ក្រោយរូបភាពផាត់មុខអាក្រក់ក្នុង Mulan ម្តងនេះ Liu Yifei បង្ហាញខ្លួនស្អាតដូចទេពអប្សរ

2019-07-15 09:00:00
ចំនួនមតិ 0 | ចំនួនចែករំលែក 0

ទស្សនិកជនជាច្រើនបានលាន់មាត់ថា ការផាត់មុខរបស់កំពូលតារាសម្ដែងស្រីចិន Liu Yifei ក្នុងភាពយន្ត “Mulan” បានធ្វើឲ្យនាងអាក្រក់ជាងការពិតជាច្រើនដង។

ក្រោយពេលវីដេអូ Teaser របស់កំពូលខ្សែភាពយន្ត “Mulan” ត្រូវបានបញ្ចេញ ទស្សនិកចិន ក៏ដូចជាទស្សនិកជនអន្តរជាតិ បានបង្ហាញពីភាពស្រងាកចិត្តមិនតិចឡើយ នៅពេលឃើញរូបភាពផាត់មុខរបស់ តារាសម្ដែង Liu Yifei ព្រោះវាធ្វើឲ្យសម្រស់របស់នាងធ្លាក់ចុះមួយកម្រិត។

ទោះបីជាគេដឹងថា នោះគឺស្ដាយផាត់មុខនៅជំនាន់នោះក៏ដោយ តែវាធ្វើឲ្យអ្នកដែលមិនដែលស្គាល់នាង ស្មានតែនាង មិនស្អាតពិតមែន។ ដើម្បីយកយុត្តិធម៌ឲ្យសៀវ ឡុងនី វិញ មុននេះបន្តិច ស្ទូឌីយោរបស់ ស្រីស្អាតវ័យ៣២ឆ្នាំ បានបញ្ចេញកម្រងរូបភាពរបស់នាង ទៅមើលម៉ាកគ្រឿងអលង្ការមួយ ដែលនាងជាអ្នកតំណាង។

ក្នុងកម្រងរូបភាពទាំងនេះ ទស្សនិកជនអាចសង្កេតឃើញថា Liu Yifei គឺស្អាតខ្លាំង ដោយមានអ្នកខ្លះបានប្រៀបធៀបនាងថា ដូចទេពអប្សរ។ រូបទាំងនេះ បានធ្វើឲ្យគេភ្លេចរូបផាត់មុខដែលមិនសូវស្អាតនៅក្នុង teaser រឿង “Mulan” មុននេះ៕

ចុចអាន៖ Song Hye Kyo និង Liu Yifei ប៉ះគ្នាក្នុងកម្មវិធីតែមួយ រកអ្នកចាញ់ឈ្នះមិនឃើញ

ប្រភព៖ Kenh14 ប្រែសម្រួល៖ Caramel