ប្រពន្ធៗត្រូវចាំថា បើអ្នកទម្លាប់ធ្វើ ៤ យ៉ាងនេះចំពោះប្ដី ជីវិតអ្នកនឹងវេទនាដោយសារខ្លួនឯង

2019-07-23 08:15:00
ចំនួនមតិ 0 | ចំនួនចែករំលែក 0

បើស្រលាញ់ប្ដីពិត កុំទម្លាប់ធ្វើរឿងទាំងជំនួសប្ដី ព្រោះនាំឲ្យគាត់ខូចចរិត ហើយអ្នកក៏នឹងត្រូវរ៉ាប់រងបន្ទុកទាំងអស់ក្នុងគ្រួសារ។

១.ខ្លាចប្ដីហត់ការងារខាងក្រៅ ដូចនេះពេលមកដល់ផ្ទះមិនឲ្យប្ដីធ្វើអ្វីសោះ

កុំធ្វើជាស្រ្តីបែបនេះអី ចេញមុខពាំង និងរ៉ាប់រងការងារផ្ទះទាំងអស់ ដោយមិនឲ្យប្ដីប៉ះពាល់អ្វីឡើយ ព្រោះខ្លាចប្ដីហត់។ នេះជាការធ្វើបាបខ្លួនឯងទៅវិញទេ ។ មិនតែប៉ុណ្ណោះថែមទាំងឲ្យស្វាមីឡើងដេកទៅដេកមើលទូរទស្សន៍យ៉ាងរំភើយ ទាំងដែលខ្លួនឯងត្រូវធ្វើម្ហូបផង មើលកូនផង និងរៀបចំអាហារលើតុយ៉ាងមមាញឹក។ ស្ត្រីគួរតែដឹងថាការងារ ៨ ម៉ោងក្នុងការិយាល័យ អាចមានពេលជជែកគ្នា និងសម្រាកខ្លះ។ តែអ្នកនៅផ្ទះនេះទៅវិញទេ ដែលមិនបានឈប់ទាល់តែសោះ ហើយមិនមែនតែ ៨ ម៉ោងដូចគាត់ទេ គឺ ២៤ ម៉ោងតែម្ដង។

រូបតំណាង

**២.ឲ្យប្ដីចាយលុយកាក់តាមចិត្ត**

អ្នកត្រូវដឹងពីការពិតមួយមកថា តាំងពីរាប់ពាន់ឆ្នាំមកហើយមនុស្សស្រី គឺជាអ្នកទុកដាក់លុយកាក់មាសប្រាក់ដែលរកបាន។ ការដែលបណ្ដោយឲ្យបុរសចាយលុយដែលរកបានតាមចិត្ត គ្មានរបៀបរបប អ្នកដែលពិបាក គឺខ្លួនឯង ព្រោះលុយមិនដឹងបាត់ទៅខាងណាខ្លះ។ ទោះជាប្ដីមកបានច្រើនយ៉ាងណា ក៏អ្នកទុកលុយគឺជាអ្នកដែរ ព្រោះបើឲ្យគាត់ចំណាយតាមចិត្តចង់ ច្បាស់ជាគ្មានសេសសល់លុយឡើយ។ មនុស្សស្រីមានសមត្ថភាពពិសេសមួយ គឺពូកែទុកដាក់ និងរៀបចំចាត់ចែង។

៣.ធ្វើការសម្រេចចិត្តដោយខ្លួនឯង

ជាប្ដីប្រពន្ធ គឺទាល់តែធ្វើអ្វីមួយមានការពិភាក្សាគ្នាឲ្យបានល្អិតល្អន់ និងស្ដាប់ហេតុផលម្ខាងៗឲ្យជាក់ ហើយអ្នកក៏មិនគួរធ្វើអ្វីដោយចិត្តឯង ប្ដីក៏ដូចគ្នាដែរ ព្រោះបើអ្នកធ្វើបែបនោះ ប្រៀបដូចម្ខាងទៀតគ្មានតម្លៃ និងមិនមានសមត្ថភាព។

៤.អត់ទោសកំហុសទាំងអស់

ការអត់ឱនទោសកំហុសរបស់ប្ដីដោយមិនបង្ហាញឲ្យគាត់ដឹងខ្លួន ធ្វើឲ្យស្វាមីអ្នកមិនចេះរាងចាល ហើយកែខ្លួនឡើយ។ ការឲ្យប្ដីប្រព្រឹត្តកំហុសដដែលៗ ប្រៀបដូចជាការធ្វើបាបខ្លួនទៅវិញទេ ព្រោះគេដឹងថាអ្នកនឹងលើកលែងឲ្យភ្លាម ដោយគិតថាអ្នកជាមនុស្សស្លូត លួងពីបីម៉ាត់ត្រូវគ្នាវិញបាត់៕