ទាយដឹងអ្នកមានចិត្តគំនិតបែបណា តាមរយៈចន្លោះម្រាមដៃ
- 2019-07-17 09:00:00
- ចំនួនមតិ 0 | ចំនួនចែករំលែក 0
ទាយដឹងអ្នកមានចិត្តគំនិតបែបណា តាមរយៈចន្លោះម្រាមដៃ
តាមរយៈម្រាមដៃ អ្នកក៏អាចមើលដឹងពីអត្តចរិតរបស់ខ្លួនឯងបានដែរ។ ខាងក្រោមនេះ នឹងបង្ហាញអ្នក៖
១. មានប្រហោងចន្លោះរវាងចង្អុលដៃនិងម្រាមកណ្ដាល
អ្នកចំណាយលុយលើអ្វីមួយដោយគ្មានការស្ទាក់ស្ទើរ ហើយអ្នកក៏ប៉ិនប្រសប់ខាងរកលុយដូចគ្នាដែរ។ ជួនកាលអ្នកចំណាយច្រើនជាងចំណូល រហូតពេលខ្លះធ្វើឲ្យអ្នកដាច់លុយផងដែរ។ ម្រាមដៃមានលក្ខណៈបែបនេះ គេជឿថា អ្នកជួបការខ្វះខាតនៅដើមទី តែក្រោយមកជីវិតអ្នកនឹងបរិបូរណ៍។
២. ម្រាមដៃបិទរកគ្នាបានល្អ គ្មានចន្លោះប្រហោង.
អ្នកជាមនុស្សមិនសូវប៉ិននិយាយស្ដីនោះទេ ហើយក៏ស្មោះត្រង់មិនធម្មតាដែរ។ ពេលធ្វើការងារ អ្នកប្រឹងប្រែងខ្លាំងណាស់ អ្នកមានទស្សនៈវិស័យច្បាស់លាស់ ដឹងពីរបៀបធ្វើការ សកម្ម ហើយលទ្ធផលការងារវិញមិនដែលធ្វើឲ្យអ្នកខកចិត្តនោះទេ។ ថ្វីត្បិតអ្នកមិនពូកែខាងនិយាយក៏ដោយ ប៉ុន្តែអ្នកជាមនុស្សដែលយល់ពីអ្នកដទៃច្រើន និងមានក្ដីស្រលាញ់ស្មោះ។ បើជាមនុស្សប្រុស អ្នកជាបង្គោលរឹងមាំនៅក្នុងគ្រួសារ។ បើជាមនុស្សស្រីវិញ អ្នកជាមនុស្សគួរឲ្យទុកចិត្ត តែងផ្ដល់ក្ដីស្រលាញ់ស្មើៗគ្នាដល់សមាជិកគ្រួសារ និងនៅកន្លែងធ្វើការ។
៣. មានចន្លោះប្រហោងនៅដៃកណ្ដាលនិងដៃនាង
អ្នកជាមនុស្សមានមហិច្ឆតា ចូលចិត្តដំណើរកម្សាន្តមិនចូលចិត្តអង្គុយស្ងៀមនៅមួយកន្លែងទេ។ លក្ខណៈមនុស្សមានម្រាមដៃបែបនេះ ច្រើនតែជោគជ័យលើការងារណាដែលនៅឆ្ងាយពីផ្ទះរបស់ខ្លួន។ បើនិយាយពីគុណវិបត្តិវិញ អ្នកជាមនុស្សធ្វើការដោយគ្មានរៀបចំគម្រោង ភ្លើតភ្លើន និងមិនសូវយកចិត្តទុកដាក់ ។ អ្នកហាក់មិនសូវខ្វាយខ្វល់រឿងលុយកាក់នោះទេ ។ លើសពីនេះ នៅពេលជួបរឿងបរាជ័យ គេច្រើនតែឆាប់បាក់ទឹកចិត្តនិងបោះបង់ចោលទាំងកណ្ដាលទី។
៤. មានចន្លោះប្រហោងសងខាងធំនៅដៃកណ្ដាល
ជាមនុស្សស្រលាញ់សេរីភាព និងចូលចិត្តការងារលក្ខណៈ Freelance ។ យ៉ាងណាក៏ដោយ អ្នកជាមនុស្សមានគំនិតចាស់ទុំ មុនសម្រេចចិត្តមានការគិតល្អិតល្អន់ និងជាមនុស្សគួរឲ្យទុកចិត្តសម្រាប់អ្នករាល់គ្នា។ ជាទូទៅ នៅវ័យកណ្ដាលគេនឹងមានសំណាងលើរឿងលុយកាក់ ហើយជីវិតអាពាហ៍ពិពាហ៍វិញក៏ពោរពេញដោយភាពផ្អែមល្ហែម ទោះពេលខ្លះអ្នកធ្លាប់ឈ្លោះប្រកែកគ្នាជាមួយដៃគូញឹកញាប់ក៏ដោយ។
៥. ប្រហោងនៅចន្លោះម្រាមដៃចង្អុលនិងដៃកណ្ដាល
អ្នកជាមនុស្សជឿជាក់លើខ្លួនឯង មានទំនុកចិត្តខ្ពស់ និងមិនសូវស្ដាប់យោបល់អ្នកដទៃច្រើនឡើយ។ ដូច្នេះ ជួនកាលអ្នកតែងបង្កើតកំហុសដោយអចេតនា។ ចំពោះស្នេហាវិញ អ្នកច្រើនជាមនុស្សចង់បានការយកចិត្តទុកដាក់ច្រើនពីដៃគូម្ខាងទៀត ។ ម្ល៉ោះហើយធ្វើឲ្យគូស្នេហ៍នឿយណាយ អន់ចិត្តនឹងអ្នក រហូតឈានដល់ការបែកគ្នាជារឿយៗ។ ប៉ុន្តែកុំបារម្ភអី បើអ្នកផ្លាស់ប្ដូរមកជាយកចិត្តទុកដាក់លើមនុស្សជាទីស្រលាញ់វិញ នោះដៃគូរបស់អ្នកគ្មានថ្ងៃធុញទ្រាន់នឹងអ្នកឡើយ៕
ចុចអាន៖ រូបដែលអ្នកឃើញមុនគេ អាចបង្ហាញពីបញ្ហាដែលកំពុងជួបប្រទះខ្លាំងនាពេលបច្ចុប្បន្ន