បើមានសញ្ញាទាំងនេះ ប្រហែលជាអ្នកកំពុងស្រលាញ់ខុសមនុស្សហើយ
- 2019-07-18 03:30:00
- ចំនួនមតិ 0 | ចំនួនចែករំលែក 0
បើមានសញ្ញាទាំងនេះ ប្រហែលជាអ្នកកំពុងស្រលាញ់ខុសមនុស្សហើយ
ក្នុងចំណោមពួកយើង អ្នកណាក៏ចង់រកមនុស្សដែលអាចស្រលាញ់គ្នាបានយូរអង្វែងដែរ តែធ្វើយ៉ាងម៉េចទើបយើងដឹងថា មនុស្សដែលយើងកំពុងស្រលាញ់នោះ គឺត្រូវឬខុស។ បើមនោសញ្ចេតនារបស់អ្នកមានសញ្ញាទាំងនេះ អ្នកអាចកំពុងដាក់ចិត្តលើមនុស្សខុសហើយ។
១. អ្នកមានអារម្មណ៍ថាខ្លាច
អ្នកមានអារម្មណ៍ថាមិនស្ងប់ចិត្តនៅក្នុងមនោសញ្ចេតនាមួយនេះ។ អ្នកមើលមិនឃើញនូវអនាគតរបស់អ្នកទាំង២ ឬអនាគតរបស់អ្នកទាំង២មិនច្បាស់។ នៅពេលនិយាយដល់រឿងស្នេហារបស់ខ្លួន អ្នកមានតែភាពភ័យខ្លាច ហើយគ្មានអ្វីច្បាស់លាស់។
២. អ្នកមិនទទួលបានការគោរព
ប្រសិនជាគេតែងជាន់ឈ្លី ភាពជឿជាក់របស់អ្នក តែងធ្វើឲ្យអ្នកមិនជឿទុកចិត្ត មានន័យថាមនោសញ្ចេតនារបស់អ្នក និងគេគឺគ្មានតុល្យភាពឡើយ។ គេតែងប្រៀបធៀបអ្នកជាមួយអ្វីដែលធ្វើឲ្យអ្នកពិបាកចិត្តនោះ នោះមានន័យថា អ្នកគ្រាន់តែជារបស់លេងសើចរបស់គេទេ។
៣. សងខាងមិនហ៊ានទទួលស្គាល់មនោសញ្ចេតនា
និយាយឲ្យចំទៅ ទាំងសងខាងសុទ្ធតែមានភាពអៀនប្រៀន ឬអាម៉ាសក្នុងការទទួលស្គាល់ស្នេហាមួយនេះ។ ដោយមិនហ៊ានប្រាប់ឲ្យអ្នកដទៃបានដឹងឮឡើយ។ នេះបង្ហាញឲ្យឃើញថា អ្នកទាំង២ មិនទុកចិត្តគ្នា ក៏ដូចជាមិនទាន់ជឿទុកចិត្តគ្នាឡើយ។
៤. អ្នកមិនហ៊ានធ្វើជាខ្លួនឯងពេលនៅក្បែរគេ
នៅខាងមុខគេ អ្នកសម្ដែងថាខ្លួនជាមនុស្សផ្សេងមួយទៀត។ អ្នកនៅតែលាក់លៀមពីខ្លួនឯងដូចជា កម្រិតវប្បធម៌ ឬជីវភាពគ្រួសារជាដើម ដោយអ្នកខ្លាចថាអ្នកមិនស័ក្ដិសមនឹងគេ ហើយបើប្រាប់ត្រង់ទៅ ក្លាយគេនឹងបោះបង់អ្នកចោល។ តែបើមនុស្សពីរនាក់ស្រលាញ់គ្នាហើយ ទោះបីជាដឹងការពិត ក៏ចិត្តគូភាគីមិនកែប្រែឡើយ។
៥. គេមិនខ្វល់ពីអារម្មណ៍របស់អ្នក
នៅពេលគេធ្វើសកម្មភាព ឬនិយាយអ្វីចេញមួយ គេមិនបានមើលទឹកមុខ ឬអារម្មណ៍អ្នកឡើយ។ គេនិយាយចេញមកដោយគ្មានការគិតថា វាប៉ះពាល់អ្នកឬអត់ គឺនិយាយឲ្យតែសប្បាយមាត់។ មនុស្សបែបនេះ ត្រូវបានគេវាយតម្លៃថា អាត្មានិយមដោយយល់តែពីអារម្មណ៍ខ្លួនឯង៕
ចុចអានបន្ត៖ រឿងតូចតាច ៧ យ៉ាងរបស់មនុស្សស្រីដែលប្រុសៗតែងតែលួចសង្កេតមើល