ហេតុផលឪពុកម្តាយគួរនិយាយពាក្យពិរោះស្តាប់ជាមួយកូន
- 2019-07-23 07:00:00
- ចំនួនមតិ 0 | ចំនួនចែករំលែក 0
ហេតុផលឪពុកម្តាយគួរនិយាយពាក្យពិរោះស្តាប់ជាមួយកូន
(U Message)
ម៉េចបានមិនចេះទុកដាក់ស្បែកជើងឲ្យដឹងកន្លែងខ្លះផង
ប៉ាទូរសព្ទទៅ កើតថីបានមិនលើក ហើយបើអ៊ីចឹងម៉េចនឹងដឹងថាមកដល់ហើយឬនៅ
ចង់ឲ្យប្រាប់ប៉ុន្មានដងទៀតថាឲ្យលាងចានពេលបាយរួច
មើលវានិយាយសម្ដីម៉ាកៗណឹងជាមួយម្ដាយផង៎
មិត្តភក្តិរបៀបនេះឬ ចេះសេពគប់ទៅរួចដែរ យកស្អីមកគិត
ម៉េចបានមកផ្ទះស្រវឹងជោគទៀតហើយ ក្រែងសន្យាថានឹងមកផ្ទះត្រង់ពេលនោះ
(I message)
= ម៉ាក់ចង់ឲ្យកូនឯងជួយមើលរៀបស្បែកជើងដាក់ក្នុងទូឲ្យមានរបៀបផងណា៎
= ប៉ាតេទៅកូនឯងអត់លើក ចេះតែបារម្ភមិនដឹងដល់ណាហើយ
= យើងមានតួនាទីត្រូវលាងចានក្រោយញាំបាយរួច កុំឲ្យហត់តែម្នាក់ៗពេកដឹងអត់
= ម៉ាក់ឈឺចិត្តពេលលឺកូនប្រើពាក្យធ្ងន់ៗបែបនេះជាមួយម៉ាក់
= ម៉ាក់ចេះតែបារម្ភ ពេលឃើញកូនរាប់អានមិត្តភក្តិមួយក្រុមនេះ
= ម៉ាកភ័យបារម្ភកូនឯងណាស់ កូនឯងត្រឡប់មកផ្ទះយឺតមិនដូចនិយាយជាមួយម៉ាក់ មានរឿងអីកើតឡើងមែនទេកូន?
(U Message) ជាប្រយោគដែលអាណាព្យាបាលគិតនិងមានអារម្មណ៍ ។ ភាសានិយាយទាំងនេះ ជាអ្វីដែលលោកអ្នកគ្រប់គ្នាប្រើដល់ក្លាយជាទម្លាប់ទៅហើយ។ ក៏ប៉ុន្តែភាសាទាំងអស់នោះច្រើនមានទំនោរអវិជ្ជមាន ដែលបណ្ដាលឲ្យកើតមានអារម្មណ៍ទើសទាល់ តឹងចិត្ត មិនចង់ស្ដាប់មិនចង់លឺ ដោយមិនបានមើលឃើញសេចក្ដីស្រឡាញ់ បំណងល្អពីអ្នកនិយាយផង។
ផ្ទុយទៅវិញ ប្រយោគ (I message) ជាភាសាដែលនិយាយចេញពីអារម្មណ៍ខ្លួនអ្នកដោយប្រាសចាកការកាត់សេចក្ដី ឬការបន្ទោសបង្អាប់គ្រប់យ៉ាង។ ភាសានិយាយបែបនេះទើបធ្វើឲ្យអ្នកស្ដាប់ ព្រមទទួលស្ដាប់លោកអ្នកជាង ជាភាសាដែលជះឥទ្ធិពលផ្លូវអារម្មណ៍ល្អដល់អ្នកស្ដាប់ឲ្យបានទទួលស្គាល់ទឹកចិត្តបារម្ភ ចេតនាល្អៗរបស់លោកអ្នកបាន។
លោកស្រីវេជ្ជបណ្ឌិត Jiraphorn Arunakol ពេទ្យជំនាញផ្នែកកុមារ វេជ្ជសាស្រ្តវ័យជំទង់ និងបម្រែបម្រួលអ៉រម៉ូនភេទ (Gender Variation Clinic) ប្រចាំមន្ទីរពេទ្យរាមាធិបតី បាងកកប្រទេសថៃ បានណែនាំថា ឪពុកម្ដាយគួរចេះហ្វឹកហាត់ភាសានិយាយដែលកូន និងមនុស្សគ្រប់គ្នារីករាយនឹងស្ដាប់ដោយពាក្យវិជ្ជមាន ដូចដែលលោកអ្នកចង់បានពីមនុស្សជុំវិញដែរ៕