សញ្ញា៦យ៉ាងបញ្ជាក់ថា មនុស្សប្រុសស្រលាញ់អ្នកពិតប្រាកដ

2019-07-15 03:45:00
ចំនួនមតិ 0 | ចំនួនចែករំលែក 0

នៅក្នុងទំនាក់ទំនងអ្នកប្រហែលមិនចង់ចំណាយពេលច្រើនទៅលើការសម្រេចចិត្តថាតើត្រូវធ្វើអ្វីបន្តទៅមុខទៀតនោះទេ។ ចុះបើខាងប្រុសគេបានគិតរួចរាល់មុននោះ តើធ្វើម៉េចទើបយើងដឹង? ៦ចំណុចខាងក្រោមនេះបង្ហាញថាខាងប្រុសចង់មានទំនាក់ទំនងពិតជាមួយអ្នក៖

ចំណាយពេលជាមួយអ្នកច្រើន

បន្ទាប់ពីបញ្ចប់កិច្ចការងាររួចរាល់អស់ហើយ នៅសល់ពេលវេលាប៉ុន្មានគេតែងតែចង់នៅស្និទស្នាលជាមួយអ្នក។ គេហាក់ដូចជាសោះអង្កើយនឹងមិត្តមួយចំនួនរបស់គេក៏ពិតមែន ប៉ុន្តែគ្រប់យ៉ាងព្រោះតែគេចង់ចំណាយពេលជាមួយអ្នកដោយឲ្យតម្លៃពេលវេលាទាំងនោះយ៉ាងខ្លាំង។

ហ៊ានលះបង់ដើម្បីក្ដីស្នេហ៍

គេហ៊ានលះបង់ធ្វើរឿងរ៉ាវជាច្រើនដើម្បីរក្សាទំនាក់ទំនងជាមួយអ្នកឲ្យបានរឹងមាំ គេតែងតែមានភាពម៉ត់ចត់គ្រប់ចំណុចក្នុងការសម្រេចចិត្តធ្វើអ្វីមួយ ព្រោះចង់ឲ្យអ្នកមានទំនុកចិត្តលើខ្លួន។ គ្រប់យ៉ាងគឺដើម្បីអ្នកនិងគេអាចបន្តក្តីស្រលាញ់នេះឲ្យបានយូរអង្វែង។

ចងចាំថ្ងៃសំខាន់អ្នក

គេចង់ចាំគ្រប់យ៉ាងជារបស់អ្នក។ មនុស្សប្រុសដែលអាចចង់ចាំបានរាល់អ្វីជាអ្នក តើអ្នកគិតចង់ឲ្យគេចាកចេញអត់? ប្រាកដណាស់ថាពិតជាអត់នោះទេ។ នេះសរបញ្ជាក់ឲ្យឃើញថាគេពិតជាខ្វាយខ្វល់ពីអ្នកណាស់។

និយាយពីអនាគតរវាងអ្នកនិងគេ

បើមនុស្សស្រលាញ់អ្នកគ្រាន់តែលេងសើចគេពិតជាមិនចង់និយាយរឿងរ៉ាវអនាគតជាមួយអ្នកនោះទេ ប៉ុន្តែគេពិតចង់ដឹងថាគ្រប់យ៉ាងអំពីអ្នកថាគ្រប់យ៉ាងដំណើរការល្អបើគេស្រលាញ់ពិត។ គេតែងតែនិយាយពីអនាគតនិងកំណត់ផែនការជីវិតរវាងអ្នកនិងគេដោយគ្មានភាពស្ទាក់ស្ទើរអ្វីឡើយ។

មើលថែនិងការពារអ្នក

គេមិនដែលទុកអ្នកឲ្យឯកាឬមានអារម្មណ៍ថាអ្នកអត់តម្លៃក្នុងកែវភ្នែកគេនោះទេ គេនឹងបារម្ភពីអ្នកខ្លាំងបើគេដឹងថាអ្នកមិនស្រួលខ្លួនឬតានតឹងផ្លូវចិត្ត។

ណែនាំអ្នកឲ្យគ្រួសារគេបានដឹងលឺ

ស្រលាញ់គ្នាប៉ុណ្ណាក៏ដោយបើគេមិនហ៊ានប្រាប់ពីទំនាក់ទំនងរវាងអ្នកទាំងពីរអោយចាស់ទុំបានដឹងលឺនោះទេ គេមិនទាន់ប្រាកដនឹងអ្នកនោះទេ គេស្ទាក់ស្ទើរក្នុងការជ្រើសរើសយកអ្នកជាដៃគូរជីវិតគេ។តែបើគេបង្ហាញដល់សាច់ញាតិគេហើយ មានន័យថាអ្នកជាមនុស្សសំខាន់សម្រាប់គេហើយ៕

ចុចអាន៖ វិធីហាមឃាត់ខ្លួនឯង កុំឲ្យចេះតែដើរ Crush លើគេផ្តេសផ្តាស

អត្ថបទ៖ ង៉ាន់ សុគុន