ងាយៗចំណេញពេលទៀត! ញ៉ាំតែផ្លែឈើ៣ ប្រភេទនេះ សម្រកទម្ងន់បានដូចចិត្ត

2019-07-31 03:40:00
ចំនួនមតិ 0 | ចំនួនចែករំលែក 0

ប្រសិនបើអ្នកចង់ស្រកគីឡូឆាប់ ចង់បានរាងស្លីមដែលសក្កិសមនឹងខ្លួនឯងនោះ កុំស្ទាក់ស្ទើរអ្វីទៀត។ ញ៉ាំតែផ្លែឈើ ៣ មុខនេះជាប្រចាំ អ្នកនឹងទទួលបានសុខភាពល្អ ហើយស្រកទម្ងន់បានដូចបំណងទៀត។

១ ផ្លែក្រូចថ្លុង

ផ្លែក្រូចថ្លុង មានតូនាទីជួយកាត់បន្ថយការស្រូបយកជាតិស្ករ និងជាតិម្សៅមានផ្ទុកក្នុងដំឡូង គ្រាប់ធញ្ញជាតិដូចជាអង្ករ ពីសារពាង្គកាយ។ វាជួយកាត់បន្ថយកម្រិតអាំងស៊ុយលីន កំណត់ចំណង់អាហារដែលធ្វើឲ្យអ្នកមិនមានអារម្មណ៍ឃ្លាន ដូច្នេះហើយ វាមានប្រសិទ្ធភាពណាស់សម្រាប់ការសម្រកទម្ងន់។

សម្រាប់អ្នកញ៉ាំក្រូចថ្លុង ១ ភាគ២ នៃផ្លែទាំងមូល អាចស្រកបាន ២ គីឡូគ្រាម ក្រោយរាល់ញ៉ាំអាហារ(មួយពេលៗ)។ ចំណែកអ្នកញ៉ាំទឹកក្រូចថ្លុង អាចកាត់បន្ថយគីឡូបាន ១,៥ គីឡូក្រាម ឯមួយចំនួនទៀត អាចកាត់បន្ថយបានដល់ទៅ ១០ គីឡូក្រាម។

ដើម្បីឲ្យកាន់តែមានប្រសិទ្ធភាព យើងត្រូវញ៉ាំវាបន្ទាប់ពីញ៉ាំអាហារបាន ៣០ នាទី ដោយសារក្រូចថ្លុងមានផ្ទុកជាតិអាស៊ីតច្រើន ប៉ុន្តែវាមានប្រតិកម្មជាមួយអាល់កាលីតែក្រោយពេលរំលាយអាហារប៉ុណ្ណោះ។ ដូច្នេះ វាមានប្រយោជន៍ក្នុងការរំលាយអាហារ។

២ ផ្លែព័រ

ញ៉ាំផ្លែព័រ ជាវិធីដ៏សាកសមបំផុតសម្រាប់អ្នកតមអាហារ។ ផ្លែព័រ គ្មានសារធាតុអ្វីដែលធ្វើឲ្យធាត់នោះទេ តែវាមានជាតិទឹកខ្ពស់ដែលជួយដល់រាងកាយជាច្រើន។ ជាងនេះទៅទៀត វាធ្វើឲ្យយើងមិនឃ្លានក្នុងរយៈពេលយ៉ាងយូរ។ ផ្លែព័រ មានផ្ទុកជាតិសរសៃរក្នុងកម្រិតដ៏ខ្ពស់មួយដែលមានអត្ថប្រយោជន័ណាស់សម្រាប់ការរំលាយអាហារ។ ជាពិសេស វាជួយប្រមូលជាតិខ្លាញ់ក្នុងខ្លូនបានយ៉ាងល្អ ដែលមិនបណ្ដាលឲ្យយើងធាត់នោះទេ។

៣ ផ្លែប័រ

នៅក្នុងផ្លែប័រ មានផ្ទុកនូវសារធាតុបេតាសេទីតាណុល ដែលជាសារធាតុកាត់បន្ថយជាតិកូលេស្ដេរ៉ុលក្នុងឈាម។ បើអ្នកញ៉ាំផ្លែប័រ ១ផ្លែជារៀងរាល់ថ្ងៃ ហើយញ៉ាំមួយសប្ដាហ៍ពេញ នោះអ្នកអាចស្រកទម្ងន់បាន២០ ភាគរយ។ ជាពិសេស អាស៊ីតអូលិក ជាប្រភេទជាតិខ្លាញ់ដែលមានក្នុងប័រ អាចជួយទប់ស្កាត់កុំឲ្យឆាប់ឈ្លាន។

ចុចអានបន្ត៖រឿង១០យ៉ាងនេះនឹងកើតឡើងចំពោះរាងកាយអ្នក បើអ្នកញ៉ាំគ្រាប់ឈីសមួយពែងរាល់ថ្ងៃ

ប្រភព៖ kenhphunu ប្រែសម្រួល៖ ង៉ាន់ សុគុន