀសមិនផុតសម្រាប់មនុស្សសម័យថ្មី ព្រោះត្រូវធ្វើការ ក៏ដូចជានៅលេងដល់យប់ជ្រៅ ក៏ធ្វើឲ្យឃ្លានឡើងវិញ។ យ៉ាងណាក្ដី ការពិសោធន៍បានបង្ហាញឲ្យឃើញថា អាហារត្រូវការពេល៦ម៉ោងដើម្បីរំលាយអស់ ក្នុងរយៈពេលនេះដែរ វានឹងធ្វើឲ្យអ្នកពិបាកគេងជាទីបំផុត។
២. ជក់បារី
មានហេតុផលជាច្រើនដែលធ្វើឲ្យអ្នកគួរតែផ្ដាច់បារី ហើយហេតុផលថ្មីមួយទៀតនោះគឺវាធ្វើឲ្យអ្នកមិនអាចគេងលក់បាន។ សារជាតិនីកូទីននៅក្នុងបារីនឹងធ្វើឲ្យអ្នករសាប់រសល់ ពិបាកគេងលក់ជាទីបំផុត។
៣. មើលភាពយន្ត
មានហេតុផលដែលវេជ្ជបណ្ឌិតហាមអ្នកមិនគួរមើលទូរទស្សន៍មុនចូលគេង នោះគឺអារម្មណ៍រំភើបនៅពេលមើលភាពយន្ត នឹងធ្វើឲ្យអ្នកចងចាំហេតុការណ៍ក្នុងរឿងដែលធ្វើឲ្យនឹងយកព្រឹត្តិការណ៍ទាំងនោះ ចូលក្នុងដំណេកដែរ។
៤. ប្រើឧបករណ៍អេឡិចត្រូនិក
ទោះបីជាដឹងថាមានការងារមួយចំនួននៅពេលដែលធ្វើមិនទាន់ចប់ គឺត្រូវបង្ហើយឲ្យអស់ក៏ពិតមែន តែនៅពេលប្រឈមនឹងឧបករណ៍មួយចំនួនដូចជាទូរសព្ទ កុំព្យូទ័រកៀកម៉ោងគេងពេក ចំណាំងផ្លាតពីឧបករណ៍ទាំងនេះនឹងធ្វើឲ្យសតិរបស់អ្នកពិបាកស្ងប់ នាំឲ្យគេងមិនលក់។
៥. ជជែកពីបញ្ហាអ្វីមួយ
ពេលយប់អាចជាពេលតែមួយគត់ដែលអ្នកមានពេលសម្រាប់និយាយពីរឿងក្នុងចិត្ត។ យ៉ាងណាក្ដី អ្នកអាចនឹងត្រូវលះបង់ដំណេករបស់ខ្លួន បើអ្នកចង់និយាយរឿងក្នុងចិត្ត ដ្បិតរឿងដែលអ្នកនិយាយនោះ នឹងមិនងាយចេញពីក្បាលឡើយ ដោយអ្នកនឹងត្រូវយកវាមកគិត ហើយអាចនៅបន្តគិតរហូតដល់ភ្លឺ៕
ចុចអាន៖ ១០សញ្ញាសំខាន់បញ្ជាក់ថារាងកាយអ្នកកំពុងតែមានភាពតានតឹងហើយ ត្រូវតាមដានជាដាច់ខាត