ចប់បណ្ដឹងលែងលះ Yang Mi ទទួលបាន៦៤០លានដល្លារ ប្ដីបាន៧១លាន តែកូនមើលលែងស្គាល់
- 2019-08-09 03:00:00
- ចំនួនមតិ 0 | ចំនួនចែករំលែក 0
ចប់បណ្ដឹងលែងលះ Yang Mi ទទួលបាន៦៤០លានដល្លារ ប្ដីបាន៧១លាន តែកូនមើលលែងស្គាល់
យោងតាមបណ្ដាញព័ត៌មានហុងកុង នៅពេលកំពូលតារាសម្ដែងស្រីចិន Yang Mi ទៅផ្ទះអតីតស្វាមីដើម្បីមើលកូនស្រី កូនស្រីរូបនេះមិនបានទៅរកនាងឡើយ ត្បិតនាងបានភ្លេចមុខម្ដាយហើយ។
មុននេះបន្តិច បណ្ដាញព័ត៌មាន OH របស់ហុងកុងបានបានរាយការណ៍ ក្រោយពេលបញ្ចប់បណ្ដឹងលែងលះគ្នារួច អតីតប្ដីប្រពន្ធតារាសម្ដែងចិន Harwick Lau និង Yang Mi ត្រូវបានបែងចែកទ្រព្យសម្បត្តិដូចតទៅ៖ ប្រុសស្អាតវ័យ ៤៤ឆ្នាំទទួលបាន៧១លានដុល្លារ រីឯស្រីស្អាតលំដាប់A វិញទទួលបានដល់ទៅ៦៤០លានដុល្លារឯណោះ។
ដោយឃើញដូចនេះ ខាងស្រីបានកាត់ភូមិគ្រឹះនៅតំបន់ Bao Qing តម្លៃ១១លានដុល្លារទៀតឲ្យទៅអតីតស្វាមី។ ក្រោយពេលព័ត៌មាននេះត្រូវបែកចេញ មនុស្សជាច្រើនបានរិះគន់ខាងប្រុសថា បែកគ្នាហើយនៅតែតោងទាមប្រពន្ធ។
ដោយសារតែមានឈ្មោះតោងទាមប្រពន្ធចាស់ ទើបមនោសញ្ចេតនារបស់អតីតគូស្នេហ៍នេះគឺមិនល្អឡើយ។ ដោយសារតែនៅជាមួយឪពុក ទើបកូនស្រីមិនសូវខ្វល់នឹងម្ដាយដូចមុនឡើយ។ មិនត្រឹមតែប៉ុណ្ណោះ កាលពីខែមុន នៅពេលទៅលេងកូន កូនស្រីរបស់ Yang Mi ថែមទាំងភ្លេចមុខម្ដាយទៀតផង។
បណ្ដាញព៏ត៌មាន QQ បានរាយការណ៍សម្ដីរបស់ Harwick ថា នៅពេលនេះ Yang Mi លែងសមធ្វើជាម្ដាយគេទៀតហើយ ព្រោះបារម្ភតែរឿងអាជីពរបស់ខ្លួនប៉ុណ្ណោះ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
