ស្ទើរមិនជឿនឹងភ្នែក! ផ្លែឈើពណ៌កម្រមានពិតលើផែនដីយើង
- 2019-07-22 04:45:00
- ចំនួនមតិ 0 | ចំនួនចែករំលែក 0
ស្ទើរមិនជឿនឹងភ្នែក! ផ្លែឈើពណ៌កម្រមានពិតលើផែនដីយើង
មនុស្សជាច្រើនប្រហែលយល់ច្រឡំថា ផ្លែឈើខាងក្រោមជាការថែមថយពី Photoshop ព្រោះឃើញពណ៌ចម្លែក។ ប៉ុន្តែតាមពិតវាមានពិតលើពិភពលោកយើង ហើយក៏ផ្ដល់គុណសម្បត្តិច្រើនដល់សុខភាពច្រើនផងដែរ។
.១ ទុរេនពណ៌ក្រហម
មនុស្សជាច្រើនគិតថា ផ្លែទុរេនមានតែសាច់ពណ៌លឿងទេ។ តែតាមពិតមិនដូច្នេះឡើយ ទុរេនអាចមានដល់ទៅ២៧ប្រភេទខុសៗគ្នា ហើយពណ៌សាច់របស់វាក៏ខុសគ្នាដែរ។ ចំពោះទុរេនសាច់ពណ៌ក្រហមនេះ ជាប្រភេទកម្រដែលមានដុះតែនៅក្នុងព្រៃជ្រៅនៅសាប៉ាប្រទេសវៀតណាម និងនៅប្រទេសម៉ាលេស៊ីប៉ុណ្ណោះ។ រសជាតិរបស់វាមិនសូវខ្លាំងដូចទុរេនសាច់ពណ៌លឿងទេ ហើយក្លិនវិញក៏សូវឆួលច្រមុះខ្លាំងដែរ។
២. ទុរេនពណ៌ឥន្ធនូ
ទុរេននេះសាច់ចម្រុះពណ៌ប្រៀបដូចឥន្ធនូដូចជា ក្រហម ផ្កាឈូក ទឹកក្រូច និងលឿង។ ចំពោះទុរេននេះមិនមែនដុះតាមធម្មជាតិទេ វាត្រូវគេបន្សាំចូលគ្នារវាងទុរេនបីប្រភេទក្នុងចម្ការនៅប្រទេសឥណ្ឌូនេស៊ី។ បើនិយាយពីរសជាតិវិញ មិនមានអ្វីប្លែកពីទុរេនសាច់ពណ៌លឿងឡើយ ។
៣. សាវម៉ាវពណ៌លឿង
រសជាតិវាជូរ និងមិនសូវផ្អែមដូចសាវម៉ាវសាច់ពណ៌សឡើយ។ ហេតុនេះហើយ អ្នកខ្លះញ៉ាំវាជាមួយអំបិលម្ទេស ដើម្បីបង្កើនរសជាតិ។ ប៉ុន្តែកុំញ៉ាំសាវម៉ាវប្រភេទនេះច្រើនពេកព្រោះអាចឲ្យឈឺក្រពះ និងមិនសូវស្រួលខ្លួន។
៤. ស្រកានាគសម្បកពណ៌លឿង
ប្លែកមួយទៀតហើយ ព្រោះភាគច្រើនអ្នកធ្លាប់តែឃើញផ្លែស្រកានាគសម្បកពណ៌ផ្កាឈូកហើយសាច់ពណ៌ស និងសាច់ពណ៌ក្រហមប៉ុណ្ណោះ។ ចំពោះផ្លែស្រកានាគនេះវិញ សម្បកពណ៌លឿងតែសាច់វាពណ៌ស។ បើនិយាយពីរសជាតិវិញ គ្មានផ្លែស្រកានាគណាផ្អែមឆ្ងាញ់ដូចវានោះទេ។ លើសពីនេះ វាសម្បូរជាតិ Fiber ខ្ពស់ដែលល្អសម្រាប់ការរំលាយអាហារនិងបញ្ចេញចោល។ វាក៏ផ្ទុកជាតិដែក ជួយដល់កោសិកាឈាម និងអូមេហ្គា៣ អាស៊ីតខ្លាញ់ បូករួមទាំងកាល់ស្យូម វីតាមីន A , C ម៉ាញ៉េស្យូម ផូស្វ័រ ប៉ូតាស្បូមទៀតផង។ ផ្លែនេះមានរាងតូចបន្តិចតែផ្ដល់គុណសម្បត្តិច្រើនដល់សុខភាពដូចជាកាត់បន្ថយជរាភាព ស្រ្តេស និងមហារីកថែមទៀត។
៥. ផ្លែទៀបសម្បកពណ៌ស្វាយ
ផ្លែទៀបនេះមានដើមកំណើតពីប្រទេសឥណ្ឌា ដែលសាច់វាពណ៌សតែសម្បកពណ៌ស្វាយ។ រសជាតិវាផ្អែមជាប់មាត់ គួរឲ្យចង់ទទួលទាន។ កាន់តែពិសេស ផ្លែនេះសម្បូរវីតាមីន A, C ។ ចំណែកស្លឹករបស់វា ជួយព្យាបាលការរំលាយអាហារនិងការឈឺសន្លាក់។ ប៉ុន្តែគ្រាប់វា គេមិនទទួលទានទេព្រោះអាចពុលបាន៕
ចុចអាន៖ ៩រឿងដ៏កម្រ មានតែនៅជប៉ុន ពិបាករកបំផុតក្នុងពិភពលោក