ស្រីៗដឹងអត់! រូបភាពយើងបង្ហោះ ក៏អាចបញ្ជាក់ពីចរិតយើងបានដែរ
- 2019-08-16 04:00:00
- ចំនួនមតិ 0 | ចំនួនចែករំលែក 0
ស្រីៗដឹងអត់! រូបភាពយើងបង្ហោះ ក៏អាចបញ្ជាក់ពីចរិតយើងបានដែរ
ស្រីៗធ្លាប់ចាប់អារម្មណ៍អត់ថា ខ្លួនឯងចូលចិត្តបង្ហោះរូបភាពបែបណាលើបណ្ដាញសង្គម? តាមពិត រូបដែលផុសទាំងនោះសុទ្ធតែអាចបង្ហាញពីចរិតយើងបានថាជាមនុស្សដូចម្ដេច តែពេលខ្លះយើងខ្លួនឯងមិនចាប់អារម្មណ៍ផង។ រូប ៧ បែបខាងក្រោមអាចបញ្ជាក់បានថាយើងជាមនុស្សបែបណា៖
១. រូប Selfies (មុខកញ្ចក់ ឬក្នុងជណ្ដើរយន្តជាដើម)៖ ជាមនុស្សដែលតែងចង់ឲ្យអ្នកដទៃផ្ដោតការយកចិត្តទុកដាក់មកលើខ្លួនឯង។
២. រូបថតគូស្នេហ៍៖ អាចចង់ប្រាប់ទៅមនុស្សគ្រប់គ្នាថា «ខ្ញុំមិនមែន Forever alone ទេ»។ វាជាការបង្ហាញឲ្យមិត្តភក្ដិដឹង ជាពិសេសសម្រាប់អ្នកដែលតែងត្រូវគេបង្អាប់ថាអត់លិឍ។
៣. រូបជាក្រុម៖ បើរូបក្នុងគណនីយើងភាគច្រើនជាក្រុមពេលជប់លៀង ឬពេលដើរលេងអីនោះ ព្រោះមិនចង់បង្ហាញពីភាពសោះកក្រោះ និងឯកោក្នុងខ្លួនយើង។ យើងចង់បង្ហាញទៅពិភពលោកថាយើងមានមិត្ត, យើងជាផ្នែកមួយរបស់ក្រុមនេះ ឬក្រុមនោះជាដើម។
៤. កូនក្មេង៖ មានពីរអត្ថន័យ។ បើយើងចូលចិត្ត Share រូបកាលនៅតូច ឬ ដាក់ជារូប Profile តែម្ដងនោះ វាបញ្ញាក់ពីភាពហត់នឿយក្នុងការធ្វើជាមនុស្សធំដែលមានទំនួលខុសត្រូវច្រើនហើយចង់ត្រឡប់ទៅកាលពីក្មេងវិញ។ ចំណែកអត្ថន័យមួយទៀតពេលយើងបង្ហោះរូបកូនៗ ឬថតជាមួយកូន វាបង្ហាញពីមោទកភាពក្នុងនាមជាម្ដាយ។
៥. រូបសត្វ ឬ រូបយើងថតជាមួយសត្វ៖ ដូចជារូបឆ្មា Cute Cute ទន្សាយ ឬឆ្កែ។ នេះជាការបង្ហាញពីមនោសញ្ចេតនា និងចរិតនៅក្មេងរបស់យើង។
៦. រូបទេសភាពធម្មជាតិ៖ បង្ហាញពីភាពរីករាយជាមួយជីវិត ការស្រឡាញ់ស្ងប់ស្ងាត់ និងការកោតសរសើរសម្រស់ធម្មជាតិ។
៧. រូបធ្វើដំណើរ៖ ចង់បញ្ជាក់ពីឋានៈសង្គម និងបង្ហាញថាយើងមានលទ្ធភាពទៅលំហែនៅកន្លែងនោះបាន។ ម្យ៉ាងទៀត វាក៏បង្ហាញពីការទទួលបទពិសោធន៍ថ្មីៗនៃការធ្វើដំណើរ ឬបង្ហាញកន្លែងដែលយើងទើបទៅដល់លើកទីមួយក្នុងជីវិតដែរ។
៨.រូបមានផ្ទៃក្រោយជាឡានទំនើប ឬរបស់របរថ្លៃៗ៖ ចង់បង្ហាញថា «ជីវិតខ្ញុំគឺអស្ចារ្យ ហើយនេះជាភាពជោគជ័យរបស់ខ្ញុំ»។
៩. អាហារ៖ រូបភាពអាហារក្នុងភោជនីយដ្ឋានថ្លៃៗ ចង់បង្ហាញពីជីវិតឡូយឆាយក្នុងសង្គម។
១០. រូបខ្លួនឯងបែបកំប្លែងៗ៖ ជាមនុស្សមានភាពជឿជាក់ខ្ពស់ ព្រោះស្ត្រីទូទៅមិនចង់បង្ហាញរូបកំប្លែង ឬមិនស្អាតរបស់ខ្លួនទេ។
១១. រូបក្នុងការិយាល័យ៖ ជីវិតការងារគឺជារឿងសំខាន់សម្រាប់យើង ហើយវាជាការបង្ហាញមួយថាយើងកាន់ការងារសំខាន់៕