ជ្រើសរើសរូបនំមួយ ដើម្បីស្ទាប់ស្ទង់ពីចិត្តគំនិតខ្លួនឯងកាន់តែច្បាស់

2019-08-16 08:50:00
ចំនួនមតិ 0 | ចំនួនចែករំលែក 0

បុគ្គលិកលក្ខណៈរបស់មនុស្សម្នាក់ៗ ពិតជាមានទំនាក់ទំនងផ្សារភ្ជាប់ទៅនឹងញាណនៃការគិតមួយផ្នែកផ្សេងទៀត។ ហេតុនេះហើយអ្វីដែលអ្នកបានជ្រើសរើសមិនមែនជារឿងចៃដន្យឡើយ ប៉ុន្តែវាជាការបញ្ជាចេញពីបេះដូង ថែមទាំងអាចឆ្លុះបញ្ចាំងពីគំនិតដែលអ្នកមានក្នុងខ្លួន។

នេះគ្រាន់តែជាតេស្តសាកល្បងមួយប៉ុណ្ណោះ លទ្ធផលយ៉ាងណា ក៏មិនគួរយកដាក់ក្នុងចិត្តខ្លាំងពេកដែរ។ ដំបូងត្រូវរើសរូបនំ ដែលអ្នកពេញចិត្តខ្លាំងជាងគេបង្អស់ ចម្លើយនឹងបង្ហាញនៅខាងក្រោមរូបភាពនិមួយៗ។

រូបទី១

អ្នកជាមនុស្សពូកែគិតនិងវិភាគ។ អ្នកមានសមត្ថភាពខ្ពស់គ្មានអ្វីបំបាក់បាន ក្នុងការសម្រេចចិត្តនិងចាត់ចែងលើកិច្ចការផ្សេងៗ។ អ្នកមិនចូលចិត្តខ្ជះខ្ជាយពេលវេលា និងតែងតែអាចបញ្ចប់ភារកិច្ចផ្សេងៗប្រកបដោយប្រសិទ្ធភាព។ មិនថាជារឿងតូចធំនៅក្នុងឬក្រៅផ្ទះ អ្នកតែងអាចរកដំណោះស្រាយដោយជោគជ័យ ស្របដែលអ្នកដទៃសុខចិត្តបោះបង់ចោលហើយក៏ដោយ។ ភាពឧស្សាហ៍ព្យាយាម មានរបៀបរៀបរយជាទម្លាប់របស់អ្នក។

រូបទី២

អ្នកដើរទៅណាមកណាម្នាក់ឯងនិងធ្វើអ្វីៗដោយខ្លួនឯង។ អ្នកមិនចូលចិត្ត បង្ហាញអារម្មណ៍ចំៗទៅកាន់អ្នកដទៃ ប៉ុន្តែអាចមើលដឹងពីចិត្តគេបានយ៉ាងច្បាស់ ដោយមិនបាច់និយាយ។ នេះជាចំណុចពិសេសលេចធ្លោមួយ ដែលគ្រប់គ្នាតែងលើកសរសើរអ្នកមិនដាច់ពីមាត់។ អ្នកជាមនុស្សចិត្តត្រជាក់ និងមិនសាំញ៉ាំច្រើន។

រូបទី៣

អ្នកជាមនុស្សមានគំនិតច្នៃប្រឌិតថ្មីប្លែកៗ និងស្រលាញ់ការរស់នៅដែលពោរពេញដោយក្តីរីករាយ។ ពេលធ្វើអ្វីមួយ គឺលះៗអស់ពីចិត្ត និងមើលគួរឲ្យចាប់អារម្មណ៍បំផុត។ បើនិយាយពីការសន្ទនាជាមួយអ្នកជុំវិញខ្លួនវិញ ពូកែលេខ១ មិនចេះឆ្មើងឆ្មៃទេ។

រូបទី៤

អ្នកកើតមកមានភាពដឹកនាំល្អជាប់មកជាមួយតែម្តង។ អ្នកតែងរកនឹកមើលនូវសកម្មភាពថ្មីៗសម្រាប់ខ្លួនឯង។ អ្នកមិនខ្លាចនឹងប្រឈមជាមួយឧបសគ្គគ្រប់បែបយ៉ាង។ បញ្ហាគ្រាន់តែជាការហ្វឹកហាត់ខួរក្បាលតែប៉ុណ្ណោះ។

រូបទី៥

អ្នកមានជំនាញអស្ចារ្យជាមួយមនុស្សជុំវិញខ្លួន ជាហេតុធ្វើឲ្យអ្នកមានប្រជាប្រិយភាពយ៉ាងខ្លាំង។ អ្នកចូលចិត្តជួយអ្នកដទៃ ខ្វល់ខ្វាយពីគេ និងស្តាប់ហេតុផលបានយ៉ាងល្អ។ អ្នកពិតជាមានភាពស្មោះត្រង់ណាស់ ហើយពូកែនិយាយលើកទឹកចិត្តគេទៀតផង។ អ្នកតែងចេះការពារ មិនឲ្យមានជម្លោះកើតឡើងដោយងាយៗ និងហ៊ានលះបង់ មិនខ្លាចប៉ះពាល់ដល់អារម្មណ៍ខ្លួនឯង។

តើប្រិយមិត្តទាំងអស់គ្នា បានជ្រើសរើសរូបអ្វីដែរ? កុំភ្លេចប្រាប់ផងណា៕

ប្រភព៖ Brightside ប្រែសម្រួល៖ ដេត ឈុនអ៉ី