រើសយករូបដើមឈើមួយដើម្បីដឹងពីចរិតពិតរបស់អ្នក

2019-08-14 02:25:00
ចំនួនមតិ 0 | ចំនួនចែករំលែក 0

ខាងក្រោមនេះ គឺជារូបភាពមួយផ្ទាំងដែលមានដើមឈើ៦ប្រភេទខុសៗគ្នា។ ដំបូងអ្នកត្រូវ រើសដើមឈើតែមួយគត់ទុកក្នុងចិត្តសិន បន្ទាប់មកទៅពិនិត្យមើលចម្លើយ ទៅតាមលេខដែលអ្នកបានជ្រើសរើស។

ដើមឈើទី១៖ មានទំនួលខុសត្រូវនិងចូលចិត្តភាពស្ងប់ស្ងាត់

បើអ្នកជ្រើសរើសដើមឈើទី១ អ្នកជាមនុស្សដែលមានទំនួលខុសត្រូវតាំងពីកំណើត រាល់ពេលធ្វើអ្វីមួយតែងប្រើប្រាជ្ញាគិតគូរយ៉ាងល្អិតល្អន់។ ទំនួលខុសត្រូវមួយនេះហើយ ដែលជួយឲ្យអ្នកអាចប្រឈមគ្រប់បញ្ហាកើតឡើងចំពោះមុខ។ យ៉ាងណាមិញ ភាពស្ងប់ស្ងាត់របស់អ្នក បានក្លាយជាចំណុចខ្លាំងនិងចំណុចខ្សោយផងដែរ ប៉ុន្តែចិត្តស្ញប់នេះ អាចជួយឲ្យអ្នករក្សាទំនាក់ទំនងរឹងមាំជាមួយមិត្តរួមការងារនិងអ្នកផ្ទះ។

ដើមឈើទី២៖ ចេះសហការគ្នាល្អ និងមានការពិចារណាខ្ពស់

អ្នកចេះពីរបៀបសហការគ្នាបានយ៉ាងល្អ ដូច្នេះហើយងាយនឹងចុះសម្រុងជាមួយអ្នកដទៃ។ អ្នកជាមនុស្សពូកែអត់ធ្មត់ ចូលចិត្តជួយយកអសាគេ និងផ្តល់ជាគំនិតយោបល់សម្រាប់ដោះស្រាយបញ្ហា។ ចរិតបែបនេះហើយ ទើបធ្វើឲ្យអ្នកមានរឿងរវល់មិនចេះឈប់ ប៉ុន្តែពេលខ្លះខ្វល់ខ្វាយ ជួយអ្នកដទៃច្រើនពេក អាចនាំឲ្យអ្នកខាតប្រយោជន៍។

ដើមឈើទី៣៖ មានចិត្តសប្បុរសនិងឆ្លាតវៃ

អ្នកជាមនុស្សមានទឹកចិត្តល្អ មិនដែលប្រកែកពេកមានគេពឹងឲ្យជួយ ព្រោះអ្នកមានប្រាជ្ញាឆ្លាតវៃ តែងតែអាចរកវិធីល្អៗ ចំពោះបញ្ហាដែលបានកើតឡើង។ មិនតែប៉ុណ្ណោះ អ្នកអាចដឹងថានឹងមានរឿងអ្វីកើតឡើង នាពេលខាងមុខ ដូច្នេះអ្នកតែងរិះរកមធ្យោបាយដើម្បីបង្ការទប់ស្កាត់។ ហេតុផលនេះដែរ បានធ្វើឲ្យអ្នកមានការប្រុងប្រយ័ត្នខ្ពស់ មុនបោះជំហានធ្វើកិច្ចការគ្រប់បែបយ៉ាង។

ដើមឈើទី៤៖ មានភាពរហ័សរហួននិងច្នៃប្រឌិតខ្ពស់

អ្នកជាមនុស្សមានពន្លឺចែងចាំង ក្នុងចំណោមអ្នកដទៃទៀត ដោយសារតែពោរពេញទៅដោយគំនិតច្នៃប្រឌិតប្លែកៗខុសពីគេ។ គំនិតទាំងឡាយដែលគ្មាននរណាអាចគិតដល់ បាននាំអ្នកទៅកាន់គោលដៅមួយមានផ្លែផ្កា សមនឹងមហិច្ឆតារបស់អ្នក។ ទោះត្រូវជួបឧបសគ្គទម្រាំឈានដល់គោលដៅ ក៏អ្នកគ្មានថ្ងៃរួញរាដែរ។

ដើមឈើទី៥៖ ពុះពារជាមួយការងារនិងតែងទទួលបាននូវប្រសិទ្ធភាព

អ្នកជាមនុស្សខិតខំប្រឹងប្រែងធ្វើការខ្លាំងណាស់ ពុះពាររហូតទទួលបានជោគជ័យ គ្មានអ្វីអាចមកបញ្ឈប់បានឡើយ។ រាល់ការងារដែលកំពុងធ្វើ ឬត្រៀមខ្លួននឹងធ្វើ រមែងមានលទ្ធផលល្អនិងប្រសិទ្ធភាពដ៏ប្រសើរ។

ដើមឈើទី៦៖ មានការស្រមើស្រមៃខ្ពស់និងមានភាពច្បាស់លាស់

អ្នកជាមនុស្សមានផែនការច្បាស់លាស់ ជាពិសេសចំពោះការងារ។ ភាពប៉ិនប្រសប់ ក្នុងការស្រមើស្រមៃរកអ្វីថ្មីៗ បាននាំអ្នកឆ្ពោះទៅកាន់ ដំណើរវែងឆ្ងាយនិងអាចសម្រេចអ្វីដែលខ្លួនត្រូវការ៕

ចុចអានបន្ត៖