ឃើញតែប៉ុន្មានចំណុចនេះ បញ្ជាក់ថាមនុស្សជាទីស្រលាញ់អ្នកចាប់ផ្ដើមលាក់បាំងហើយ

2019-08-01 03:00:00
ចំនួនមតិ 0 | ចំនួនចែករំលែក 0

ពេលកំពុងស្រលាញ់ អ្វីៗក៏ល្អដែរ ប៉ុន្តែកុំភ្លេចសង្កេតប៉ុន្មានចំណុចនេះផង បើមិនចង់ក្លាយជាមនុស្សល្ងង់ដោយមិនដឹងខ្លួន។ បើគេចាប់ផ្ដើមបង្ហាញសញ្ញាទាំងនេះ មានន័យថាគេលាក់បាំងយើងអ្វីមួយហើយ។ យើងមិនត្រូវការរករឿងអ្វីនោះទេ តែយើងគ្រាន់តែចង់បានអ្វីដែលច្បាស់លាស់និងភាពស្មោះត្រង់។ ខាងក្រោមនេះ ជាចំណុចបង្ហាញថាគេកំពុងលាក់បាំងអ្នក៖

១ ចំណុចទី១

សញ្ញាដំបូងនិងសំខាន់បំផុតនោះ គឺគេចាប់ផ្ដើមខ្វល់ខ្វាយពីរូបរាងកាយខ្លាំងជាងមុន វាជាអ្វីដែលគេមិនធ្លាប់ធ្វើពីមុន។ តួយ៉ាង គេចាប់ផ្ដើមប្រើប្រភេទទឹកអប់ថ្មីៗ កាត់សក់យ៉ាងស្រស់ស្អាត និងទិញសំលៀកបំពាក់ថ្មីៗជាច្រើន។ ប្រសិនបើអ្នកមានអារម្មណ៍ថា គេលែងចង់ចំណាយពេលជាមួយអ្នកហើយ នោះមានន័យថា គេផ្ដើមលាក់បាំងអ្នកហើយ។

២ ចំណុចទី២

ប្រសិនបើគេកំណត់លេខសម្ងាត់ក្នុងទូរសព្ទ ឬកុំព្យូទ័ររបស់គេដោយគ្មានហេតុផលសមរម្យ នេះប្រហែលជាមានអ្វីឆ្គាំឆ្គងហើយ។ ពិតណាស់ បើអ្នកគ្រាន់មើលទូរសព្ទគេ តែគ្មានអ្វីប្លែក នេះមានន័យថា គេគ្រាន់តែត្រូវការសិទ្ធិផ្ទាល់ខ្លួនគេតែប៉ុណ្ណោះ។ ទោះជាយ៉ាងណាក៏ដោយ បើស្នេហាអ្នកពោរពេញដោយការទុកចិត្តនិងការជឿជាក់គ្នា ហើយគេនៅតែដាក់លេខសង្ងាត់រាល់ឧបករណ៍គេទាំងអស់ នេះមានន័យថា គេប្រហែលមានអ្វីលាក់បាំងអ្នកហើយ។

៣ ចំណុចទី៣

ចំណុចបន្ទាប់នោះ គេងាយខឹង ប្រើហឹង្សា និង ប្រើសម្ដីមិនគួរសម។ គ្រប់ពេលទូរសព្ទរោទ៍ គេប្រញាប់ទទួល ហើយតែងទៅនិយាយខាងក្រៅ។ គ្រាន់តែអ្នកសួរសំនួរធម្មតាៗទៅកាន់គេ ក៏អាចធ្វើឲ្យគេទាស់ចិត្ត និងអាចបង្កជម្លោះបានទៀត។ វាហាក់ដូចជាគេចង់មានជម្លោះនឹងយើង។ ក្រោយពេលអ្នកនិយាយរឿងណឹងហើយ គេតែងដើរចេញដោយនិយាយថាចង់ទៅស្រូបយកខ្យល់អាកាសខាងក្រៅ។ ពិតណាស់! ក្នុងស្ថានភាពនេះ គេព្យាយាមធ្វើបែបនេះដើម្បីកុំឲ្យគេមានអារម្មណ៍ថាខុស ។ គេព្យាយាមធ្វើខ្លួនឯងជាអ្នកត្រូវដោយដាក់កំហុសទៅលើអ្នក។

៤ ចំណុចទី៤

សញ្ញាចុងក្រោយ បញ្ជាក់ពីភាពមិនស្មោះត្រង់ គឺគេមិនចង់ចំណាយពេលជាមួយអ្នក។ ប្រសិនបើពីមុន គេធ្លាប់នាំអ្នកទៅមើលកុន ដើរកំម្សាន្ត ជួបជុំមិត្តភក្តិ ញ៉ាំអាហារខាងក្រៅជាមូយគ្នា ប៉ុន្តែឥឡូវគេមានលេសច្រើនដើម្បីទៅខាងក្រៅដោយគ្មានវត្តមានអ្នកទៅជាមួយគេ។ នេះជាអ្វីដែលអ្នកត្រូវព្រួយបារម្ភខ្លះហើយ។ ដោយសារពីមុនគេតែងតែចង់ចំណាយពេលនិងចង់ក្បែរអ្នក តែពេលនេះបែរជាមានណាត់ខាងក្រៅស្ទើររាល់ពេល។

ចុចអានបន្ត៖ទាំងនេះបញ្ជាក់ថាមនុស្សស្រីលែងចង់ទាក់ទងអ្នកទៀតហើយ ទោះក្នុងឋានៈអ្វីក៏ដោយ

ប្រភព៖ Brightside ប្រែសម្រួល៖ ង៉ាន់ សុគុន