កំហុសឆ្គងក្នុងស្នេហារបស់មនុស្សស្រីគឺ ខំប្រឹងរកតែមនុស្សល្អ តែមិនត្រូវនឹងយើង
- 2019-08-01 04:10:00
- ចំនួនមតិ 0 | ចំនួនចែករំលែក 0
កំហុសឆ្គងក្នុងស្នេហារបស់មនុស្សស្រីគឺ ខំប្រឹងរកតែមនុស្សល្អ តែមិនត្រូវនឹងយើង
គេអាចជាមនុស្សល្អគ្រប់ដប់ គ្មានចន្លោះខ្វះខាតអ្វីសម្បីបន្តិច តែនៅពេលផ្គុំជាមួយយើង បែរជាមិនត្រូវគ្នាទៅវិញ។
នៅក្នុងសង្គមនេះ យើងសង្កេតឃើញរឿងជាច្រើនថា ខាងប្រុស ឬខាងស្រីណាមួយនៅក្នុងចំណងមនោសញ្ចេតនា តែងមានមនុស្សម្នាក់ ល្អជាងមនុស្សម្នាក់ទៀត។ ដល់ថ្នាក់ មានម្នាក់ល្អជាងខ្លាំងរហូតដល់គ្មានតុល្យភាព។ យ៉ាងណាក្ដី លទ្ធផលចុងបញ្ចប់គឺជាអ្វី? នោះគឺជាការបែកគ្នា។
នៅអាស៊ីផ្ទាល់ មនុស្សជាច្រើនតែងមានការគិតថា យកគេដោយសារគេល្អ មានជីវភាពធូរធារ តែមិនដែលគិតថាយកគេដោយសារតែត្រូវគ្នាឡើយ។ សូម្បីតែអាណាព្យាបាលក៏ដូចគ្នា គឺតែងឲ្យកូនយកមនុស្សដែលមានមុខមាត់ក្នុងសង្គម ក៏ដូចជាមានការងារល្អជាដើម ដោយមិនសូវចាប់អារម្មណ៍ថាកូន និងបុគ្គលម្ខាងទៀតនោះ ចុះសម្រុងនឹងគ្នាឬអត់ឡើយ។
តែពួកគាត់មិនបានដឹងឡើយថា គេល្អគ្រប់ដប់ក៏មិនប្រាកដថានឹងត្រូវគ្នានឹងកូនពួកគាត់។ មិនមែនមកពីយើងអាក្រក់ឡើយ តែធម្មជាតិកើតមកគឺមិនមែនសម្រាប់ឲ្យគ្នាតែម្ដង។ ឧទាហរណ៍ដូចជា គេក្រៅពីការងារគឺគ្មានអ្វីលំហែរអារម្មណ៍ទាំងអស់។ តែចំពោះអ្នក ក្រៅពីធ្វើការងារអស់ពីចិត្ត អ្នកក៏លេងអស់ពីចិត្តដែរ ដូចជាកម្មវិធីជាមួយមិត្តភ័ក្ដិជាដើម ហើយធ្វើឲ្យគេគិតថាទង្វើនេះមិនស័ក្ដសម ហើយវាយតម្លៃយើង ទាំងដែលទង្វើនេះគ្មានប៉ះពាល់ដល់អ្នកណាទាំងអស់។
សម័យនេះទៅហើយ ស្រលាញ់គ្នា បែកគ្នាគឺជារឿងដ៏សាមញ្ញបំផុត ហើយមូលហេតុដែលធំជាងគេគឺមកពីចិត្តគំនិតមិនចុះសម្រុងគ្នានេះឯង។ មិនថាគេ មិនថាយើងឡើយ ទោះល្អយ៉ាងណាក៏ដោយ បើមិនត្រូវគ្នា នៅតែចែកផ្លូវជាធម្មតាទេ។ ដូចនេះ នៅពេលដែលស្វែងរកដៃគូ អាចរកមនុស្សដែលមិនល្អគ្រប់យ៉ាង តែមានចរិតលក្ខណៈស្រដៀងអ្នកវិញ ទើបគង់វង្សជាង។
ចុចអានបន្ត៖ ទម្រង់ត្របកភ្នែកបង្ហើបពីនិស្ស័យស្នេហាក្នុងជីវិតអ្នក