វិធីកាត់ចិត្តបើដឹងថាយើងមិនអាចបានបេះដូងបុរសម្នាក់នោះ

2019-07-03 05:00:00
ចំនួនមតិ 0 | ចំនួនចែករំលែក 0

មនុស្សស្រី លង់ស្រឡាញ់គេព្រោះអំពើល្អ និងការយកចិត្តទុកដាក់ដែលគេធ្វើមកលើយើង ប៉ុន្តែតាមពិតគេមិនបានគិតអ្វីលើសពីមិត្តភ័ក្ដិទេ ហើយគេក៏មានមនុស្សក្នុងចិត្តគេហើយដែរ។ បើដឹងថាព្យាយាមអស់ហើយតែមិនអាចឈ្នះបេះដូងគេទេ មានតែកាត់ចិត្ត។ តែគួរកាត់បែបណា?

១.ទទួលស្គាល់ការពិត៖ ដំបូងបំផុតគឺត្រូវទទួលស្គាល់ថាជីវិតយើងមានរឿងជាច្រើនដែលមិនសមបំណងបូករួមទាំងរឿងស្នេហាផងដែរ។

២. កើតទុក្ខបានតែកុំយូរពេក៖ បេះដូងត្រូវការពេលវេលា មិនមែនអាចកាត់ផាំងៗ ដូចកាត់សាច់ជ្រូកទេ។ អាចឲ្យខ្លួនឯងយំបានតែកុំយូរឲ្យសោះ។ ឆាប់ជូតទឹកភ្នែកហើយក្រោកឈរវិញ។

៣. ជៀសវាងមើលរឿងមនោសញ្ចេតនា៖ កុំមើល ព្រោះកាន់តែធ្វើឲ្យគិតរឿងឈឺចាប់។ គួរមើលអ្វីសប្បាយៗវិញ។

៤. យកពេលខ្វល់ខ្វាយពីមិត្តភ័ក្ដិវិញ៖ រឿងដែលល្អបំផុតក្នុងពេលបែបនេះគឺការចំណាយពេលជាមួយមនុស្សដែលស្រឡាញ់ និងបារម្ភពីយើង។

៥. ចេញទៅខាងក្រៅ៖ កុំចេះតែអង្គុយក្នុងផ្ទះគិតពីម្នាក់ហ្នឹង។ ចេញមកក្រៅរកអ្វីដែលថ្មី និងសប្បាយធ្វើវិញ។

៦. នៅឲ្យឆ្ងាយពីគេ៖ ចេះតែចង់ឃើញគេមែនទេ? គួរតែបញ្ឈប់វាទៅព្រោះនឹងធ្វើឲ្យកាន់តែនឹកគេវិញទេ។

៧. កុំរំឭកពីគេទៀត៖ ក្រៅពីកុំជួប គឺកុំរំឭកតែម្ដង។

៨. គិតពីខ្លួនឯង៖ ទៅហាត់ប្រាណ និងញ៉ាំអាហារល្អៗ ដើម្បីសុខភាពវិញ។

៩. សម្លឹងអ្នកផ្សេង៖ មិនបានបុរសម្នាក់ហ្នឹង មិនមែនត្រូវទៅបួសទេ។ មើលអ្នកផ្សេងវិញមើល! នរណាទៅដឹង ប្រហែលជាអាចជួបបុរសល្អជាងម្នាក់មុននោះ១០ដងថាបាន។

ជាការពិតដែលថាបំភ្លេចមនុស្សប្រុសម្នាក់មិនមែនជាការងាយស្រួលទេ ព្រោះស្រីៗបើស្រឡាញ់ហើយគឺប្រាកដប្រជាពិបាកកាត់ចិត្តណាស់ តែក៏មិនបានន័យថាយើងត្រូវឯកាដែរ។ ត្រូវសម្លឹងពិភពលោកក្នុងផ្លូវវិជ្ជមានជានិច្ច៕

ចុចអាន៖ មនុស្សប្រុសមិនងាយយំទេ តែបើគាត់ស្រក់ទឹកភ្នែកដើម្បីអ្នកគឺគាត់ស្រលាញ់អ្នកបំផុតហើយ

ប្រភព៖ Lovepanky ប្រែសម្រួល៖ Chhai Yarith